Спорт
Челзи со една принова ќе ја брани титулата во Премиерлигата
Во сабота на 14. август започнува новата сезона во Премиерлигата на Англија, титулата освоена минатата сезона ќе ја брани екипата на Челзи.
Во сабота на 14. август започнува новата сезона во Премиерлигата на Англија, титулата освоена минатата сезона ќе ја брани екипата на Челзи. Во пресрет на новата сезона премиерлигашите направија помали или поголеми корекции во составите. Титулата на Челзи ќе ја напаѓаат неговите традиционални ривали Арсенал, Манчестер Јунајтед, Манчестер Сити, Тотенхем, Ливерпул. Челзи Прекар: Сините Стадион: Стамфорд Бриџ, капацитет 41.841 седишта Менаџер: Карло Анчелоти, на чело на Челзи е од јуни 2009 година. Титули: Шампион на Англија 4 пати, ФА Куп 6 титули, Лига Куп 4 титули, Комјунити Шилд 4 титули, КПК 2 титули, Европски Суперкуп 1 титула Пласман во сезоната 2009/2010: Прво место Нови фудбалери: Јоси Бенајун (Ливерпул) Клубот го напуштија: Рајан Бертранд (Нотингем Форест), Жулијано Белети (без клуб), Михаел Балак (Баер Леверкузен), Мирослав Сток (Фенербахче), Џо Кол (Ливерпул), Рис Тејлор (Кру) Прогноза: Актуелниот шампион спротивно на прогнозите не беше активен на трансфер пазарот, ново име е само Јоси Бенајун, фудбалер со огромно искуство во Премиерлигата. Со заминувањето на Џо Кол, Балак и Белети, Челзи го губи потребното искуство во екипата, неопходно за тешките натпревари во домашното првенство и Лигата на шампионите. Големо засилување за менаџерот Анчелоти ќе биде Микаел Есиен, кој поради повреда ја пропушти речиси целата мината сезона. Анчелоти во новото првенство многу очекува од тинејџерите, 18-годишниот Џефри Брума и една година постариот Гаел Какута.крај/ап/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Навивачите на Челси бараат клубот да го отпушти Покетино
Лошата сезона на Челзи кулминација доживеа синоќа на „Емирати“. Челси беше прегазен со 5:0 од градскиот ривал Арсенал.
Медиумите, а по нив и навивачите, за дебаклот го обвинија менаџерот Маурисио Покетино.
Револтираните навивачи на „сините“, како што пренесува „Фудбал инсајдер“, бараат аргентинскиот стручњак под итно да добие отказ.
Челси, досега има 13 победи, односно победи во една третина од натпреварите во Премиер лигата, премалку со оглед на вложувањата пред стартот на првенството.
Спорт
Судот одлучува за фантомскиот гол на Јамал? Лапорта ќе поднесе тужба против РФЕФ
Барселона ќе ја тужи Шпанската фудбалска федерација (РФЕФ) поради, како што смета, неправдата на Ел Класико.
Ова значи дека судот треба да пресуди дали топката по ударот на Ламине Јамал ја минала гол-линијата.
Барселона, во неделата, доживеа пораз во Мадрид од Реал (3:2).
Фантомскиот гол на Ламине Јамал се уште е тема на шпанските медиуми, но и ситуација од која не се откажуваат во канцелариите на „Камп Ноу“.
Претседателот на Барселона, Џоан Лапорта фи побара од РЕФЕ снимките од ВАР собата (видео и аудио комуникацијата). п
Федерацијата го одби барањето и соопшти дека нема да направи исклучок за Барселона. Сега Барселона сака да добие дозвола видео-записот да му го предаде судот. Лапорта побара и да се повтори Ел Класико.
Во шпанскиот шампионат нема гол-технологија, а ВАР сметаше дека топката не ја минала линијата со полн волумен.
Спорт
Капитенот реши да си замине од Атлетик Билбао
Икер Муниаин реши да го напушти својот Атлетик Билбао на крајот од сезоната.
Легендарниот офанзивец по освојувањето на Купот на кралот сфати дека тоа е најдобриот момент да се збогува со својот сакан клуб, по цели 20 години.
Муниаин е секако дете на клубот, а во академијата на Атлетико пристигна како 11-годишник и ќе замине втор на листата на одиграни натпревари, досега 557, но нема да го престигне недопирливиот Ќоп Ирибара, кој одигра 614.
Но, Муниан реши да си замине во вистински момент, има 31 година, конечно го освои Копа дел Реј, претходно Суперкупот на Шпанија во 2015 и 2021 година.
Нема намера да остане во Шпанија, голема е веројатноста да ја напушти и Европа, иако се уште нема донесено конечна одлука за тоа.
Својата одлука Муниаин веќе им ја соопштил на соиграчите и раководството на клубот, за до крајот на сезоната достојно да се збогуваат од навивачите и од „Сан Мамеш“.
Инаку, Муниан дебитираше за првиот тим уште на 30 јули 2009 година против Јанг Бојс и постигна 75 гола за Атлетик.
Погледнете го неговото емотивно видео кое го најавува неговото заминување од Атлетик Билбао…