Спорт
Катанец најавува цврст натпревар
Македонската фудбалска репрезентација во полн состав го одржа и вториот тренинг во својата база во гратчето Сустендајн во Холандија.
Селекторот Катанец изрази задоволство од условите за работа и очекува во целост да биде спроведено зацртаното и нашата селекција во најдобро светло да се претстави во дуелот со фаворитот број еден во групата , селекцијата на Холандија:”Се уште сметам дека можеме да го освоиме второто место во групата, дури и ако загубиме во Амстердам. Но доколку освоиме барем бод на ова тешко гостување, тогаш позициите на македонската репрезентација ќе бидат многу подобри во продолжението од квалификациите“.Холандија е тим , составен од светски ведети, но исто беше и во Скопје кога бевме рамноправен противник и многу блиску до бод. Пристапот кон овој натпревар е исто сериозен како и кон секој до сега и затоа подготовките во текот на 7 дена ќе ги спроведеме во Холандија. Ни требаат бодови, но не смееме да форсираме премногу. Ќе играме во наш стил со цел да создадеме што повеќе шанси за гол, бидејќи, верувам дека овие момчиња го можат тоа и ако искористиме барем една, тогаш можеме да се надеваме на поволни вести од Амстердам арената.Холандија под водството на Ван Марвајк покажа стабилност во овие квалификации, но и нови димензии во играта. „Лалињата“ добро ја познаваат секоја слабост на противникот и тука го бараат својот резултат. Нивниот тренер секогаш има џокер на клупата во случај на „незгоден“ резултат. Мислам дека нема да кажам ништо ново ако кажам дека на ЕП во Австрија и Швајцарија играа најдобар фудбал со Шпанците и дека ќе играат значајна улога на СП во Ј. Африка.” – изјави селекторот Катанец за официјалниот веб сајт на ФФМ. Утре, избраниците на Катанец ќе тренираат само еднаши тоа во терминот од 16:30 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Претседателот на Ла Лига јавно кажа дека е навивач на Реал
Претседателот на шпанската Ла Лига, Хавиер Тебас отворено призна дека навива за Реал Мадрид во интервју за „Експансион“. Овој факт е познат од поодамна, но сега за прв пат е и јавно потврден. Овој детал Тебас го откри додека го коментираше евентуалниот трансфер на Килијан Мбапе во Реал.
„Прво и основно, сето ова го кажувам како навивач на Реал Мадрид. Тоа е неверојатен трансфер, Мбапе е еден од најдобрите фудбалери во светот. Не можам да кажам дека е најдобар бидејќи мислам дека Белингам е најдобар, и зад него е Винисиус“, рече тој и потоа додаде:
„Мбапе е еден од најдобрите фудбалери во светот, затоа мора да бидеме среќни бидејќи таков играч доаѓа во нашата лига. Знам како Реал Мадрид планира да го обезбеди неговиот потпис, и покрај загриженоста и нестрпливоста на медиумите. Тоа го направија во добар момент.”
Да потсетиме, Мбапе на лето доаѓа во Реал Мадрид како слободен играч, откако ќе му заврши договорот со ПСЖ.
Спорт
(Видео) Кобајаши леташе 291 метар
Јапонскиот ски скокач Рјоју Кобајаши постави неофицијален светски рекорд во Исланд прелетувајќи 291 метар, што е за 37,5 метри подобро од официјалниот светски рекорд.
Рекордот Кобајаши го постави на специјално изградена скокалница во ски-центарот Хлидарфјал.
Кобајаши ги помести границите со летови од 256, 259 и 282 метри во двата дена од пробното натпреварување, а во средата го постави конечниот рекорд од 291 метар. Осум секунди бил во воздух и достигнал најголема брзина од 107,5 километри на час.
„Долго сонував за овој скок, отсекогаш сум сакал да летам подалеку од сите други и сакам да ги поместам границите“, изјави Кобајаши по најдолгиот лет во историјата.
Според соопштението за печатот на Ред Бул, специјалната скокалница е целосно изградена од снег. Врвот на залетиштето е на 1115 метри, а зоната на слетување завршува 360 метри подолу и има наклон од 36 степени.
Јапонецот во кариерата има 32 победи во Светскиот куп, два пати беше севкупен победник, има златен и сребрен медал од Олимписките игри во 2022 година, а три пати ја освојуваше и Новогодишната турнеја.
𝟐𝟗𝟏 𝐌𝐄𝐓𝐑𝐎́𝐖 ❗️
Ryoyu Kobayashi udowodnił, że niemożliwe nie istnieje ❗️#skijumpingfamily pic.twitter.com/Or7frTerSh
— Eurosport Polska (@Eurosport_PL) April 24, 2024
Спорт
Навивачите на Челси бараат клубот да го отпушти Покетино
Лошата сезона на Челзи кулминација доживеа синоќа на „Емирати“. Челси беше прегазен со 5:0 од градскиот ривал Арсенал.
Медиумите, а по нив и навивачите, за дебаклот го обвинија менаџерот Маурисио Покетино.
Револтираните навивачи на „сините“, како што пренесува „Фудбал инсајдер“, бараат аргентинскиот стручњак под итно да добие отказ.
Челси, досега има 13 победи, односно победи во една третина од натпреварите во Премиер лигата, премалку со оглед на вложувањата пред стартот на првенството.