Спорт
Македонското карате одлично претставено на Гран при Хрватска
Кадетско-јуниорската репрезентација на 8 јануари 2010 г. учествуваше на Меѓународниот турнир Гранд при на Хрватска, што се одржа во Самобор, Хрватска
На првенството учествуваа 18 репрезентации и 124 клубови со вкупно 1.040 натпреварувачи. Македонската екипа учествуваше со 52 натпреварувачи, кадети и јуниори, во кати и борби.Македонските претставници на ова силно натпреварување ги постигнаа следните резултати: во категоријата јуниори -61 кг., Тодор Ристески (од клубот Спорт 94-Прилеп) го освои златниот медал. Тој во првото коло го победи Пеиќ (Хрватска) со резултат 2:0, во второто коло победи уште еден домашен натпреварувач со 6:2, трето коло победа над Јоксиќ (Србија) со 1:0. Во финалниот меч го победи натпреварувачот од Црна Гора со 2:1.Во категоријата јуниори -55 кг., Ристе Додески (Македонка Ш) го освои сребрениот медал. Во првото коло го победи натпреварувачот од Хрватска со 1:0, во второто коло натпреварувачот од Црна Гора 1:0. Во финалето Додески беше поразен од натпреварувач од Црна Гора со резултат 0:7.Во категоријата јуниори -68 кг., Бојан Јовановски (Металург), го освои бронзениот медал. Прво коло победа над натпреварувач од Хрватска со 6:0, второ коло победа на натпреварувач од Црна Гора со 1:0. Во третото о коло изгуби од Маркач (Словенија) со резултат од 0:1. Во репасажната борба за трето место го победи натпреварувачот од Србија со изедначен резултат и изгласување на судиите за Бојан Јовановски.Во категоријата јуниори до 21 година -68 кг., Никола Рилак (Македонка Ш) го освои бронзениот медал. Тој во прво коло победи натпреварувач од Хрватска 3:0, во второ коло повторно натпреварувач од Хрватска со 1:0. Пораз во трето коло од Покорни (Австрија) со резултат 0:3. Во борбата за трето место го совладува натпреварувачот од Црна Гора со 6:1.Во категоријата кадети -57 кг., кадетите доминантни и освоија два медала, и тоа:Виктор Крстевски (Металург) го освои сребрениот медал и Мурсел Мисини кој го освои бронзениот медал. Виктор Крстевски до финале стигна со победа на натпреварувач од Босна со 2:0, натпреварувач од Словенија со 1:0 и победа на натпреварувач од Хрватска. Во финале загуби од Италијански натпреварувач со резултат 0:1. Мурсељ Мисими во прво коло победа над натпреварувач од Црна Гора со 1:0, второ коло победа над натпреварувач од Хрватска со 1:0, трето коло победа повторно над натпреварувач од Хрватска со 4:1. Во четврто коло пораз од натпреварувач од Италија со 5:1. Во репасажната борба победи натпреварувач од Италија со резултат 3:1.Во категоријата кадети -70 кг., Мартин Петрески (Спорт 94-Прилеп), го освои бронзениот медал. Тој во прво коло го победи натпреварувачот од Австрија со 3:0, во второ коло изгуби од Петров (Србија) со 1:1 и изгласување на судиите за Петров од Србија. Во репасаж победа над натпреварувач од Црна Гора со 2:0 и натпреварувач од Хрватска со резултат 4:1.Во кати нашите репрезентативци освоија три бронзени медали и тоа: кадетката Нина Ѓорѓевиќ од Јошитака (1 пораз и 3 победи во репасажните борби), и јуниорките Тијана Колеска од Ронин (4 победи и 1 пораз) и Пуликсенија Јовановска исто така од Ронин (3 победи и 1 пораз).Екипата ја предводеа селекторите Петар Белистојаноски и Кирче Патреклиев и помошник селекторот за кати за кадети, јуниори и сениори Стојан Андриевски. На ова првенство македонското карате беше претставено и преку судиите Златко Димоски, светски судија за кати, Боби Војдиновски и Нуредин Месими -европски судии во кумите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ѓоковиќ: Сакам да учествувам и на ОИ во 2028 година
Новак Ѓоковиќ го искористи петтото прогласување за најдобар спортист на планетата за да ги открие своите идни планови.
Српскиот тенисер, на новинарите во Мадрид им откри дека се ште не размислува за пензионирање.
„Мојата најважна цел годинава е златен медал на Олимписките игри во Париз. Верувам дека е можно, да не верувам, немаше ни да играм. Секогаш мора да верувате дека се е можно во животот. Којзнае дали повторно ќе имам таква шанса. Сакам да учествувам на Игрите во Лос Анџелес во 2028 година, но никогаш не се знае што ќе се случи.
Тој објасни и зошто решил да не игра на Мастерсот во Мадрид.
„Го подготвувам своето тело за Ролан Гарос, Вимблдон, Игрите и Ју-ес Опен и овој период е исклучително важен за мене. Планирам за две недели да учествувам на Мастерсот во Рим. Се надевам дека следната година ќе играм во Мадрид. Сè уште сум млад, ми останува уште многу време за игра“, се пошегува Ѓоковиќ, кој за околу еден месец полни 37 години.
Спорт
Крај на сезоната за Де Јонг
Фудбалерот на Барселона Френки де Јонг го повреди скочниот зглоб на натпреварот против Реал Мадрид. Холанѓанецот во финишот на првото полувреме, со помош на лекарскиот тим го напушти теренот.
Барселона ја потврди повредата на Де Јонг без да прецизира колку време ќе биде надвор од терените.
Каталонските медиуми објавија дека Холанѓанецот ќе отсуствува пет недели, што значи дека оваа сезона за него заврши.
Според истите извори, 26-годишниот холандски репрезентативец би требало да биде подготвен за Европското првенство кое е закажано од 14 јуни до 14 јули.
Холандија на ЕП ќе игра во групата Д со Франција, Полска и Австрија.
Спорт
(Видео) Филаделфија за 30 секунди испушти +5 – Њујорк во серијата води со 2:0
Њујорк Никс во нестварна завршница успеаја да ја совладаат Филаделфија со 104:101 и поведоа со 2-0 во серијата.
На Филаделфија не и помогна тоа што имаа водство од 101:96 на 30 секунди пред крајот на четвртата четвртина… Сепак, тогаш Брансон погоди тројка од дриблинг, а во следниот напад Донте ДиВинченцо покажа зошто тој е еден од најдобрите шутери во оваа сезона во НБА и тој погоди тројка.
На крајот, Тајрис Макси промаши, а Оу-Џи Ануноби од линијата за слободни фрлања го постави конечниот резултат 104:101. Џоел Ембид се обиде во последната секунда од тешка позиција, но не успеа да му донесе продолжение на својот тим.
Во демонстрација на физички напорна кошарка, која често недостасува во текот на регуларниот дел, беа забележани многу дуели кои беа полни со физички контакти.
Според американските медиуми, Сиксерси не биле задоволни од судењето, па ќе поднесат официјална жалба до раководството на НБА.
Џејлен Брунсон беше најефикасен кај победниците со 24 поени, но со очаен шут од поле – 8/29. Тој забележа и осум скока и шес асистенции. Џош Харт ги одигра сите 48 минути за тимот на Том Тибодо и за тоа време забележа 21 поен (7/16 од поле), 15 скока и три асистенции.
Донте ДиВинченцо додаде 19, Ајзеаа Хартенштајн 14, а Оу-Џи Ануноби 10 поени во тимот за кој, да потсетиме, поради повреда не настапува Џулиус Рендл.
Филаделфија го доби во нападот она што го бара од двајцата најдобри играчи, но целосно потфрли остатокот од екипата. Тајрис Максинатпреварот го заврши со 35 поени (12/22 од поле), девет скока и 10 асистенции.
Џоел Ембид одигра 39 минути и покрај тоа што се уште не е целосно закрепнат од повредата на коленото и имаше 34 поени (12/29 од поле, 8/12 слободни фрлања), 10 скока и шест асистенции.