Спорт
СП Италија 1990
Светското првенство во фудбал во Италија 1990 година имаше повторено финале од претхофдното во Мексико. Се сретнаа Западна Германија и Аргентина, но овојпат европскиот тим го понесе трофејот со 1:0
За прв пат на ова натпреварување се пласираа Костарика, Република Ирска и Обединетите Арапски Емирати. Репрезентацијата на САД повторно учествуваше на мундијалот по четириесетгодишна пауза. Репрезентацијата на Мексико е дисквалификувана затоа што на претходното младинско натпреварување прати забележително постар и искусен играч. Чиле беше дисквалификувана, исто така, затоа што голманот Роберто Рохас глумеше повреда која наводно ја добил од фрлен запален факел во текот на мечот со Бразил. ФиналеФиналето меѓу Западна Германија и Аргентина е оценето како најциничното и најнеквалитетно финале на сите светски првенства. Во 65. минута се случи преседан, кога на Педро Монзон му беше доделен црвен картон и мораше да го напупшти теренот.Аргентина, ослабена за еден иргач не напаѓаше и играта протече со доминација на Западна Германија. Во завршните моменти Аргентина остана со девет играли откако Густаво Дезоти го доби вториот црвен картон по фаулот над Јирген Колер. Натпреварот заврши 1:0 во корист на Западна Германија, а Аргентина е првата репрезентација што во финалето не постигната гол. Мундијалот се одржа во дванаесет градови низ Италија: Бари, Болоња, Каљари, Фиренца, Џенова, милано, Неапол, Палермо, Торино, Рим, Удине и Верона. Во репрезентацијата на Југославија, учествува и македонскиот репрезентативец Дарко Панчев, кој успеа да постигне дури два гола на мундијалот.Маскота
Чао, цртана фигура на играч со глава – фудбалска топка и тело во 3 бои. Името е познат италијански поздрав.Занимливости- Во трката за избор на домаќин, главнни фаворити беа Италија и СССР. Италија доби повеќе гласови.- Од сите до тогаш одржани првенств, на ова беа постигнати најмалку голови по меч. Вкупно 115 или 2,21 гол по натпревар. Вкупното време на игра изнесуваше 4.920 минути, што значи еден гол на 42,7 минути или 2,1 гол на 90 минути. – Репрезентацијата на Република Ирска дојде до четвртфинале иако до тогаш даде само два гола. Ниеденнатпревар недобија во регуларното време од 90 минути. Играа или продолженија или на пенали. Во четвртфиналето изгубија од Италија. – Иако Англија изгуби во полуфиналето, а изгуби и на натпреварот за трето место, дома беше пречекана како херој, затоа што ова и беше најдобро првенство по 1966 година кога како домаќин заврши со победа. -Финалето е отворено со концерт на трите тенори – Пласидо Доминго, Лучано Павароти и Хозе Карерас. – Светското првенство Италија 90 се спомнува во германскиот филм Збогум Ленине!Прв пат-За прв пат двата полуфинални меча се одлучуваа на пенали: Италија – Аргентина 1:1; (3:4) и Западна Германија – Англија 1:1; (4:3)-Прв и единствен пат централноамериканска екипа Костарија, победи две европски, Шкотска и Шведска. -Прв пат на Светско првенство имаше официјална песна Un’estate italiana,компонирана од Џорџо Мородер.-Прв пат една екипа Западна Германија, три пати со ред играше во финале (1982 и 1986)Педро Монзон е првиот играч што во финалето добил црвен картон и мораше да го напушти теренот.
Последен пат-На ова првенство за последен пат на голманот му е дозволено да ја земи топката со раце кога соиграчите директно му ја упатуваа и да ја упати на друг. Од 1994 година тој може да ја прифати топката со раце, но да ја упати на друг со кој било дел од телото освен рака. -Последен пат екипите на Западна Германија, СФРЈ, ЦССР и Чехословачка настапуваа како единство. Набрзо потоа завршена е унификацијата на Западна и Источна Германија, како една држава. СФРЈ се распадна на шест самостојни држави (Словенија, Хрватска, Босна и Херцеговина, Србија, Црна Гора и Македонија). Чехословачка во 1993 година се подели на Чешка и Словачка. СССР се подели на Русија и 14 помали држави.-Последен пат судиите носеа едноставни црни дресови. Во 1994 година им е дозволена до бираат боја на дресот. -Последен пат на ова првенство играчите носеа дресови само со броеви. Во 1994 година прв пат на дресовите имеше и презимиња.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) При резултат 5:1, во 92.минута Тонали намерно добил жолт картон?
Фудбалската асоцијација на Англија (ФА) покрена дисциплинска постапка против играчот на Њукасл, Сандро Тонали (23), поради наводни прекршувања на обложувањето по неговата преселба во Премиер лигата.
За потсетување, италијанскиот играч од средниот ред веќе одлежува 10-месечна суспензија откако Италијанската фудбалска федерација (ФИГЦ) го казни минатиот октомври поради прекршување на правилата за обложување додека беше играч на Милан.
Тонали призна дека ги прекршил правилата за коцкање во својата земја, се обложувал од 2020 до 2023 година на нелегални платформи, а неговата суспензија трае до 27 август.
Сега постапка против него покрена и ФА откако 50 пати ги прекршил правилата, обложувајќи се на фудбалски натпревари помеѓу 12 август и 12 октомври 2023 година.
Откако беше објавено дека Тонали е под истрага и од Англија, се појави видео од натпреварот Њукасл-Астон Вила на 12 август, кога тој дебитираше за „страчките“.
Тонали, беше заменет во 92.минута, а бидејќи бавно ги напушташе теренот доби жолт каротн. Инаку во тој момент Њукасл имаше предност 5:1.
— Goncalodias2 (@goncalovideoss) October 17, 2023
Многумина веруваат дека Тонали точно знаел што прави во оваа ситуација и дека намерно добил жолт картон, бидејќи се обложил. Италијанскиот играч за врска има рок до 5 април да одговори на обвинувањата на ФА.
Тонали во јули минатата година од Милан се пресели во Њукасл за 70 милиони евра, што го прави најскапиот италијански играч во историјата.
Спорт
(Видео) Богдановиќ и Мареј ги срушија Бостон Селтикс
Атланта Хокс по едно продолжение ги победија Бостон Селтикс со 123:122. Богдан Богдановиќ и Дежонте Мареј му пресудија на лидерот во НБА лигата. Првиот погоди два пати во финишот на регуларниот дел, а вториот ги постигна сите поени за Атланта во продолжението.
Атланта Хокс ја забележаа четвртата последователна победа во НБА лигата, а капитенот на српската репрезентација, со две последователни тројки им овозможи на домаќините продолженијата.
Богдановиќ за 43 минути игра имаше 24 поени (9/19 од поле, 2/8 за три, 4/4 од поле), седум скока и пет асистенции.
Атланта до победата ја предводеше Дежонте Мареј со рекорд во кариерата од 44 поени, за што му беа потребни дури 44 шута кон кошот на Бостон.
Тој ги постигна поените за победа на 0,1 секунда пред крајот на продолжението. Мареј беше единствениот играч на Хокс кој постигна поени во продолжението.
Тој имаше и седум скока, седум асистенции и две украдени топки. Коби Брајант и Расел Вестбрук се единствените играчи кои имаат повеќе шутеви од игра од Мареј во последните 20 сезони.
Брајант имаше шест натпревари со најмалку 44 шута. Толку такви настапи имаше Рик Бери, а четири Елгин Бејлор. Апсолутен рекордер е Вилт Чембрлен со дури 58 натпревари. За илустрација Мајкл Џордан само еднаш во кариерата на еден натпревар 44 пати шутирал кон кошот на противникот.
Инаку, Мареј имаше повеќе шутеви на овој натпревар отколку првите ѕвезди на Селтикс Џејсон Тејтум (22) и Џејлен Браун (17) заедно.
Кај Хокс уште се истакнаа и Деандре Хантер со 21 поен и 13 скока и Клинт Капела, кој додаде 12 поени и 13 скока.
Во тимот на Бостон Џејсон Тејтум постигна 31 поен со 13 скока и пет асистенции, Дерик Вајт додаде 22 поени, седум скока и пет асистенции, а Кристапс Порзингис имаше 20 поени и седум скока.
Бостон е најдобриот тим во НБА со 57 победи и 16 порази и го обезбеди првото место пред плеј-офот во Источната конференција.
Со 34 победи и 39 порази, Атланта е на 10. место кое води во плеј-ин.
Спорт
Поранешниот селектор на Кина призна дека примил 10 милиони евра мито
Поранешниот селектор на фудбалска репрезентација на Кина, Ли Те, во случајот со пред судот, во процесот што се води против него, признал дека примил повеќе од 10 милиони евра мито.
Ле, кој ја водеше Кина од јануари 2020 до декември 2021 година е обвинет за давање и примање мито и учество во местење натпревари, се вели во соопштението за медиумите на провинцискиот суд во Хубеи.
Во текот на повеќемесечниот процес, Ле призна дека добил повеќе од 9,8 милиони евра во периодот од 2017 до 2021 година.
„Ли Те ја призна вината и изрази каење“, се вели во соопштението на судот и се додава дека пресудата ќе биде објавена подоцна.
Кинеските медиуми во вторникот објавија дека поранешниот претседател на кинеската фудбалска федерација Чен Џујуан, кој призна дека примал мито, е осуден на доживотен затвор.