Спорт
Официјално: Манчестер Јунајтед ја прифати рекордната понуда за Роналдо
Со соопштение на својата официјана веб страна екипата на Манчестер Јунајтед потврди дека прифатила рекордна понуда за услугите на Кристијано Роналдо
Иднината на Роналдо е мета на константи шпекулации скоро една година, а Реал Мадрид имаше големи напори за обезбедување на услугите на Португалецот минатото лето.Претседателот Флорентино Перез не ја криеше желбата дека посакува да го види Кристијано Роналдо на Сантијаго Бернабе.Гигантот од Шпанија сега постигна согласност со Манчестер Јунајтед за трансфер на Роналдо вреден 80 милиони фунти и доби дозвола да преговара со Најдобриот Фудбалер на Годината.Роналдо сега ќе замина за главниот град на Шпанија за да одржи преговори со Реал и да ги помине медицинските прегледи.Реал веќе ги доби услугите на Бразилската суперѕвезда, Кака во мега трансфер од околу 67 милиони евра, но трансферот на Роналдо ќе биде многу поголем.“Манчестер Јунајтед доби светски рекордна, безусловна понуда од 80 милиони фунти за Кристијано Роналдо од Реал Мадрид.“ гласеше соопштението на официјалната веб страна на Јунајтед.“На барање на Роналдо – кој повторно ја изрази желбата да замине – и по разговори со неговиот агент, Јунајтед се сложи да ја прифати рекордната понуда на Реал Мадрид и му досволи на клубот од Шпанија да преговора со играчот.”“Сите зделки се очекуваат да бидат комплетирани до 30 јуни. Клубот повеќе нема да коментира за оваа работа.”
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Мундо Депортиво: Зидан се договорил со Баерн Минхен
Зинедин Зидан ќе биде новиот тренер на Баерн Минхен, пренесува каталонскиот „Мундо Депортиво“. Зидан е без работа откако го напушти Реал Мадрид пред три години.
„Дознаваме дека преговорите се при крај, дури и двете страни сметаат дека се е готово и практично завршено. Зидан само побарал да му се доведат засилувања, особено во одбраната“, тврдат овој извор.
Зидан планираше да стане селектор на Франција, но Дидие Дешамп и понатаму останува на таа позиција. Од друга страна, Баерн, кој по 11 години остана без титулата германски шампион, сакаше да го доведе германскиот селектор Јулијан Нагелсман, но тој го продолжи договорот до 2026 година.
Претходно ПСЖ и Манчестер јунајтед се обидоа да го доведат Зидан, но тој ги одби нивните понуди.
Зидан, 51-годишникот од Марсеј, освои три ЛШ со Реал Мадрид, две шампионски титули на Шпанија, по два УЕФА и шпански Суперкупа, две титули на Светското клупско првенство…
Спорт
Рома преговара околу трансферот на Киеза
Тренерот на Рома, Даниеле Де Роси, кој го продолжи договорот со клубот, е голем фан на фудбалерот на Јувентус, Федерико Киеза. Де Роси не кри дека би сакал да го има во својот тим крилниот напаѓач.
Де Роси работеше со него додека му беше асистент на Роберто Манчини во италијанската репрезентација.
Договорот на Киеза со Јувентус истекува во јуни 2025 година, што значи дека ова лето влегува во последната година од истиот.
Тоа значи дека ова лето е веројатно последна шанса клубот да заработи нешто од неговата продажба.
Свесни за ова, челниците на Рома веќе закажале состанок со неговиот менаџер Фали Рамадани.
Покрај Рома, интерес за Киеза покажува и Њукасл.
Спорт
Манчестер сити подготвува мега трансфер, мета е играч на Баерн
Манчестер сити, во летниот преоден рок ќе се обиде да го нагажира Џамал Мусиала (21), тврди „Гардијан“. Информацијата е пласирана во јавноста откако Реал Мадрид во четвртфиналето на Лигата на шампионите го исфрли тимот на Пеп Гвардиола, кој нема да може да ја одбрани титулата европски првак од минатата година.
Гвардиола сака дополнителни опции во редот за врска, а главна цел е еден од најголемите таленти во светот. Пред да пристигне во Баерн во 2019 година, Мусиала играше за германски СГ Барокштад Фулда-Ленерц, а потоа и за Саутемптон и Челзи во Англија.
За првиот тим дебитираше во 2020 година и досега има одиграно 161 натпревар, има постигнато 43 гола со 30 асистенции. Досега со Баерн осови 10 трофеи. Иако е роден во Штутгарт, има германско и англиско државјанство. Избра да игра за Германија, во чиј дрес досега одигра 27 натпревари и постигна два гола.
„Трансфермаркт“, веб-страницата која се занимава со проценка на вредноста на фудбалерите, наведува дека Мусиала вреди 110 милиони евра, што го прави еден од најскапите во светот, веднаш зад Фил Фоден и Букаја Сака (130 милиони евра), Винисиус Жуниор (150), Килијан Мбапе, Ерлинг Халанд и Џуд Белингем (180).
Сепак, Баерн нема намера да го пушти Мусијала, кој има договор до летото 2026 година.
За потсетување, најскап играч на Манчестер сити е Џек Грилиш, кој во 2021 година пристигна од Астон Вила за 117,5 милиони евра. Богатите арапски сопственици на Сити веројатно би морале да го соборат тој рекорд за Мусиала.