Спорт
Србија со чудесно полувреме подобра од Камерун
Српската репрезентација во меч со многу голови и со целосен пресврт во првото полувреме ги совлада силните Камерунци, додека Италија ремизираше со Швајцарија на гости
На поранешниот Стадион на ЈНА наместо на белградска „Маракна“ каде репрезентацијата најчесто ги игра своите мечеви, Србија со 4:3 го совлада Камерун. Според белградките медиуми, вкавата одлука била донесена за да биде наполнет помалиот стадион по слабите игри на Србија во последните подготвителни натпревари. Камерунците поведоа во голот на Пјер Вебо во 4, минута, по што изедначи во 16. Милош Красиќ што е првиот гол на српската репрезентација на последните три меча, а Вебо повторно ги доведува гостите во водство по четири минути, во 20-та минута. Во следните пет минути Дејан Станковиќ изедначи во 25. минута, а потоа Ненад Милијаш од пенал го донесува првото водство за Србија во 44 минута, а Марко Пантелиќ во следната 45. минута зголемува на 4:2.Во второто полувреме по „хокеарските“ измени на двајцата селектори, играта изгуби на темпо и стана помалку интересна а за одбележување е само голот на Ерик Максим Чупо-Мотинг во 65. минута.Треба да се одбележи дека на овој подготвителен натпревар Камерун настапи без двајцата клучни играчи. Самуел Ето од европскиот и италијански шампион Интер, заради црвениот картон што го доби на пријателскиот меч против Португалија и ветеранот во одбраната Ригобер Сонг. На голот не беше ни досега стандардниот голман Идрис Карлос Камени. Камерун на СП ќе игра во групата со Холандија, Данска и Јапонија.Кај Србија во одбраната не настапи Немања Видиќ од Манчестер јунајтед, кој има зголемена температура. Камерун вечерва беше во улога на Гана со која Србија се среќава на првиот меч од СП, во групата во која се уште и Германија и АвстралијаВо другите вечерашни подготвителни мечеви на учесниците на мундијалот кој почнува за шест денови, Италија одигра нерешено на гостувањето во Швајцарија 1:1. Во Женева поведоа домаќините во 10. минута преку Ѓокан Инлер а „аѕурите“ изедначија во 15. минута со голот на Фабио Кваљрела. ШВајцарија игра во групата Х со Шпанија, Хондурас и Чиле, а Италија во групата Ф со Солвачка, Нов Зеланд и Парагвај. Противникот на Швајцарија, Хондурас беше високо поразен како домаќин од Романија со 0:3, За Романците головите ги постигнаа Николае во 17., Флореску во 45. и Радоју во 75. минута од пенал. Вечерва подготвителен меч одигра и Алжир во кој со 1:0 ги совлада Обединетите арапски емирати со голот на Карим Зиани во 57 минута од пенал. Алжир е во групата Ц со Англија, САД и Словенија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шекил: Сакам Симонс да ме научи како за 55 натпревари заработи 80 милиони долари
Изјавата на Шекил О’Нил во еден подкаст, во пресрет на почетокот на плеј-офот во НБА лигата, привлече големо внимание во САД.
Еден од најдобрите центри во историјата на кошарката, саркастично одговори на прашањето за кои играчи би платил карта да ги гледа во живо.
„Бен Симонс, затоа што сакам да научам како можеш да заработиш 80 милиони, а да одиграш само 55 натпревари. Научи ме човеку. Научи ме како можеш да одиграш 55 натпревари во три сезони и да добиеш 30 милиони, 40 милиони и уште 40 милиони само за да рекол дека го боли грбот“, рече четирикратниот шампион во НБА.
Симонс во 2016 година беше прв пик на драфтот, го избра Филалделфија, во чии редови беше до 2022 година кога се пресели во Бруклин Нетс. За Бруклин во првата сезона одигра 40 натпревари, а оваа само 15.
Спорт
Педри и Де Јонг ќе бидат подготвени за ПСЖ
Фудбалерите на Барселона, Педри и Френки де Јонг, најверојатно ќе се вратат во тимот за првиот четвртфинален натпревар од Лигата на шампионите против Пари Сен Жермен.
„Педри и Де Јонг се повредија на почетокот на месецот на мечот против Атлетик Билбао (0:0) во шпанското првенство, но се опоравија и би можеле да бидат во тимот за дуелот во Париз“, пишува „Мундо депортиво“.
Според оовј извор, Педри веќе почнал сам да тренира, а Де Јонг се уште е на рехабилитација, но наскоро ќе почне да тренира. Лекарскиот тим на Барселона е уверен дека тој ќе биде подготвен за натпреварот против ПСЖ на 10 април.
Андреас Кристенсен и Роналд Араухо имаат проблем со ситни повреди и најверојатно поради претпазливост ќе го пропуштат претстојниот првенствен натпревар во Барселона против Лас Палмас.
Спорт
Тренер на Лестер доби отказ – бил во врска со фудбалерка од тимот
Менаџерот на женскиот фудбалски клуб Лестер сити, Вили Кирк (45) е отпуштен откако со внатрешна истрага било откриено дека го прекршил кодексот на однесување.
Британските медиуми објавија дека Кирк е под истрага за наводна врска со фудбалерка од тимот.
Кирк првично беше суспендиран, а сега е отпуштен, со што заврши неговиот двегодишен престој во клубот.
„По опсежни внатрешни дисциплински постапки и почитување на индивидуалната приватност, Вили го прекрши кодексот на однесување до степен што ја прави неговата позиција неодржлива“, велат од клубот.
Тој му се приклучи на Лестер во јули 2022 година како спортски директор и ја замени Лидија Бедфорд на клупата четири месеци подоцна. Лестер моментално е деветти на табелата во англиската лига.