Спорт
Итнер го има Милито и Лигата на шампионите
Ако пред натпреварот се чинеше дека двата тима се со изедначен квалитет, на крајот се покажа дека за баварците беше недостижно настапот на Милито и отсуството на Рибери
Најдобриот стрелец на Интер сезонава по половина век му ја донесе европската фудбалска круна на својот тим. Како и против Барселона во полуфиналето, играчите дисциплинирано и прецизно ги следеа сите упатства на Жозе Мурињо, и во одбраната и во нападот, каде ги исползуваа најслабите точки во противничката одбрана.Мора да се одбележи и одличната игра на Горан Пандев до 80-та минута кога беше повлечен од игра заради исцрпеност. Тој одигра за својот клуб помагајќи му на Занети во одбраната и одвлекувајќи ја топката длабоко на противничката половна кога одбраната требаше да здивне. Пред 75 илјади гледачи од кои по 20 илјади навивачи на Баерн и Интер се одигра големото финале од европската Лига на шампионите. Тоа беше двобој на двата клуба кои годинава ги освоија титулите и во националните првенства и во националните купови се бореа за третата титула годинава.И Баерн и Интер веќе и претходно беа европски шампиони, со што „баварците“ се поуспешни со четири титули, а последната ја освои 2001 г. кога во финалето ја победи Валенсија по изведувањето на пенали. За разлика од нив, Интер и неговите навивачи на пехарот чекаа од 1965 г., кога по вторпат играа во финалето, а првата титула ја освоија претходната 1964-та. Ова е само втора европска титула и за Жозе Мурињо кој првата ја освои со португалскиот Порто, а потоа не му успеваше со скапиот лондонски Челзи.Мечот започна во изедначена игра во која веднаш се виде дека ќе биде спротиставување на двете тактики на големите фудбалски стратези, Луис ван Гал кај Баерн и Жозе Мурињо кој му беше помошник во Барселона, за Интер. Македонскиот итнернационалец Горан Пандев беше стартер во ова големо финале, како дел од стратегијата на Мурињо, кој ги имаше предвид неговите технички и способности. Во 15-та минута баварците бараа пенал, откако во шеснаесетникот на Интер, бразилскиот бек Маикон играше со рака, но англискиот судија Хаурд Вен не го делеше нивното мислење.По следните дваесетината минути во кои се чини дека Баерн имаше лесна иницијатива, во 35. минута најдобриот стрелец на „нероаѕурите“ Аргентенецот Диего Милито потврди дека противникот ќе има проблеми во одбраната особено со нестандардната игра на неговиот репрезентативен колега Демикелис, кој претходно доби жолт картон. Од другата страна, во првото полувреме кај Интер „пожолте“ Киву. Но се чини Весли Санјдер во 43-та минута кога беше проигран извонредно од Милито и изби сам пред Бут но биеше само во него, пропушти можност на својот тим да му обезбеди многу помирен втор дел. Уште во првата минута од второто полувреме, Томас Милер пропушти идеална можност да изедначи и да го направи продолжението од натпреварот уште понеизвесен. Но и покрај сите настојувања на играчите на Баерн, Диего Милито во 70 минута стави точка на сите дилеми вечерва на „Сантјаго Бернабеу“. Иако во следните 20 минути ниту самиот Мурињо не беше мирен, имајќи ја предвид познатата германска упорност, „нероаѕурите“ докажаа дека сепак против италијанското чувство да се умртви играта, тешко може да се снајдат
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Де Хеа во Бетис?
Давид Де Хеа, минатото лето, како слободен играч го напушти Манчестер јунајтед. Имаше понуди, најмногу од Саудиска Арабија, но тој реши да ја чека вистинската, поради што ја пропушти оваа сезона.
Де Хеа на почетокот на сезоната доби понуда и од Реал Мадрид, кој остана без првиот голман Тибо Куртоа, но одби да се пресели на „Сантијаго Бернабеу“. Не откри дали го одбил „кралскиот клуб“ поради финансиската понуда или поради тоа што тој е „дете“ на Атлетико Мадрид.
Шпанските медиуми тврдат дека Де Хеа од наредната сезона се враќа меѓу стативите. Според овие извори тој ќе брани за Бетис. Ќе потпише договор со клубот од Севилја кога ќе започне преодниот рок.
Бетис моментално се седми на табелата во Примера.
Спорт
Баерн преговара и со селекторот на Австрија
Фудбалскиот клуб Баерн веќе два месеци го бара наследникот на Томас Тухел, а сега почнале преговори со Ралф Рангник, пренесува германскиот новинар на „Скај Спорт“, Флоријан Плетенберг.
Баварците се во потрага по нов шеф на стручниот штаб кој би го тимот од Тухел по завршувањето на сезоната. Затоа почнале преговори со Рагник, кој е селектор на Австрија со која ќе настапи на ЕУРО 2024. Новинарот потенцира дека многу работи би треабло да се поклопат за Рангник да дојде во Минхен.
Плетенберг пренесува дека е воспоставен контакт со Рагник откако станало јасно дека преговорите за враќање на Јулијан Нагелсман пропаднале кога тој потпиша нов договор со Германскиот фудбалски сојуз, а Баерн сака што поскоро да го претстави новиот тренер.
Договорот на Рагник со Австрискиот фудбалски сојуз е до Светското првенство во фудбал во 2026 година, но може да биде раскинат со соодветна отштета. Доколку челниците на Баерн успеат да се договорат со 65-годишниот стручњак, парите не би требало да бидат проблем.
Дополнително, Де Зерби и Зинедин Зидан се уште се кандидати за клупата на Баерн.
Спорт
Ѓоковиќ: Сакам да учествувам и на ОИ во 2028 година
Новак Ѓоковиќ го искористи петтото прогласување за најдобар спортист на планетата за да ги открие своите идни планови.
Српскиот тенисер, на новинарите во Мадрид им откри дека се ште не размислува за пензионирање.
„Мојата најважна цел годинава е златен медал на Олимписките игри во Париз. Верувам дека е можно, да не верувам, немаше ни да играм. Секогаш мора да верувате дека се е можно во животот. Којзнае дали повторно ќе имам таква шанса. Сакам да учествувам на Игрите во Лос Анџелес во 2028 година, но никогаш не се знае што ќе се случи.
Тој објасни и зошто решил да не игра на Мастерсот во Мадрид.
„Го подготвувам своето тело за Ролан Гарос, Вимблдон, Игрите и Ју-ес Опен и овој период е исклучително важен за мене. Планирам за две недели да учествувам на Мастерсот во Рим. Се надевам дека следната година ќе играм во Мадрид. Сè уште сум млад, ми останува уште многу време за игра“, се пошегува Ѓоковиќ, кој за околу еден месец полни 37 години.