Спорт
Реакции на жребот за СП Јужна Африка 2010
По формирањето на групите во петок навечер во Кејптаун, повеќето репрезентативци и селектори ги оценуваат групите во кои ќе настапат нивните екипи
Уругвајскиот напаѓач Диего Форлан смета дека неговата селекција е во тешка група.„Ја имаме домашната екипа и тие играат добро. Мексико добро го познаваме, и тие се добри, а што се однесува до Франција, сметам дека се’ е кажано, иако во футбалот никогаш не се знае“, вели Форлан кој додава дека откако се пласираше на Светското првенство, Уругвај сега ќе се концентрира на овие екипи.„Факт е дека на светската листа сите екипи се подобро рангирани од Словенија, а фаворит во нашата група е Англија. Сигурен сим дека Словенија ќе остави добар впечаток. Способни сме да одиме во вториот круг“, вели словенечкиот селектор Матијаж Кек, чија репрезентација покрај средбата со Англичаните, ќе се сретне и со Алжир и САД.Мексиканскиот селектор Хавиер Аквире вели дека неговите играчи ќе се концентираат на првиот меч против Јужна Африка на самото отворање. „Нашата група е комплицирана, бидејќи не е лесно да играте прво против домаќинот. Не можеме да кажеме дека имаме среќа кога играме против поранешни прваци, како што се Уругвај и Франција, и против организаторот на првенството. Ние мораме само да играме“, вели мексиканскиот селектор.„Ова е праведен жреб, ни одговара и тргнуваме од здачата дека мора да се квалификуваме во осминафиналето“, велик бранителот на германската репрезентација, Филип Ламп, кој ќе се соочи со Австрија, Србија и Гана.Тренерот на австриската репрезентација Пим Варбеек смета дека групата за неговата репрезентација е тешка, но истовремено е и голем предизвик, а тоа е она што го посакувале неговите играчи. „За играчите последните два отсто мотивација треба да претставува шансата што во вториот круг може да играат против Англија“, вели Варбеек.Јужнокорејскитот селектор вели дека е подготвен да се соочи со тешката група во која се и Аргентина, Грција и Нигерија. „Верувам дека имаме шанси. Сите групи се тешки и ќе се подговтвиме добро за да ја оствариме целта – да се палсираме меѓу 16-те најдобри“, вели Ху Џунг-Му.„Ова е четврто светско првенство за Јапонија и ние имаме големи желби. Намаме намера да ја менуваме целта, а тоа е да стигнеме меѓу првите четири екипи“, најавува јапонскиот селектор Такаши Окада, чија репрезентација за да го оствари тоа ќе мора да ја мине групата во која се уште и Холандија, Данска и Камерун.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.