Спорт
Реал оди на три бода во Ел Класико
Стратегот на „кралевите“ Пелегрини вели дека воопшто не страхува од Барселона и дека неговите фудбалери ќе мора да одат на победа во големото дерби „бидејќи ремито никогаш не е добро за Реал“, пишува Totalsport
„Натпреварот против Барселона не е финале. Се надевам дека мојата екипа и во сабота ќе ја покаже формата во која е веќе подолго време. Верувам дека мојот тим ќе победи, тоа е нашата цел. Ремито за Реал секогаш е слаб резултат, Реал никогаш не истрчува на теренот за да освои само еден бод. Ниту претстојниот меч не е никаков исклучок. Нашата игра нема да зависи од нашиот противник“, вели Чилеанецот Мануел Пелегрини. Пелегрини додава дека очекува отворен напаѓачки фудбал, бидејќи и двете екипи негуваат таков стил на игра. „Барселона е во одлична форма, што е видливо и од нивните настапи во првенството и во Лигата на шампионите. Според тоа, мојата екипа ќе мора да одигра голем меч за да и се спротистави на Барселона“, вели Пелегрини.Запрашан дали страхува од Барса по нејзините последни убедливи настапи кои се уште се коментираат, Чилеанецот одговара:„Не се плашам од никого. Барселона ја сметам за голем тим, но во сабота ние ќе настојуваме да бидеме оној Реал каков што бевме цела сезона на Санјтаго Бернабеу“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.