Познати се имињата на шест тима кои ќе продолжат понатаму во квалификациите во Лигата на шампионите, меѓу нив ја нема Шкендија. Македонскиот шампион доживеа шокантна елиминација од Номе Калју.

Црвена ѕвезда ја оправда фаворитската улога против Судува. Во Белград српскиот првак славеше со 2:1, откако првиот меч заврши 0:0. Боаче и Марин ги постигна головите за Црвена ѕвезда, а во самиот финиш во 96 минута конечниот резултат го постави Топчагиќ.

Мечот го обележа грубиот старт на Гобељиќ кој доби директен црвен картон.

Противник на Црвена ѕвезда во наредната рунда ќе и биде ХЈК од Финска. Финците во реваншот на домашен терен одиграа 2:2 со Торшван, но пресуден првиот меч и победата на ХЈK од 3:1.

Претставник во наредната фаза ќе има и Малта. Валета и Дуделанж одиграа 1:1, а шампионот на Малта оди понатаму бидејќи првиот меч заврши 2:2. Валта за противник во наредната фаза ќе го има тимот на Номе Калју.

Косовскиот првак Фероникел не успеа во реваншот против ТНС од Велс, иако од првиот меч имаше резултат 2:2. Во Приштина шампионот на Велс победи со минимален резултат 1:0.

Шериф од Молдавија не успеа да приреди чудо против Субиртало Тбилиси. Откако Грузијците забележаа сензационална победа во Молдавија 3:0, во реваншот во Тбилиси играчите на Шериф негативата ја анулираа во првите 11 минути, но до крајот не успеаја да постигнат ниту еден гол, додека домаќините преку Роловиќ еднаш ја погодија нивната мреже и се пласираа понатаму.

Натпреварите од наредната рунда ќе се играат на 23/24 јули, а реваншите на 30/31 јули.

Фудбалскиот сојуз на Камерун соопшти дека Кларенс Седорф повече не е селектор на националниот тим на оваа земја.

Седорф и неговиот помошник Патрик Клајверт добија отказ по неуспешниот настап на Камерун на Купот на Африка.

Камерун на првенството на Африка не успеа да ја одбрани титулата. „Лавовите“ испаднаа во осмина-финалето од Нигерија.

Седорф стана селектор на Камерум во август минатата година кога потпиша четири годишен договор.

Фудбалерите на Шкендија се сопнаа на првата пречка во квалификациите за пласман во Лигата на шампионите. Македонските шампиони не успеаја да го минат првакот на Естонија Номе Калју. Вво-мечот заврши со резултат 2:2, а Естонците одат понатаму бидејќи постигнаа повеќе голови на гостински терен.

Шкендија беше голем фаворити во дуелите со Номе Калју, но таа улога не не ја покажаа во двата дуели. Иако првиот меч во Естонија тетовци го добија со 1:0, таа предност не успеаја да ја задржат во реваншот.

Дуелот на арената „Тодор Проески“ започна лошо за Шкендија. Во шестата минута Захов лошо процени една нафрлена топка, не успеа да ја боксува, а Уге со прецизен удар ја смести зад неговиот грб.

До крајот на полувремето Шкендија се обидуваше но не успеа да ја пробие тактички добро поставената игра на Естонците.

Во вториот дел Шкендија заигра подобро, Бесарт Ибраими во 50 минута го погоди дирекот од голот на Лундек, кој потоа ги одбрани ударите на Агим Ибраими и Мици. Надеж дека Шкендија ќе се пласира во наредната рунда донесе Агим Ибраими во 62 минута кога реалзираше пенал.

Со обидоа тетовци да ја зголемат предноста, а откако не успеаа во своите намери казната ги стигна во 91 минута. Паниката и лошото исфрлање на топката пред голот на Захов ја искористи Лилиу.

Номе Калју во наредната рунда речиси сигурно са противник ќе го имаат шкотскиот великан Селтик.

фото/facebook.com/fcshkendija