Спорт
ФИФА парично ги казни Холандија и Шпанија
Фудбалските федерации на Шпанија и Холандија, актери на големото финале на Светското фудбалско првенство, заработија парични казни од страна на ФИФА. .
Фудбалските федерации на Шпанија и Холандија, актери на големото финале на Светското фудбалско првенство, заработија парични казни од страна на ФИФА. Репрезентативците на Холандија на финалниот меч добија единаесет жолти картони, дефанзивецот Џон Хејтинга поради две опомени беше исклучен. Недисциплината портокаловата репрезентација ќе ја чини 14.480 евра, нешто помалку ќе платат Шпанците, нивните пет жолти картони чинат 9.650 евра. Единаесетте жолти картони кои ги добија репрезентативците на Холандија се нов рекорд на Мундијалските финалиња, предходно фудбалерите на Аргентина во 1986 година и победата над Западна Германија, пожолтеа шест пати. На СП во Јужна Африка вкупно беа одиграни 64 натпревари, до финалето рекордот според бројот на картони го држеа репрезентациите на Чиле и Швајцарија, фудбалерите на овие репрезентации во групната фаза искомбинираа девет жолти и еден црвен картон. Паричната казна на ФИФА е минимална со огледа на тоа колку финалистите заработија од СП. Шпанската федерација за освојување на Светскиот куп заработи 22,6 милиони евра, додека Холандската федерација инкасира 18,1 милион евра.Во финалето на СП кое на 11. јуни се одигра во Јоханесбург, Шпанија со 1-0 ја победи Холандија, главен судија на натпреварот беше Хауард Веб од Англија. крај/ап/н.ц.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.
Спорт
Наз Рид најдобра резерва во НБА лигата
Центарот на Минесота Тимбервулвс, Наз Рид, ја доби нагрдата за најдобар шест играч во НБА лигата.
Рид, од експертите добил 352 гласа, десет повеќе од бекот на Сакраменто Кингс, Малик Монк.
Наз Рид, во регуларниот дел од сезоната имаше просек од 13,5 поени, 5,2 скока и 1,3 асистенции во 81 одигран натпревар. На 67 натпревари тој влегуваше од клупата, како замена за Руди Гобер или Карл Ентони Таунс.
Тимбервулфс на крајот го освоија третото место во Западната конференција со скор од 56 победи и 26 порази.
Во четврток ќе биде доделена наградата „Клач играч на годината“, односно играч кој бил најдобар во клучните моменти, тука финалисти се Стеф Кари, Демар Дерозан и Шеј Гилџис-Александер.
Наградата за тренер на годината се доделува во недела, а меѓу финалистите се Мајк Дагно од Оклахома, Крис Финч од Минесота и Џамал Мозли од Орландо.
Спорт
ФА го казни Компани
Менаџерот на Барнли, Винсент Компани е казнет од челниците на Фудбалската асоцијација на Англија (ФА).
Причината за казната е неговото однесување на натпреварот од Премиер лигата со Челзи на „Стемфорд Бриџ“.
Компани неколку пати го нарекол судијата Дарен Ингланд „е.ен измамник“, откако претходно досуди пенал за Челзи во 40. минута.
Поради непримерното однесување Компани доби црвен картон.
Компани ќе треба да плати 10.000 фунти и нема да може да го води тимот во два натпревари.