Манчестер јунајтед настапите во Лига Европа ги стартуваше со тешко извојувана 1:0 победа над казахстанскиот клуб Астана, додека во истата група, Партизан херојски пред 20.000 деца стигна до 2:2 реми со АЗ Алкмар. Во Менхенгладбах пак, домашната Борусија доживеа понижувачки 0:4 пораз од дебитантот во ЛЕ, австрискиот Волфсбергер.

„Ѓаволите“ на „Олд Трафорд“ се мачеа со Астана, пред во 73. минута, 17-годишниот Мејсон Гринвуд да го постигне првиот гол за сениорскиот тим за победа на тимот на Оле Гунар Солскјер. Во истата група, Партизан го играше последниот меч под „казна“ на УЕФА, но на трибините имаше 20.000 деца кои го видеа тимот на Саво Милошевиќ како стигнува до 2:2 реми со АЗ Алкмар.

Во Менхенгладбах, пак, се случи вистинско чудо откако тимот на Волфсбергер во својот прв настап во големите европски натпреварувања стигна до неверојатна 4:0 победа обезбедена со дури три гола во првото полувреме. Во истата група, Рома немаше проблеми и со 4:0 го совлада турски Башакшехир.

ЛИГА ЕВРОПА, 1.КОЛО

ГРУПА Г

Порто – Јанг бојс 2:1

Глазгов Ренџерс – Феенорд 1:0

ГРУПА Х

Еспањол – Ференцварош 1:1

Лудогорец – ЦСКА Москва 5:1

ГРУПА И

Гент – Сент-Етјен 3:2

Волфсбург – Олександрија 3:1

ГРУПА Ј

Рома – Башакшехир 4:0

Борусија Менхенгладбах – Волфсбергер 0:4

ГРУПА К

Слован Братислава – Бешикташ 4:2

Вулверхемптон – Брага 0:1

ГРУПА Л

Манчестер јунајтед – Астана 1:0

Партизан – АЗ Алкмар 2:2

МАНЧЕСТЕР ЈУНАЈТЕД – АСТАНА

РОМА – БАШАКШЕХИР

БОРУСИЈА МЕНХЕНГЛАДБАХ – ВОЛФСБЕРГЕР

Арсенал стигна до убедлива 3:0 победа на гостувањето кај Ајнтрахт Франкфурт во првото коло од Лига Европа, додека Лацио по поразот во Серија А од СПАЛ доживеа уште еден „кикс“ губејќи со 2:1 на гостувањето кај ЦФР Клуж во Романија.

„Топчиите“ дојдоа во водство преку одбиениот удар на Џо Вилкок во 38. минута од мечот, а откако Ајнтрахт останаа со играч помалку по вториот жолт картон на Доминик Хор во 79. минута, успеаја уште двапати да ја затресат мрежата на домаќините – Букајо Сака во 85. минута и Пјер-Емерик Обамејанг во 88. минута.

Жалењето на Симоне Инзаги дека нивната група во Лига Европа наликува на група од Лигата на шампионите се оствари со незгоден пораз од 2:1 од Клуж, иако „лацијалите“ дојдоа во водство преку Бастос во 25. минута. Деач од пенал израмни на 1:1 пред крајот на полувремето, пред Омрани во 75. минута да ги постави конечните 2:1.

Севилја стигна до убедлива 3:0 победа на гости кај Карабаг со головите на Чичарито, Ел Хадади и Торес, додека Хетафе со 1:0 го победи Трабзонспор.

ЛИГА ЕВРОПА, 1.КОЛО

ГРУПА А

АПОЕЛ – Дуделанж 3:4

Карабаг – Севилја 0:3

ГРУПА Б

Динамо Киев – Малме 1:0

Копенхаген – Лугано 1:0

ГРУПА Ц

Базел – Краснодар 5:0

Хетафе – Трабзонспор 1:0

ГРУПА Д

ЛАСК Линц – Розенборг 1:0

ПСВ Ајндховен – Спортинг Лисабон 3:2

ГРУПА Е

ЦФР Клуж – Лацио 2:1

Рен – Селтик 1:1

ГРУПА Ф

Ајнтрахт Франкфурт – Арсенал 0:3

Стандард Лиеж – Гимараеш 2:0

АЈНТРАХТ – АРСЕНАЛ

ЦФР КЛУЖ – ЛАЦИО

КАРАБАГ – СЕВИЛЈА

ПСВ АЈНДХОВЕН – СПОРТИНГ

ДИНАМО КИЕВ – МАЛМЕ

Калам Хадсон-Одои го продолжи договорот со Челси најмалку до 2024 година, откако се договори со директорот на клубот, Марина Грановскаја за зголемувањето на неделната плата на фантастични 150.000 фунти.

18-годишниот Хадсон-Одои беше мета на многу шпекулации за заминување од „Стемфорд бриџ“, откако Баерн Минхен минатиот јануари имаа четири обиди да го донесат англискиот талент.

„Чувството е прекрасно. Долго време се чекаше на договорот, но сега сите сме задоволни. Јас сум фудбалер на Челси од мојата осма година и секогаш знаев дека ова е вистински тим за мене. Сакам да освојуваме многу трофеи заедно“, вели тинејџерот.

Грановскаја, пак, вели дека договорот на Хадсон-Одои е вистински пример за тоа како Челси сакаат да ги заддржат своите најдобри млади фудбалери и бргу да ги интегрираат во првиот тим.

„Калам минатата сезона го докажа својот талент и сега сите сме возбудени од неговиот раст во следните години. Со овој потпис, тренерот Френк Лампард има уште еден голем талент на располагање“, вели Грановскаја.

5 more years!!!🔥⚽️📝 pic.twitter.com/PUb8FQap6p

— Callum Hudson-Odoi (@Calteck10) September 19, 2019