Спорт
Објавен шпанскиот состав за пријателскиот натпревар
Шпанскиот селектор Винсенте дел Боске го објави составот со кој на 12 август ќе настапи на арената Филип Втори во Скопје. за пријателскиот натпревар против репрезентацијата на Македонија.
Најсилниот можен шпански состав ќе пристигне во Скопје. Шпанската репрезентација е слична со таа која настапи на Купот на конфедерации, а има само едно ново име, Игнасио Монтреал Ерасо од Осасуна. Голмани: Јосе Мануел Реина од Ливерпул, Икер Касилјас од Реал Мадрид и Диего Лопез од Вилјареал. Одбрамбената линија ќе ја сочинуваат: Хоан Капдевилја од Вилареал, Карлос Пујол од Барселона, Карлос Марчена од Валенсија, Раул Абјол од Реал Мадрид, Герард Пике Бернабе од Барселона, Игнасио Ерасо од Осасуна, Алваро Арбелоа од Реал Мадрид. Средниот ред ги брои следниве играчи: Давид Силва од Валенсија, Чави Ернандез од Барселона, Цеск Фабрегас од Арсенал, Чаби Алонсо од Барселона, Алберт Риера од Ливерпул, Серхио Буске Бургос од Барселона, Сантијаго Гонзалес од Вилјареал и Хозе Мануел Гарсија од Валенсија. Напаѓачите ги предводи Фернандо Торез од Ливерпул, Давид Вила од Валенсија и Дани Гуиза од Фенербахче.
Македонскиот состав го сочинуваат:
Голмани: Јане Николовски од АЕ Папос, Томе Пацовски од Герминал Берскорт.
Одбрамбени играчи: Гоце Седловски од Матерсбург, Игор Митревски од Енерџи Котбус, Владе Лазаревски од Полонија Варшава, Горан Поповски од Херенвен, Николче Новевски од Мајц, и Даниел Мојсов од Македонија Ѓорче Петров.
Играчи од среден ред: Величе Шумуликовски од Ипсвич, Влатко Гроздановски од Војводина, Дарко Дасевски од Лефски Софија, Филип Деспотовски од Ворлска Полтава и Славчо Георгиевски од Улсан Хјундаи.
Напаѓачи: Горан Пандев од Лацио, Илчо Наумовски од Магдебург, Ацо Стојков од Спартак, Филип Ивановски од Полонија Варшава, и Агим Ибраими од Олимпија Љубљана.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Араухо започнал преговори со Баерн
Врие во Барселона по елиминацијата од ПСЖ во четвртфиналето, во Лигата на шампионите. Спортската јавност во Каталонија се уште се занимава со она што се случуваше по натпреварот на „Монжуик“, кој ПСЖ го доби со 1:4.
Роналд Араухо е трагичарот на реваншот со ПСЖ. Неговото исклучување во 29.минута во целост го сврте текот на натпреварот.
Илкај Гундоган, јавно го критикуваше Араухо веднаш по натпреварот, а потоа Уругваецот доби еден куп навреди на социјалните мрежи од незадоволните навивачи на Барселона.
По ова, Араухо донел одлука да ја напушти Барселона. Каталонската „ТВ3“, обајви дека неговите менаџери ги започнале преговорите со Баерн Минехн. Уругваецот и во зимскиот преоден рок се поврзуваше со трансфер во Минхен.
Договорот на Араухо со Барселона истекува на 30.јуни 2026 година.
Барселона се надеваше дека ќе може да извлече околу 100 милиони евра за Араухо, но последните информации велат поинаку и дека сумата ќе биде помала.
Извештаите укажуваат дека Баерн е подготвен да плати меѓу 65 и 70 милиони евра. Се верува дека Барселона ќе ја прифати оваа сума.
Доколку трансферот на Араухо биде реализиран, Баерн ќе влезе во нова реконструкција на одбраната, бидејќи ниту еден од тројцата централни дефанзивци: Де Лихт, Ким, Упамекано не ги исполни очекувањата.
Спорт
Баерн извиси, Нагелсман ќе остане селектор на Германија
Јулијан Нагелсман нема да се врати во Баерн Минхен. Младиот тренер, потпиша нов договор со Фудбалскиот сојуз на Германија. Ќе остане селектор до Светското првенство во 2026 година.
Пропадна планот на Баерн Минхен дека Наглесман ќе се врати во клубот. Очигледно, Наглесман не го заборави начинот на кој беше избркан од клубот пред една година, од тогашните функционери Хасан Салихамиџиќ и Оливер Кан.
Наследницуте на Салихамиџиќ и Кан, Макс Еберл и Кристоф Фројнд, стапиле во контакт во тренерот и неговиот менаџер. Се извиниле за она што го направија нивните претходници, а по првиот состанок биле убедени дека Наглесман ќе се врати во Минхен. Сепак ги прецениле своите можности и ноќта на Фудбалскиот сојуз на Германија.
Клучен потег на челниците на Сојузот беше продолжувањето на договорот со директорот на репрезентацијата Руди Фелер. Ова беше знак за Нагелсман дека позитивната атмосфера нема да се промени. Фелер е големо име и она што е најважно не е човек на Баерн. Тој има одлични односи со Нагелсман и бил еден од клучните луѓе во преговорите околу новиот договор. Нагелсман на крајот се согласи да потпише двегодишен договор.
„Ова е одлука донесена од срце. Голема чест е да се биде тренер на репрезентацијата и најдобрите германски фудбалери. Со успешни и страсни изданија, имаме шанса да ја инспирираме целата нација. Победите против Франција и Холандија во март ни покажаа дека сме на вистинскиот пат. Бевме трогнати од ентузијазмот на навивачите за понатамошни предизвици како што е Светското првенство во 2026 година“, рече Нагелсман по потпишувањето на новиот договор.
Спорт
Дали Премиер лигата е најсилна во светот на фудбалот?
Сезоната 2023/2024 во европските купови стана вистински кошмар за клубовите од најсилната лига во светот, англиската Премиер лига.
Во завршницата, Премиер лигата има само еден тим. Честа на англиското фудбал ја брани Астон Вила и тоа во третото според ранг европско натпреварување, Конференциската лига.
Англија нема претставник во Лигата на шампионите, откако Манчестер сити и Арсенал беа елиминирани во средата, во четвртфиналето, а претходно Манчестер јунајтед и Њукасл испаднаа во фазата по групи.
Во елитното натпреварување Премиер лигата доживеа вистински дебакл, бидејќи англиските тимови освоија три титули во последните пет сезони.
Синоќа, во четвртфиналето сезоната во Лига Евопа ја завршија Ливерпул и Вест Хем. Во
За прв пат по девет години ниту, Англија нема полуфиналист во двете најсилни европски натпреварувања.
Честа на англискиот фудбал остана да ја брани Астон Вила. Клубот од Бирмингем во полуфиналето ќе игра против Олимпијакос.