Спорт
Динамо Минск казнет за фашистички транспарент
Белоруската фудбалска федерација го казни Динамо Минск со 82 илјади долари парична казна затоа што неговите навивачи истакнале фашистички транспарент
Инцидентот се случил на 28 април кога фудбалерите играле меч со Витебск, кога навивачите на седумкратниот првак на Белорусија и еден од најпопуларните клубови во земјата извадиле транспарент со ликот на Рудолф Хес, воен злосторник од Втората светска војна и личен секретар и заменик на Адолф Хитлер.На транспарентот стоеле датумите на раѓањето и смртта на нацистичкиот офицер, а дел од навивачите на Динамо со тоа го прославиле неговиот 116 роденден. Хес еден од најпознатите нацистички затвореници е роден на 26 април 1984 г, во Александрија а умрел на 17 август 1989 г. во затворот Шпандау во тогашен источен Берлин. Овој непромислен чин на навивачите предизвикал жестоки реакции во белоруската јавност а се случил само неколку денови откако во Белорусија беше одбележана 65-годишнината од поразот на фашистичка Германија во Втората светска војна. Казната во противвредност од 82 илјади американски долари (245 милиони рубљи)е највисоката досега изречена во историјата на белорускиот фудбалски сојуз.„Навивачите на Динамо не го посрамотија само белорускиот фудбал, туку и целата нација“, изјавил Владимир Витушко, претседателот на дисциплинската комисија на белоруската фудбалска федерација.Раководството на Динамо најавиле жалба на оваа казна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА го суспендира Емилијано Мартинез
Голманот на Астон Вила, Емилијано Мартинез, поради суспензија ќе го пропушти првиот полуфинален натпревар од Конференциската лига против Олимпијакос, потврди Европската фудбалска унија (УЕФА).
Мартинез, во четвртокот, во реваншот од четвртфиналето против Лил доби жолт картон во 39. минута, а втор жолт картон при изведувањето на пенали поради неспортско однесување кон домашните навивачи.
Аргентинскиот голман не беше исклучен, бидејќи жолтите картони во текот на натпреварот не важат во пенал серијата.
Сепак светскиот првак со Аргентина доби суспензија. УЕФА го казни Мартинез бидејќи во пенал-серијата константно ја провоцираше домашната публика.
Астон Вила по изведувањето пенали го победи Лил со 4:3, а Мартинез одбрани два пенали, во првата и петтата серија им одбрани на Бенталеб и Андре.
Првиот натпревар од полуфиналето на Конференциската лига меѓу Астон Вила и Олимпијакос ќе се одигра на 2 мај во Бирмингем, а реваншот седум дена подоцна во Грција.
Спорт
Барселона сака да го врати Олмо
Дани Олмо, веројатно ќе го напушти Лајпциг во летниот преоден рок. Шпанскиот репрезентативец има откупна клаузула од 60.000.000 евра, сума која за богатите клубови не претставува никаков проблем.
Меѓу заинтересираните екипи се Манчестер јунајтед, Баерн и Барселона, од чија младинска школа потекнува Олмо.
Шпанецот оваа сезона одигра 22 натпревари за Лајпциг, постигна осум гола и забележа пет асистенции.
Како јуниор од Барселона премина во Динамо Загреб, како дел од трансферот на Ален Халиловиќ, а потоа за 29 милиони евра се пресели во Лајпциг.
Спорт
Ферстапен на пол-позицијата во Кина, Хамилтон ќе стартува од 18.место
Макс Ферстапен по победата во спринтот, доминираше и во квалификациите во пресрет на трката за Големата награда на Кина. Апсолутната доминација на Ред Бул ја потврди Серхио Перез кој трката ќе ја стартува од второто место.
Актуелниот светски првак со време 1:33.660 ја освои 37 пол-позиција во кариерата, а на Ред Бул му ја донесе јубилејната 100. победа во квалификациите.
Зад возачите на Ред Бул, од вториот ред трката ќе ја започнат Фернандо Алонсо (Астон Мартин и Ландо Норис (Мекларен).
Во Топ 10 место изборија Оскар Пјастри (Мекларен), двоецот од Ферари, Шарл Леклер и Карлос Саинц, односно Џорџ Расел (Мерцедес), Нико Хулкенберг (Хас) и Валтери Ботас (Заубер).
Во квалификациите потфрли Луис Хамилтон. Седумкратниот светски првак, откако спринт трката ја заврши на второто место, во квалификациите заврши на 18.место.
Траката за Големата награда на Кина, утре ќе започне во 9 часот по македонско време.