Спорт
Лацио царуваше во Софија, Андерлехт преживеа со десет играчи
Одиграно второто коло од Европа лигата.
Доцниот гол на Џонатан Лигер беше доволен Андерлехт да освои барем бод од натпреварот против Ајакс, кој и го смести на врвот во групата А. Овој резултат е сосема задоволувачки кога ќе се земе во предвид фактот дека само три минути пред голот Андерлехт остана без капитенот Џел ван Дам, а и Ајакс водеше со голот на Денис Ромедал. Во победата на Лацио во Софија против Левски од 4:0 во првото полувреме доминираше новото убиствено дуо кај „Лацијаните“ Матузалем и Зарате кои и ги постигнаа двата гола во првото полувреме. Победата ја направија поубедлива Мегани и Роки во второто полувреме. Динамо Загреб беше сигурен во Романија против Тимисоара каде со 3:0 се извади за поразот од Андерлехт во првото коло. Головите за Динамо ги постигнаа Баделј во 8-та, Самир во 52-та и Моралес во 59-та минута. Многу голови имаше и во групата Б каде Лил со 5:1 на гости ја торпедира Славија Прага.Славија водеше цело второ полувреме со голот од пенал на Белад, но во второто полувреме по автоголот на Суши, Лил се соземаа и успеаа уште четири пати да ја затресат мрежата на Славија. Два пенали беа досудени на натпреварот во Валенсија против Џенова, а конечниот резултат беше 3:2 за Валенсија благодарение на голот од пенал на Давид Вилја на десет минути пред крајот. Вилја го постигна и израмнувачкиот гол по шокот што го приреди Флокари. Натпреварот Селтик против Рапид Виена беше решен во првото полувреме. Јелавиќ рано ја шокира публиката во Глазгов но во 21-та Мекдоналд успеа да израмни. Дури шест гола беа постигнати во Хамбург против Хапоел Тел Авив. Два постигна Берг а по еден Елиа и Зе Роберто. Околу половина час пред крјот Тел Авив останаа без Бадир па Зе Роберто ја искористи можноста и го постигна четвртиот гол. Само еден гол беше постигнат во групата Д и тоа на натпреварот Спортинг Лисабон против Херта. Голот за Спортинг го постигна Адриен Силва.Фулам со голот на Дени Марфи минимално го совлада Базел.Панатинаикос со истиот резултат на гости го совлада Динамо Букурешт. Галатасарај одигра нерешено дома против Струм Грац. Беихлер погоди за водство на Струм но Барош не дозволи изненадување па погоди за израмнување во 63-та минута.Салзбург на домашен терен беше поуспешен од Вилјареал, а фенербахче на гости од Шериф. Мајсторскиот гол со глава на Мајсторовиќ беше доволен АЕК да ги освои трите бода против Бенфика, додека пак Евертон со пресвртот од Фелаини и Тим Кејхил во второто полувреме не дозволи изненадување во Белорусија против Бате Борисов.Бриж со голот на Перишиќ во судиското продолжение зграби бод од гостувањето во Тулуз. Конечниот резултат беше 2:2.Шахтјор Донетск со четири гола во мрежата на Партизан се искачи на врвот во групата Ј додека Партизан на натпреварот успеа да постигне само еден почесен гол. Фк Копенхаген со голот на Н,Доје минимално ја победи Славија Прага, а истиот резултат беше и во Ејндховен против Клуж. Драма во самиот крај на натпреварот имаше во Бремен на натпреварот Вердер Бремен против Атлетик Билбао. Хант и Налдо погодија за водство 2:0 а во судиското прдолжение се постигнаа дури два гола. Еден на Лоренте и еден од Фрингс од пенал за конечни 3:1 за Вердер. Шумахер израмни за Австрија Виена во натпреварот против Насионал. Рома со головите на Окака Чука и Перота во првото полувреме ја совлада ЦСКА Софија.Група А: Група Б: Група Ц:Андерлехт 4 Валенсија 4 Рапид Виена 4Динамо Загреб 3 Лил 4 Хамбург 3Ајакс 2 Џенова 3 Хапоел Тел Авив 3Тимисоара 1 Славија Прага 0 Селтик 1Група Д: Група Е: Група Ф:Спортинг 6 Фулам 4 Галатасарај 4Вентспилс 2 Базел 3 Панатинаикос 3Хееревен 1 Рома 3 Динамо Букурешт 3Херта 1 ЦСКА Софија 1 Струм 1Група Г: Група Х: Група И: Салзбург 6 Твенте 4 Евертон 6Лацио 3 Фенербахче 3 АЕК 3Вилјареал 3 Стеауа 2 Бенфика 3Левски 0 Шериф 1 Бате Борисов 0Група Ј: Група К: Група Л:Шахтјор 6 ПСВ 4 Вердер 6Тулуз 4 Клуж 3 Атлетик Билбао 3Бриж 1 Копенхаген 3 Национал 1Партизан 0 Спарта Прага 1 Австрија Виена 1
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Богдановиќ и Мареј ги срушија Бостон Селтикс
Атланта Хокс по едно продолжение ги победија Бостон Селтикс со 123:122. Богдан Богдановиќ и Дежонте Мареј му пресудија на лидерот во НБА лигата. Првиот погоди два пати во финишот на регуларниот дел, а вториот ги постигна сите поени за Атланта во продолжението.
Атланта Хокс ја забележаа четвртата последователна победа во НБА лигата, а капитенот на српската репрезентација, со две последователни тројки им овозможи на домаќините продолженијата.
Богдановиќ за 43 минути игра имаше 24 поени (9/19 од поле, 2/8 за три, 4/4 од поле), седум скока и пет асистенции.
Атланта до победата ја предводеше Дежонте Мареј со рекорд во кариерата од 44 поени, за што му беа потребни дури 44 шута кон кошот на Бостон.
Тој ги постигна поените за победа на 0,1 секунда пред крајот на продолжението. Мареј беше единствениот играч на Хокс кој постигна поени во продолжението.
Тој имаше и седум скока, седум асистенции и две украдени топки. Коби Брајант и Расел Вестбрук се единствените играчи кои имаат повеќе шутеви од игра од Мареј во последните 20 сезони.
Брајант имаше шест натпревари со најмалку 44 шута. Толку такви настапи имаше Рик Бери, а четири Елгин Бејлор. Апсолутен рекордер е Вилт Чембрлен со дури 58 натпревари. За илустрација Мајкл Џордан само еднаш во кариерата на еден натпревар 44 пати шутирал кон кошот на противникот.
Инаку, Мареј имаше повеќе шутеви на овој натпревар отколку првите ѕвезди на Селтикс Џејсон Тејтум (22) и Џејлен Браун (17) заедно.
Кај Хокс уште се истакнаа и Деандре Хантер со 21 поен и 13 скока и Клинт Капела, кој додаде 12 поени и 13 скока.
Во тимот на Бостон Џејсон Тејтум постигна 31 поен со 13 скока и пет асистенции, Дерик Вајт додаде 22 поени, седум скока и пет асистенции, а Кристапс Порзингис имаше 20 поени и седум скока.
Бостон е најдобриот тим во НБА со 57 победи и 16 порази и го обезбеди првото место пред плеј-офот во Источната конференција.
Со 34 победи и 39 порази, Атланта е на 10. место кое води во плеј-ин.
Спорт
Поранешниот селектор на Кина призна дека примил 10 милиони евра мито
Поранешниот селектор на фудбалска репрезентација на Кина, Ли Те, во случајот со пред судот, во процесот што се води против него, признал дека примил повеќе од 10 милиони евра мито.
Ле, кој ја водеше Кина од јануари 2020 до декември 2021 година е обвинет за давање и примање мито и учество во местење натпревари, се вели во соопштението за медиумите на провинцискиот суд во Хубеи.
Во текот на повеќемесечниот процес, Ле призна дека добил повеќе од 9,8 милиони евра во периодот од 2017 до 2021 година.
„Ли Те ја призна вината и изрази каење“, се вели во соопштението на судот и се додава дека пресудата ќе биде објавена подоцна.
Кинеските медиуми во вторникот објавија дека поранешниот претседател на кинеската фудбалска федерација Чен Џујуан, кој призна дека примал мито, е осуден на доживотен затвор.
Спорт
Хенес: Алонсо нема да дојде во Баерн ова лето
Почесниот претседател на Баерн, Ули Хенес изјави дека минимални се шансите тренерот на Баер Леверкузен, Чаби Алонсо на крајот на сезоната да го преземе клубот од Минхен.
Баерн пред нешто повеќе од еден месец објави дека тренерот Томас Тухел ќе ја заврши својата мисија во Минхен на крајот од сезоната.
„Точно е дека сакаме да потпишеме договор со Алонсо. Сепак, ќе биде многу тешко, да не речам невозможно“, изјави Хенес.
Алонсо го презеде тимот од Леверкузен во октомври 2022 година, а оваа сезона е вистински хит во Бундеслигата.
„Сигурен сум дека Алонсо ќе остане во Баер за да ја продолжи својата работа. Сега е тренер на клуб кој е блиску до освојување на титулата во Бундеслигата. Тој треба да му биде благодарен на клубот, но и клубот има за што да му заблагодари“, додаде Хенес.
Од 2014 до 2017 година, Алонсо играше за Баерн Минхен, каде што разви одлични односи со луѓето од клубот, меѓу кои и тогашниот претседател Ули Хенес, кој сега е доживотен почесен претседател.