Спорт
Германците десеткувани на СП
Германскиот селектор на располагање имаше 24 од 27 играчи кои ги повика на последните тестирања, што значи дека од списокот на 23-цата играчи кои ќе одат на првенството отпадна само еден фудбалер
Повредата на 26-годишниот германски репрезентативец од Шалке 04 Хеико Вестерман беше последниoт малер во низата неволји за селекторот Јоаким Лев. Заради повреди од Светското првенство отпаднаа капитенот Михаел Балак, голманот Рене Адлер, Симон Ралфс, како и Кристијан Траеш, а на болки се жалеше и бекот на ХСВ, Марсел Јансен. Сепак, по последниот тренинг Лев го отпиша одбранбениот играч Анредас Бек.Така германската експедиција во Јужна Африка ќе ја сочинуваат голманите Мануел Ноер од Шалке 04, Тим Виесе од Вердер и Ханс-Jерг Бут од Баерн кој најверојатно ќе биде и првиот голман на репрезентацијата. Во oдбраната ќе конкурираат Марсел Јансен, Денис Аого и Џером Боатенг од Хамбургер СВ, Филип Лам и Холгер Бадштубер од Баерн, Арне Фридрих од Херта, Пер Мертешакер од Вердер и Сердар Ташчи од Штудгард. Во средниот ред се Сами Кеидра од Штудгард, Тони Корс од Бајер, Марко Мартин од Вердер, Месит Озил од Вердер, Баштијан Шванштајгер од Баерн и Пјотр Трочовски од Хамбургер СВ. Во нападот се Какау од Штудгард, Марио Гомеш од Баерн, Стефан Кислинг од Бајер, Мирослав Клосе и Томас Милер од Баерн и Лукас Подолски од Келн. Германија е во групата Д со Србија, Гана и Австралија.Како и Англија и Северна Кореја, со отпаѓањето на Михаил Балак од англиски Челзи и германската репрезентација се потпира на „кадар“ кој игра само во домашното првенство. По Бразил со пет и Италија со четири светски титули, Германија е третата на вечната листа најуспешни фудбалски репрезентации на светот. Тие имаат освоено три титули а уште четири пати биле поразени во големите финалиња на мундијалите. Германија не настапила само на две Светски првенства, на првото во Уругвај во 1930 г. и во Бразил 1950.Германците исто така имаат три златни медали од Европските фудбалски првенства, а не играле само на едно во 1968 г. во Италија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА ќе го разгледа предлогот секој тим да има по 26 фудбалери на ЕП
Европската фудбалска унија (УЕФА) ќе разговара за можноста за проширување на бројот на играчи за претстојното ЕП 2024 во Германија на состанок следниот месец.
Според актуелните правила, секоја репрезентација може да има по 23 пријавени фудбалери на ЕП. Српскиот селектор, Драган Стојковиќ Пикси, предложи, секоја селектор да може да пријави 26 играчи. Овој предлог доби поддршка од селекторите на 24 репрезентации кои ќе учествуваат на континеталниот шампионат.
„Добивме неколку пораки од селекторите на репрезентациите во врска со бројот на играчи ЕП 2024. Работната група на УЕФА и претставниците на репрезентациите учесници ќе ги разгледаат предлозите на селекторите на 8 април и ќе ги проучиме сите можни решенија и идеи“, најавија од УЕФА.
На последното ЕП во 2021 година, поради епидемијата на коронавирус, секоја репрезентација имаше 26 фудбалери.
Спорт
Колку заработи Иванишевиќ од соработката со Ѓоковиќ?
Прекинот на соработката меѓу Новак Ѓоковиќ и Горан Иванишевиќ е топ тема кај регионалната спортска јавност.
Ниту една страна не ги откри точните причини за разделбата, освен што Ѓоковиќ изјави дека „достигнале точка на заситеност“.
Ѓоковиќ најверојатно пукна по лошиот почеток на сезоната во која се уште нема освоено трофеј, пред најважните турнири во годината, додека Хрватите пишуваат дека, без разлика на се, Иванишевиќ добро заработил од оваа соработка.
Соработката на ова дуо траеше речиси шест години, во кои Ѓоковиќ освои 12 грен слем титули.
Наводно, Ѓоковиќ му плаќал на Иванишевиќ од 6.000 до 10.000 евра неделно, односно легендарниот Хрват добивал 10 отсто премија од заработката на српскиот тенисер на турнирите.
Иванишевиќ заработил повеќе од 300.000 евра само од плата минатата година.
Ако ја земеме таа бројка како просечна заработка на Иванишевиќ за време на соработката со Ѓоковиќ и процентот од освоените турнири, Иванишевиќ во последните шест години како тренер на најдобриот тенисер во светот заработил помеѓу два и четири милиони евра.
Инаку, Иванишевиќ во кариерата како активен играч заработи околу 16 милиони евра. Кариерата во која освои еден грен слем (Вимблдон), Иванишевиќ ја заврши во 2011 година.
Спорт
Калафиори: Татко ми го презира Јувентус, а јас го почитувам татко ми
Јувентус бара нови играчи во одбраната, откако е извесно дека Бремер ќе се пресели во Манчестер јунајтед.
Еден од можните наследници на Бразилецот е фудбалерот на Болоња, 21-годишниот Рикардо Калафиори. Барем така сметаат во клубот, бидејќи фудбалерот не е ни најмалку импресиониран од интересот што за него го покажа славниот италијански клуб.
Играчот чија вредност според „Трансфермаркт“, скокна од пет милиони евра на 25 милиони евра од октомври минатата година е под договор со Болоња до летото 2027 година.
Калафиори вели дека сака да го испочитува договорот што го има со актуелниот клуб отколку да се пресели во Јувентус.
„За мене Јувентус би бил чекор назад во споредба со Болоња, клуб кој работи на вистински начин. Попрво би останал овде отколку да го облечам дресот на Јувентус. Татко ми го презира Јувентус, а јас го почитувам татко ми. Нема пари за кои јас би отишол таму“, изјави Калафиори.