Светскиот рекет број 1, Новак Ѓоковиќ, со отворено писмо до претседателот на Австралија опен, Крег Тајли, објавено на Твитер се бранеше по критиките кои ги доби за наводната „листа на желби“ кои ги имал за настап на турнирот.

Претходно, Ѓоковиќ достави листа „совети“ до организаторите на првиот гренд слем во 2021, вклучувајќи дозвола за посета на тренерот, или „преселба“ на што е можно повеќе тенисери кај приватни жители на Австралија со тениски терени. Ова доаѓа откако Ѓоковиќ, како и сите тенисери кои ќе учествуваат на турнирот, се во 14-дневен карантин во Аделаида.

Во писмото, Ѓоковиќ вели дека имал добри намери и дека не сакал да испадне „себичен, тежок и неблагодарен“.

„Тоа е многу далеку од вистината. Јас искрено се грижам за моите колеги, а исто така сфаќам како функционира светот и кој станува поголем и зошто. Затоа ја користам мојата привлегирана позиција да помогнам каде што е потребно“, вели Ѓоковиќ.

Премиерот на провинцијата Викторија, Даниел Ендруз вчера го коментираше Ѓоковиќ со една реченица: „Одговорот е НЕ!“.

pic.twitter.com/A6r9BKWENg

— Novak Djokovic (@DjokerNole) January 20, 2021

Манчестер сити стигна до 2:0 победа над Астон вила за да се искачи на првото место во премиер лигата (барем до вечерва кога Манчестер јунајтед гостува на Фулам) во меч со неверојатен број на пропуштени шанси од страна на двата тима.

На силниот дожд во Манчестер, „граѓаните“ се мачеа со упорниот тим на Вила, кој ако не беше целосно рамноправен тим, барем покажа храброст да оди на гол и на победа против силниот противник. Отпорот, конечно, беше скршен во 79. минута, кога Бернардо Силва постигна убав гол по 24 неуспешни удари на голот на противникот, а во 89. минута беше досуден пенал за домаќините, кој Илкај Гундоган сигурно го реализираше.

Манчестер сити сега се први со 38 поени од 18 меча, пред Лестер со ист број на поени од 19 меча и Манчестер сити со 37 поени од 18 меча. Актуелниот шампион Ливерпул се на четвртото место со 34, пред Тотенхем со 33 и Евертон и Вест хем со 32 во неверојатно тесна трка за врвот во Англија. Астон вила остануваат 11. со 26 поени.

Кога се чинеше дека „клетвата“ е прекината со победата над Хофенхајм, Шалке повторно сврза два порази во низа, овојпат од директен кандидат за испаѓање, Келн и тоа со гол во 93. минута од мечот.

Дефанзивецот Рафаел Чикос ги донесе Келн во водство во 31. минута од мечот, но Шалке израмни во 57. минута преку Американецот Метју Хоуп, и беше на секунди пред освојување на поенот, кога Јан Тилман во 93. минута ги урна надежите на „кралско сините“.

Со трите поени, Келн скокнува на 15. место со 15 поени, додека Шалке се убедливо последни со 7 освоени поени.