Спорт
Вејн Руни сонува за четири круни
Репрезентативецот на Англија Вејн Руни откри дека можноста да испише нова клупска историја е најголем двигател за фудбалерите на англискиот клуб.
“Црвените ѓаволи” веќе ја освоија титулата како светски клупски шампиони оваа сезона, но останува на таа да се присоединат и титулите во Премиер лигата, Лигата на шампиони и ФА Купот.Манчестер важи за единствен тим од Премиер-лигата која во една сезона освоил три титули, а тоа се случи во сезоната 1998/99 каде беа освоени Премиер-лигата, ФА Купот и Лигата на шампионите.Руни признава дека можноста за четири круни сезонава го мотивира целиот тим кој е очаен да ја заврши сезоната 2008/09 со импресивен број на медали.”Сите играчи зборувааат за тоа што можеме да направиме-нешто што не е направено порано”- кажа англискиот репрезентативец.”Се за што зборуваме во моментов е тоа колку би било добро доколку победиме во сите натпреварувања”- додаде тој.”Сите сме одлучни во намерата и претпоставувам дека ќе има многу разочарување доколку не го оствариме сонот”.”Не сакам да звучам алчно, но во Јунајтед секогаш има должност да се победи на сите натпревари и секогаш кога ќе се соочиме со пораз се чувствува потиштеност насекаде”.”Радо би понел уште два или три медали дома, но би сакал да освоиме многу”- продолжува Руни.”Знаеме дека ќе биде тешко, но се е во наши раце”.”Во моментов сме во одлична позиција. Имаме шанса да освоиме се и има огромна решителност ништо да не се изгуби залудно”- заврши Руни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.
Спорт
„Мундо депортиво“: Зидан се договорил со Баерн Минхен
Зинедин Зидан ќе биде новиот тренер на Баерн Минхен, пренесува каталонскиот „Мундо Депортиво“. Зидан е без работа откако го напушти Реал Мадрид пред три години.
„Дознаваме дека преговорите се при крај, дури и двете страни сметаат дека се е готово и практично завршено. Зидан само побарал да му се доведат засилувања, особено во одбраната“, тврдат овој извор.
Зидан планираше да стане селектор на Франција, но Дидие Дешамп и понатаму останува на таа позиција. Од друга страна, Баерн, кој по 11 години остана без титулата германски шампион, сакаше да го доведе германскиот селектор Јулијан Нагелсман, но тој го продолжи договорот до 2026 година.
Претходно ПСЖ и Манчестер јунајтед се обидоа да го доведат Зидан, но тој ги одби нивните понуди.
Зидан, 51-годишникот од Марсеј, освои три ЛШ со Реал Мадрид, две шампионски титули на Шпанија, по два УЕФА и шпански Суперкупа, две титули на Светското клупско првенство…
Спорт
Рома преговара за трансферот на Киеза
Тренерот на Рома, Даниеле Де Роси, кој го продолжи договорот со клубот, е голем фан на фудбалерот на Јувентус, Федерико Киеза. Де Роси не кри дека би сакал да го има во својот тим крилниот напаѓач.
Де Роси работеше со него додека му беше асистент на Роберто Манчини во италијанската репрезентација.
Договорот на Киеза со Јувентус истекува во јуни 2025 година, што значи дека ова лето влегува во последната година од истиот.
Тоа значи дека ова лето е веројатно последна шанса клубот да заработи нешто од неговата продажба.
Свесни за ова, челниците на Рома веќе закажале состанок со неговиот менаџер Фали Рамадани.
Покрај Рома, интерес за Киеза покажува и Њукасл.