Спорт
Кристоф Леметр најбрз Европеец
Од 1971 година Франција нема спринтер кој победил на ЕП на 100 метри. Сега по речиси 40 години Кристоф Леметр се погрижи да ја сруши лошата традиција.
Од 1971 година Франција нема спринтер кој победил на ЕП на 100 метри. Сега по речиси 40 години Кристоф Леметр се погрижи да ја сруши лошата традиција. Со време од 10,11 секунди тој победи на најкусата патека, а седум стотинки зад него во целта влегоа четири атлетичари, а фото финишот беше пресуден за поделбата на останатите медали. Сребрениот му припадна на Марк Луис Френсис од Британија, а бронзениот на Мартиал Мбанџок (Франција). Четврти со исто време како второ и трето пласираниот е Френсис Обиквелу, а петти главниот фаворит за златото Двејн Чемберс (Британија). На трката на 10.000 метри во женска конкуренција златото со 31 мин, 10,23 секунди го освои Турчинката Елван Абејгелесе. Втора е Русинката Инга Абитова, а трета Џесика Аугусто од Португалија. Во фрлање кладиво победи Либор Чафрејтаг од Словачка со далечина 80,02 метри, пред Никола Визони од Италија (79,12) и Кристијан Парс од Унгарија (79,06) Инета Радевича од Летонија победи во скок во далечина со должина од 6,92, пред Надја Гомеш од Португалија со иста далечина но со послаб втор скок. Бронзата и припадна на Олга Кичеренко од Русија (6,84). Конечно Хрватката Сандра Перковиќ со последното фрлање на дискот постигна должина од 64,67 и го освои златото, пред Николета Грасу од Романија (63,48) и Јоана Вишниевска од Полска (62,37). Нашата Марина Розман се натпреваруваше во квалификациите на 100 метри и го зазеде претпоследното 31 место со време од 12,64 секунди, што е најслаб резултат, бидејки последната атлетичарка беше дисквалификувана. Со тоа натпреварите за нашите атлетичари завршија уште со првото појавување на сцената .крај/ап/м.н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.