Спорт
Никола Легротаље: Младите играчи немаат почит
Одбранбениот играч на Јувентус ги критикуваше своите помлади колеги
На прес-конференцијата во пресрет на квалификационите натпревар на Италија против Ирска, дефанзивецот на Јувентус и на италијанската репрезентација ги критикуваше своите помлади колеги во однос на почитта што ја имаат кон постарите играчи. „Гледам многу млади играчи кои не ги извршуваат задачите од тренерите. Нив им недостига почит кон тренерите и кон играчите. Но, тоа што најмногу ме мачи е што тоа се сфаќа како позитивна работа. Тоа се преведува како имање карактер кај младиот играч. Кога јас бев млад фудбалер, им ги носев торбите на поискусните играчи.Фудбалерот на кој треба сите надежни играчи да се угледуваат е Алесандро Дел Пиеро. Тој е идолот кој треба да го следат. Низ целата негова кариера никогаш немал проблеми со неговиот карактер или со темпераментот.Легротаље исто така изјави дека се радува што ќе го види поранешниот тренер Џовани Трапатони кој сега е тренер на ирската репрезентација. Дефанзивецот на Јувентус изјави за својот поранешен ментор: „Убаво е да се види Џовани повторно. Тој беше првиот тренер кој веруваше во мене и кој ме повика да играм“.Италијанската репрезентација во сабота ја очекува натпреварот против Ирска, а за да обезбеди пласман на Светскиот куп во 2010 доволен ќе и биде и нерешен резултат во Даблин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Миовски избран во тимот на сезоната во Шкотска
Maкедонскиот репрезентативец Бојан Миовски доби награда за извонредите парти во Премиер лигата на Шкотска. Миовски е избран во идеалниот тим на сезоната.
Миовски го предводи нападот во формацијата 4-3-3 заедно со Лоренс Шанкленд од Хартс, Тио Бер од Мадервил.
🏆 PFA Scotland Premiership Team of the Year.
As voted by the players, here’s your selection for 23/24:
Jack Butland
James Tavernier
Cameron Carter-Vickers
Liam Scales
Owen BeckMatt O’Riley
John Lundstram
Callum McGregorBojan Miovski
Lawrence Shankland
Theo Bair… pic.twitter.com/FjQ5HNpQgm— PFA Scotland (@PFAScotland) April 20, 2024
Инаку, Миовски денеска постигна гол во полуфиналето на Купот против Селтик, но неговиот тим не успеа да се пласира во финалето.
Натпреварот заврши 3:3, а Селтик пебал-серијата ја доби со 6:5.
Bojan Miovski LOVES Hampden Park! 😍
A dream start for @AberdeenFC as they take the lead against Celtic 🔴#ScottishCup pic.twitter.com/ePvLHsIF81
— Premier Sports (@PremSportsTV) April 20, 2024
Спорт
УЕФА го суспендира Емилијано Мартинез
Голманот на Астон Вила, Емилијано Мартинез, поради суспензија ќе го пропушти првиот полуфинален натпревар од Конференциската лига против Олимпијакос, потврди Европската фудбалска унија (УЕФА).
Мартинез, во четвртокот, во реваншот од четвртфиналето против Лил доби жолт картон во 39. минута, а втор жолт картон при изведувањето на пенали поради неспортско однесување кон домашните навивачи.
Аргентинскиот голман не беше исклучен, бидејќи жолтите картони во текот на натпреварот не важат во пенал серијата.
Сепак светскиот првак со Аргентина доби суспензија. УЕФА го казни Мартинез бидејќи во пенал-серијата константно ја провоцираше домашната публика.
Астон Вила по изведувањето пенали го победи Лил со 4:3, а Мартинез одбрани два пенали, во првата и петтата серија им одбрани на Бенталеб и Андре.
Првиот натпревар од полуфиналето на Конференциската лига меѓу Астон Вила и Олимпијакос ќе се одигра на 2 мај во Бирмингем, а реваншот седум дена подоцна во Грција.
Спорт
Барселона сака да го врати Олмо
Дани Олмо, веројатно ќе го напушти Лајпциг во летниот преоден рок. Шпанскиот репрезентативец има откупна клаузула од 60.000.000 евра, сума која за богатите клубови не претставува никаков проблем.
Меѓу заинтересираните екипи се Манчестер јунајтед, Баерн и Барселона, од чија младинска школа потекнува Олмо.
Шпанецот оваа сезона одигра 22 натпревари за Лајпциг, постигна осум гола и забележа пет асистенции.
Како јуниор од Барселона премина во Динамо Загреб, како дел од трансферот на Ален Халиловиќ, а потоа за 29 милиони евра се пресели во Лајпциг.