Спорт
На списокот на Мексико го нема Дос Сантос од Барса
Селекторот на мексиканската репрезентација Хавиер Агуира го соопшти конечниот список со 23 играчи кои ќе настапат на Светското првенство во Јужна Африка
Објавувањето на имињата на 23-те фудбалери предизвика големи полемики во Мексико. Најмногу бука се крена заради тоа што од конечниот список патници за Светскот првенство е изоставен 20-годишниот играч од средниот ред на каталонскиот гигант Барселона, Џонатан Дос Сантос. Ваквата одлука на селекторот Хавиер Агуира беше причина таткото на Дос Сантос, поранешниот бразилски фудбалер Зизињо да изјави дека неговиот син веќе никогаш нема да настапи во дресот на мексиканската селекција„Готово е со мексиканската репрезентација, не сакам Џонатан да настапува за неа. Ќе побараме екипа која го познава фудбалот и која го посакува во своите редови“, изјавил Зизињо за мексиканските медиуми. Но, семејството сепак ќе биде претставено во Јужна Африка, бидејќи Агуера на списокот го стави неговиот брат Џовани Дос Сантос, кој како што пишуваат медиумите, се расплакал кога дознал дека Џонатан не е на истиот список. Како и да е, боите на Мексико во Јужна Африка ќе ги бранат голманите Гилермо Очоа од Америка Мекиско, Луис Ернесто Мичел од Гвадалахара Мексико и Оскар Перез од Јагуаерес Месико.Одбраната ја прават Рафаел Маркез од Барселона, Рикардо Осорио од Штудгард, Франциско Хавиер Родригез и Карлос Салцидо од ПСВ Ајндховен, Хектор Морено од АЗ Алкмар, Паул Агиљар од Пачуа Мексико, Ефраин Хуарез од Пумас Мексико, Џони Магалон од Гвадалахара Мексико и Хорхе Торес од Тигрес Мексико. Во средината ќе играат Андрес Гуардадо од Депортиво Ла Коруња, Герардо Торадо од Круз Азул Мексико и Израел Кастро од Пумас Мексико. Во нападот на Мексико покрај Џовани Дос Сантос од Галатасарај, ќе играат Гилермо Франко од Вест хем, Карлос Вела од Арсенал, Пабло Барера од Пумас Мексико, Адолфо Баутиста, Алберто Медина и Хавиер Хернандез од Гвадалахара Мексико, Куахтемок Бланко од Веракруз Мексико.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.