Спорт
Контадор и Шлек возеа туристички во 10. етапа
Енди Шлек и Алберто Контадор сакаат да ја сочуваат силата за финишот на Тур Д Франс. Како инаку би се објаснило нивното „рекреативно„ возење во 10 етапа.
Енди Шлек и Алберто Контадор сакаат да ја сочуваат силата за финишот на Тур Д Франс. Како инаку би се објаснило нивното „рекреативно„ возење во 10 етапа. Тие заедно со третопласираниот во генералниот пласман Самуел Санчез на целта стигнаа цели 14 минути зад победникот, така што разликата од 40 секунди меѓу Шлек и Контадор останува непроменета. На 179 километри долгата етапа од Шамбери до Гап победи Серџо Паулињо од ТимШак кој во спринтот беше побрз од Белорусинот Васил Кириенка. Тие двајца заедно со уште четири возачи во раната фаза се одвоија и никој не се обиде да ги стигне. Серџо Паулињо е инаку носител на сребрен медал од Олимпијадата во 2004 година и по завршувањето на етапата изјави дека за една ваква победа на Тур Д Франс сонувал уште како дете. Денешната 11 етапа е долга 184,5 километри од Систерон до Бург Ле Валенс, а утре следува осредна планинска етапа, и се чини дека и во двете овие етапи Шлек и Контадор ќе возат резервирано штедејќи се за последните етапи кога ќе започнат да се искачуваат на Пиринеите.крај/ап/м.н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ларкин од еден се сели во друг крај на Истанбул
Шејн Ларкин е еден од кошаракрите чии договор истекува на крајот од сезоната.
Американецот, пет сезони го носи дресот на Ефес. Со овој клуб освои две титули во Евролигата.
Ларкин ја има најголемата плата во Евролигата. Годишно тој заработува четири милиони евра.
Прашање е дали Ефес ќе му понуди нов договор на 31-годишниот Американец.
Наводно, целата ситуација внимателно ја следат од другиот крај на Истанбул. Фенербахче е заинтересиран да го донесе Ларкин од наредната сезона.
Фенербахче не е единствениот клуб кој покажува интерес за Ларкин, но според медиумите води во трката за неговиот потпис.
Оваа сезона Ларкин има 17 поени по натпревар, 5,2 асистенции, три скока и 1,1 украдена топка.
Спорт
Ѓоковиќ: Горан е член на семејството, пријател
Ден по веста дека Новак Ѓоковиќ и Горан Иванишевиќ ја прекинаа соработката, српскиот тенисер тренираше во Белград, во Кошутњак со Ненад Зимоњиќ.
Хрватските медиуми во Белград, се обидоа да добијат дополнителни одговори, зошто тенисерот и тренерот ја прекинаа соработката.
Ѓоковиќ се подготвува за Мастерсот во Монте Карло.
Српскиот ас не сакаше да дава дополнителни коментари на актуелната тема, но љубезно им се заблагодари на сплитските новинари.
„Сега не можам ништо да коментирам, извинете што нема да ви го дадам тоа што го барате, но ви благодарам што дојдовте. Добредојдени сте да останете овде, но јас и Горан ја завршивме нашата соработка. Ја видовте објавата, така што…“, рече Ѓоковиќ и додаде.
„Горан е член на семејството, пријател засекогаш и така ќе биде. Професионално едноставно се разделивме, направивме историски резултат – најтрофејниот играч и тренер досега, па мислам дека се е кажано во тоа смисла“.
Спорт
Интер сериозно заинтересиран за голманот на Бразил
Бразилскиот голман Бенто (24), максимално ја искористи шансата која му се укажа по повредите на Алисон Бекер и Едерсон.
Бенто го бранеше голот на Бразил на неодамнешните пријателски натпревари против Англија (1:0) и Шпанија (3:3).
Она што го демонстрираше на „Вембли“ и „Сантијаго Бернабеу“ не мина незабележано, иако од претходно е на радарот на европските клубови. Наводно интерес за Бенто покажуваат Интер, Челзи, Нотингем Форест.
Бразилските медиуми пишуваат дека Атлетико Параненсе за него ќе бара отштета од 20.000.000 евра, а италијанските медиуми пренесуваат дека најблиску до него е Интер. Во клубот сметаат дека добро е Јан Сомер да добие силна конкуренција, а исто така Бразилецот би бич залог за иднината бидејќи има само 24 години.