Спорт
Адвокат пресреќен, Јонуз разочаран од поразот
Поразот на фудбалската репрезентација на Македонија, или победата на Русија во Скопје, предизвика различни реакции кај предводниците на националните тимови, Мирсад Јонуз и Дик Адвокат.
Поразот на фудбалската репрезентација на Македонија, или победата на Русија во Скопје, предизвика различни реакции кај предводниците на националните тимови, Мирсад Јонуз и Дик Адвокат.
Белгискиот стратег на клупата на „зборнаја“ е задоволен што неговите избраници во Скопје ги освоија трите бода.
„Голот кој го постигнавме во раната фаза на мечот беше клучен за конечниот исход“, беше првиот впечаток на Адвокат. Рускиот селектор е задоволен што од двете тешки гостувања во Даблин и Скопје неговата репрезентација се враќа со освоени шест бода, нешто што според него дополнително ќе ја зголеми самодовербата кај играчите.
„ Македонија одигра исклучително добар натпревар, но на крајот мислам дека ние завршивме добра работа“, вели Адвокат кој не се согласува со костатацијата дека неговиот тим бил миленик на фортуната.
„ Не сметам дека имавме среќа. Македонија е силна репрезентација, ние знаевме дека овој натпревар за нас ќе биде многу потежок од оној против Ирска.“
На новинарско прашање да го искоментира досудениот пенал за Македонија, Адвокат кусо одговори. „ Некој ме повика од клупата така да не го видов моментов кога беше досуден пеналот, но мислам дека одлуката на судијата беше престрога.
Понесен од победата Адвокат си дозволи да им се налути на руските новинари кои го опседнуваа со прашања за првата ѕвезда Андреј Аршавин.
„ Ние одигравме тежок натпревар, забележавме победа, а вие ме прашувате за Аршавин, зошто секогаш ги гледате само лошите работи. Аршавин одигра две средби во само четири дена, затоа го заменив пред самиот крај, но неговата замена Бистров е исто така квалитетен фудбалер кој знае да одговори на поставените задачи“, заврши Адвокат.
Разбирливо сосема спортивно беше расположението на македонскиот селектор, Јонуз е задоволен од играта не и од резултатот.
„ И покрај проблемите во играчкиот состав, одсуството на неколку стандардни играчи, потоа и психолошкиот стрес кои го имавме изминатиот месец, а кој беше создаден од надворешниот фактор, можам на момците да им честитам на изворедната игра. Но кога на крај се ќе се собере една наша грешка беше клучна за поразот.“
Македонскиот селектор потенцира дека во играта се почуствало неиграњето на Пандев и Попов, фудбалери врз кои изминатите десет месеци се градела играта на репрезентацијата.
„Се почуствува во првите петнаесет минути дека во тимот има неколку дебитанти, а да се дебитира против ваков противник не е лесно. Згора на тоа немавме среќа, исто како што ја немавме ни против Словачка. Жалам што против Ерменија немавме ваква поддршка од публиката“, вели Јонуз.
Македонскиот селектор не беше задоволен ниту од арбитражата на шведскиот судија Штефан Јоханесон.
„Во првото полувреме за нас требаше да биде свирен чист пенал и да биде покажан црвен картон. Компензацијата ја направи во вториот дел кога досуди пенал, но моментот од првото полувреме беше клучен за конечниот исход.“
Преводникот на „црвено-жолтите“ не може да му забележи ништо на Илчо Наумоски за промашениот пенал, смета дека тој имал доблест да ја преземе одговорноста врз себе.
„Она што ни се случи вечерва беше вистинска несреќа имаше и солзи во соблекувалната, но дека одигравме добро покажаа и аплаузите кои ги добивме на крајот“, изјави Јонуз.
Селекторот на Македонија смета дека оваа генерација покажува дека репрезентацијата има иднина е дека со оглед на нерешениот резултат на натпреварот Словачка-Република Ирска, сите опции во Б групата до крајот на квалификациите ќе бидат отворени.крај/макфакс/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Озил: Барселона е виновна што ел класико повеќе не е најголемиот натпревар во светот
Месут Озил, поранешен фудбалер на Реал, во интервју за „Марка“, го коментираше ривалството помеѓу Реал и Барселона.
„Кога играв во Реал, Ел Класико беше најважниот натпревар на светот. За наша жал, игравме против најдобрата Барселона во историјата. Сега вниманието на гледачите е повеќе насочено кон натпреварите како Ливерпул – Сити или други дерби натпревари во Премиер лигата. Ел Класико не предизвикува толкаво внимание, за тоа виновен Реал, туку Барселона, која е во пад“, вели поранешниот германски репрезентативец.
Тој смета дека неговиот поранешен клуб Реал е најблиску до освојување на Лигата на шампионите.
„Натпреварот против Сити беше фантастичен. Англичаните доминираа речиси во текот на целиот натпревар, но Реал играше интелигентно и се бранеше брилијантно. Извикав „Хала Мадрид“, по последниот пенал. Верувам дека Реал ќе ја освои Лигата на шампионите”.
Европско првенство?
„Англија и Франција имаат неверојатни екипи. Не само првите 11, туку и ширината на нивниот ростер е неверојатна. Сепак, на вакви турнири треба да имате и малку среќа. Мислам дека Шпанија, Португалија или Германија исто така би можеле да стигнат до финалето”.
Озил кариерата ја започна во Шалке, од кој по две години замина во Вердер. За Реал играше од 2010 до 2013 година, а потоа мина осум години во Арсенал. Кариерата ја заврши во Турција каде прво настапуваше за Фенербахче, а потоа и за Истанбул Башакшехир.
Спорт
Араухо почнал преговори со Баерн
Врие во Барселона по елиминацијата од ПСЖ во четвртфиналето, во Лигата на шампионите. Спортската јавност во Каталонија се уште се занимава со она што се случуваше по натпреварот на „Монжуик“, кој ПСЖ го доби со 1:4.
Роналд Араухо е трагичарот на реваншот со ПСЖ. Неговото исклучување во 29.минута во целост го сврте текот на натпреварот.
Илкај Гундоган, јавно го критикуваше Араухо веднаш по натпреварот, а потоа Уругваецот доби еден куп навреди на социјалните мрежи од незадоволните навивачи на Барселона.
По ова, Араухо донел одлука да ја напушти Барселона. Каталонската „ТВ3“, обајви дека неговите менаџери ги започнале преговорите со Баерн Минехн. Уругваецот и во зимскиот преоден рок се поврзуваше со трансфер во Минхен.
Договорот на Араухо со Барселона истекува на 30.јуни 2026 година.
Барселона се надеваше дека ќе може да извлече околу 100 милиони евра за Араухо, но последните информации велат поинаку и дека сумата ќе биде помала.
Извештаите укажуваат дека Баерн е подготвен да плати меѓу 65 и 70 милиони евра. Се верува дека Барселона ќе ја прифати оваа сума.
Доколку трансферот на Араухо биде реализиран, Баерн ќе влезе во нова реконструкција на одбраната, бидејќи ниту еден од тројцата централни дефанзивци: Де Лихт, Ким, Упамекано не ги исполни очекувањата.
Спорт
Баерн извиси, Нагелсман ќе остане селектор на Германија
Јулијан Нагелсман нема да се врати во Баерн Минхен. Младиот тренер, потпиша нов договор со Фудбалскиот сојуз на Германија. Ќе остане селектор до Светското првенство во 2026 година.
Пропадна планот на Баерн Минхен дека Наглесман ќе се врати во клубот. Очигледно, Наглесман не го заборави начинот на кој беше избркан од клубот пред една година, од тогашните функционери Хасан Салихамиџиќ и Оливер Кан.
Наследницуте на Салихамиџиќ и Кан, Макс Еберл и Кристоф Фројнд, стапиле во контакт во тренерот и неговиот менаџер. Се извиниле за она што го направија нивните претходници, а по првиот состанок биле убедени дека Наглесман ќе се врати во Минхен. Сепак ги прецениле своите можности и ноќта на Фудбалскиот сојуз на Германија.
Клучен потег на челниците на Сојузот беше продолжувањето на договорот со директорот на репрезентацијата Руди Фелер. Ова беше знак за Нагелсман дека позитивната атмосфера нема да се промени. Фелер е големо име и она што е најважно не е човек на Баерн. Тој има одлични односи со Нагелсман и бил еден од клучните луѓе во преговорите околу новиот договор. Нагелсман на крајот се согласи да потпише двегодишен договор.
„Ова е одлука донесена од срце. Голема чест е да се биде тренер на репрезентацијата и најдобрите германски фудбалери. Со успешни и страсни изданија, имаме шанса да ја инспирираме целата нација. Победите против Франција и Холандија во март ни покажаа дека сме на вистинскиот пат. Бевме трогнати од ентузијазмот на навивачите за понатамошни предизвици како што е Светското првенство во 2026 година“, рече Нагелсман по потпишувањето на новиот договор.