Спорт
Мурињо не е сигурен дека ќе остане во Интер
Во вторник на прес-конференција по повод финалниот двомеч во Италијанскиот фудбалски куп, португалскиот стратег на Интер изјавил дена се знае што носи иднината и дали же остане на клупата на „нероаѕурите“ и по крајот на сезоната
„Не можам да кажам дека и следната сезона сто отсто ќе бидам на клупата на Интер. В фудбалот таквите работи никогаш не се познати“, изјавил Жозе Мурињо кој со клубот кој има шански годинава да освои тројна круна има договор до 2012 г.Последните неколку денови во италијанските медиуми се шпекулира дека Мурињо од летово може да го преземе мадридкси Реал или, пак, да се врати во Англија. Во средината на април британските медиуми шпекулираа дека во 2011 г. 70-годишниот сер Алекс Фергусон ќе го напушти Манчестер јунајтед а желба на сопствениците на клубот е на негово место да дојде далеку помладиот Мурињњо кој може да остане подолг период во клубот. Пред Нова година, поранешниот стратег на лондонски Челзи за The Sun изјави дека сака да се врати во Англија, навестувајќи дека тоа може да се случи веќе од почетокот на идната сезона.Португалецот кој со Челзи од 2004 до 2005 г. освои шест трофеи, престојуваше тогаш на „Стенфорд бриџ“ снимајќи ги противниците на миланскиот тим во Лигата на шампионите.„Сакам да се вратам во Англија, сакам да се вратам. Не сум тип кој го сокрива чувствата. Тука ми се допаѓа…“, изјави Жозе Мурињо за британскиот таблоид.„Верувам дека еден ден ќе се вратам. Не сум човек кој остава клуб на средина од сезоната за да преминам во друг“, загатна 46-годишниот Мурињо, нагласувајќи дека нема никакви шанси до крајот на сезоната да го напушти Интер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.
Спорт
Ендика немал срцев удар, може повторно да игра
Еван Ендика колабираше на теренот на Фриули, но не беше ништо сериозно, па му беше дозволено да се врати на теренот.
Најпрво се чинеше дека играчот на репрезентацијата на Брегот на Слоновата Коска има проблеми со срцето. Сепак, тоа не беше така, а тренерот Даниеле де Роси откри дека се работи за белите дробови.
– Тешко е да се справиме со моменталната белодробна инсуфициенција. За среќа, се се заврши добро. Нема проблем со срцето – од тоа првично се плашевме – изјави Де Роси.
Ендика бил пуштен од болница и можел да се врати на терен. Самиот натпревар помеѓу Удинезе и Рома беше прекинат во 70. минута при резултат 1:1.
Спорт
Гигантите од Евролигата се против влезот на Дубаи
Според сознанијата на шпанскиот кошаркарски портал „Енцестандо“, неколку гиганти од Евролигата се против идејата Дубаи да се приклучи во елитното натпреварување.
Иако пред неколку месеци беше претставено дека Дубаи дефинитивно ќе биде дел од европското натпреварување, може да дојде до пресврт.
Парите кои тимот би ги донел во Евролигата засега не се доволна причина.
„Енцестандо“ пренесува дека Реал е предводник на клубовите кои се противат на влезот на Дубаи цели седум години.
Наводно на страната на Реал застанале и Фенербахче и Баерн кои не сметаат дека парите треба да бидат пресуден фактор.
Еден од проблемите што би можел да го донесе Дубаи е нарушувањето на пазарот на играчи, бидејќи може да понуди многу повисоки плати од оние што моментално се во Европа.
Таму не се плаќаат даноци, па би било многу полесно да се ангажираат играчи отколку во другите европски земји.
„Енцестандо“ пренесува дека Дубаи наводно веќе им понудил договори на некои од играчите на најдобрите европски тимови со избраниот тренер Светислав Пешиќ.
Шпанците пишуваат и дека датумот кога ќе се гласа за влез на Дубаи се уште не е ни блиску.
Првобитното гласање требаше да се одржи во средината на март, а потоа беше одложено.
Во меѓувреме Дубаи е примен во АБА-лигата и примарната идеја е следната година прво да игра во Еврокупот, па дури потоа да дојде за прием во Евролигата.