Ајмерик Лапорт потпиша двегодишно продолжување на договорот со Манчестер сити, со кое ќе остане на „Етихад“ до 2025 година. Бекот дојде во Англија од Атлетик Билбао во јануари 2018 година како еден од најскапите одбранбени фудбалери на светот, и оттогаш е незаменлив дел од тимот на Пеп Гвардиола.

„Пресреќен сум што можам да се обврзам со Манчестер сити. Од моментот кога дојдов тука, се чувствувам добредојден од Пеп и од сите фудбалери. Овој клуб ми нуди сѐ што е потребно да станам подобар фудбалер. Сакам да освојувам титули со клубот“, вели Лапорт.

24-годишниот Лапорт дојде за сума од 57 милиони фунти. Директорот на фудбал на Сити, Чики Бегиристаин вели дека веднаш се забележал талентот на Французинот, кој иронично, не го викаат во репрезентацијата.

„Ајмерик е огромен талент и ова е момент за прослава за нас. Кога дојде тука знаевме дека е фудбалер со исклучителен потенцијал, но подобрувањето на формата во овие 12 месеци беше исклучително“, вели Бегиристаин.

Фото: ЕПА

https://t.co/Czcgh2AwR3

— Manchester City (@ManCity) February 22, 2019

Против Роберт Крафт, сопственикот на актуелниот НФЛ Супер бол шампион, Њу Ингланд петриотс има две обвиненија за посета на проститутки во Џупитер, Флорида, потврди локалната полиција. 77-годишниот Крафт е еден од дваесетината обвинети како дел од полициска акција.

Крафт го купи Петриотс пред 25 години, и оттогаш тој стана најуспешниот тим во НФЛ лигата, со 10 настапи во Супер бол натпреварите и шест титули, вклучувајќи го и последниот Супер бол 53. Тој се смета за еден од најмоќните луѓе во НФЛ лигата.

Покрај тоа, Крафт е добар пријател и со американскиот претседател Доналд Трамп, кој призна дека навива за неговиот тим.

Металург ја забележа својата трета победа во регионалната СЕХА-лига кога младиот состав успеа да го излечи проблемот второ полувреме и со неверојатен камбек стигна до 28:26 (11:12) победа на гостувањето кај Стеауа Букурешт.

Деби-сезоната на Стеауа во регионалното натпреварување ќе заврши без настап на фајналфор, но романскиот клуб во моментот има посилен тим од Металург и тоа го покажа кога во второто полувреме направи предност од максимални пет гола разлика (19:14, 20:15).

Меѓутоа, потоа следуваше фантастичниот камбек на Металург, предводен од 20-годишниот Марио Танкоски, кој мечот го заврши со 9 гола за македонскиот клуб, на две минути до крајот да дојде до само втората предност на мечот. Нервите го направија своето, но Мартин Серафимов и Милан Лазаревски постигнаа голови во интересниот финиш за заслужена победа.

Фото: СЕХА