Спорт
Аргентина-Мексико 3:1, нова грешка на судиите
Репрезентацијата на Аргентина ќе игра во четвртфиналето на Светското првенство против Германија, откако синоќа го совлада Мексико со 3:1.
Репрезентацијата на Аргентина ќе игра во четвртфиналето на Светското првенство против Германија, откако синоќа го совлада Мексико со 3:1.
Дамка на овој натпревар повторно фрли една голема судиска грешка, која што директно влијаеше врз конечниот резултат, идентично како и на претходниот натпревар помеѓу Германија и Англија
Првиот постигнат гол на Аргентина во 26 минута беше од класична офсајд ситуација. Меси му дофрли една топка на Тевез, кој со глава непречен од никого ја спроведе во празниот гол. Но, во моментот на додавањето пред Тевез немаше ниту еден противнички играч, дури ни противничкиот голман не беше пред него.
Овој погодок психолошки влијаеше врз играчите на Мексико, што во 33 минута резултираше со катастрофалната грешка на халфот Осорио кој едноставно му ја додаде топката на Игуаин, кому нему беше тешко да зголеми на 2:0.
Сепак „гаучосите“ прикажаа многу подопадлива игра од противникот, а најубавиот потег беше во 52 минута кога Тевез постигна ретко убав гол со удар од 25 метри.
Почесниот погодок за Мексико го постигна Ернандез во 71 минута, кога на мајсторски начин се ослободи од противничкиот играч и силно стрелаше под пречката.
Мексико со синоќешниот пораз ја доживеа петтата последователна елиминација во осминафинале на Светско првенство, а на претходното истотака беше елиминиран од Аргентина. /крај/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Премиер лигата им забрани на собирачите на топки да ја враќаат топката во игра
Премиер лигата воведе ново правило кое се однесува на момчињата кои ги собираат топките, пишуваат англиските медиуми. Тие повеќе нема да смеат да им ги фрлаат топките на играчите, туку ќе мора да ги ставаат на одредени места до теренот. Оваа измена е воведена за домашните екипи да не имаат неправедна предност.
Во последниве години, тренерите почнаа да им придаваат се поголемо значење на собирачите на топки, некои од нив дури лично да им даваат инструкции како да ја вршат својата работа.
Најчесто акцентот се ставаше на побрзо фрлање на топката кон играчите за да се забрза играта во обид да се изненади противникот. Исто така, собирачите на топки знаеја да прават мали опструкции кога нивниот тим ја има предноста.
Со воведувањето на оваа промена, Премиер лигата се обидува да создаде еднакви услови и за домашните и за гостинските екипи.
Спорт
Чаби Алонсо ги одби гигантите ќе остане во Леверкузен
Чаби Алонсо потврди дека и наредната сезона ќе го предводи Баер Леверкузен. Шпанецот со „фармацевтите“ е на добра пат да ја освои првата Бундес лигата во клупската историја. Неговиот тим, во сите натпреварувања од почетокот на сезоната, нема доживеано ниту еден пораз.
Чаби Алонсо долго време се поврзуваше со Ливерпул и Баерн Минен, клубови за кои играше во кариерата, но денес стави крај на тие шпекулации.
„Имав многу добри разговори со челниците на клубот и им кажав дека сакам да останам во Баер. Ова е најдоброто место за мене “, изјави Чаби Алонсо и продолжи:
„Нема да коментирам за Ливерпул или Баерн. Тие се големи клубови и јас сум поврзан со нив. Сепак, сега сум таму каде што сакам да бидам. Сега не е време да зборувам за иднината, сакам да се развивам понатаму во Баер. Веќе им ја соопштив одлуката на играчите “, рече 42-годишниот тренер.
Алонсо го презеде Леверкузен во октомври 2022 година, а пред тоа го тренираше вториот тим на Реал Сосиедад.
Спорт
Шекил: Сакам Симонс да ме научи како за 55 натпревари заработи 80 милиони долари
Изјавата на Шекил О’Нил во еден подкаст, во пресрет на почетокот на плеј-офот во НБА лигата, привлече големо внимание во САД.
Еден од најдобрите центри во историјата на кошарката, саркастично одговори на прашањето за кои играчи би платил карта да ги гледа во живо.
„Бен Симонс, затоа што сакам да научам како можеш да заработиш 80 милиони, а да одиграш само 55 натпревари. Научи ме човеку. Научи ме како можеш да одиграш 55 натпревари во три сезони и да добиеш 30 милиони, 40 милиони и уште 40 милиони само за да рекол дека го боли грбот“, рече четирикратниот шампион во НБА.
Симонс во 2016 година беше прв пик на драфтот, го избра Филалделфија, во чии редови беше до 2022 година кога се пресели во Бруклин Нетс. За Бруклин во првата сезона одигра 40 натпревари, а оваа само 15.