Спорт
Италија со деветмина актуелни шамиони
Италијанската репрезентација ги соопшти 23-те фудбалери кои ќе се обидат да го сочуваат фудбалскиот трон освоен на претходниот мундијал во Германија, а нема ниеден играч од европскиот и италијански првак Интер
Селекторот Марчело Липи на списокот има девет играчи кои дојдоа до светката титула пред четири години, Буфон, Канаваро, Замброта, Каморанези, Де Роси, Гатузо, Пирло, Џиралдино и Јакинта.Од конечниот список за Јужа Афирка отпаднаа бекот Матиа Касани, и напаѓачоте Џузепе Роси и Марко Бориело.Италија на Светското првенство ќе игра со Парагвај, Нов Зеланд и Словачка во групата Ф, па ќе претставува вистинска сензација доколку не го продолжи мундијалот во следната фаза.На Џанлуиџи Буфон од Јувентус, замени ќе му бидат Морган Де Сантис од Наполи и Федерико Марчети од Каљари.Во одбраната се Салваторе Бочети од Џенова, Леонардо Банучи од Бари, Фабио Канаваро и Џорџо Челини од Јувентус, Доменико Крискито од Џенова, Кристиан Маџо од Наполи и Џанлука Замброта од Милан.Во средината ќе играат Мауро Каморанези и Клаудио Маркисио од Јувентус, Даниеле Де Роси од Рома, Џенаро Гатузо од Милан, Рикардо Монтоливо од Фиорентина, Анџело Поломбо од Сампдорија, Симоне Пепе од Удинезе и Андреа Пирло од Милан.Во нападот се Антонио Ди Натале од Удинезе, Алберто Џиралдино од Фиорентина, Винченцо Јакинта од Јувентус, Џампаоло Пазини од Сампдорија и Фабио Кваљарела од Наполи.По Англија, Северна Кореја и Германија, Италија е четвртата репрезентација која досега објави список со 23 играчи кои се натпреваруваат во домашното првенство. По Бразил со пет, „аѕурите“ со четири освоени титули се втората најуспешна нација на мундијалите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.