Спорт
Шпанците фантастични пред Јужна Африка
Репрезентацијата на Шпанија, пред заминување за Јужна Африка, на Светското првенство во фудбал, на спектакуларен начин ја победи Полска во пријателски меч во Мурсија, со 6:0
Дожуивувањето за навивачите беше незаборавно, коментираат шпанските медиуми, откако шпанската репрезентација на стадионот „Нуева Кондомина“, поведе со 2:0 во првото полувреме, но во второто беа бостигнати уште четири. Не е чудо штп многумина ги сметаат за фаворити на годинешниот мундијал. Стрелци на головите се Давид Виља, Силва, Чави Алонсо, Сеск Фабрегас, Фернандо Торес и Педро. Шпанците играа инспирирано и фантастично, па малку репрезентации може да им се сметаат за дораснати. По само 14 минути Полјаците примија два гола. Во продолжение, во второто полувреме играта се претвори о опсада на голот на Томаш Кушчак, кој како и неговите соиграчи беше нем набљудувач на надмоќната игра на Шпанците.
Колку Шпанците беа супериорни говори и фактот што голманот на полската репрезентација, кој се смета за најдобар полски поединец е втор голман во Манчестер Јунајтед, а вчера, успеа со неколку одлични интервенции да ја спаси својата репрезентација од катастрофа. Шпанците играа во формација 4-4-3, во следниот состав: Касиљас – Капдевиља, Пујол, Пике, Арбелоа-Алонсо, Бускетс, Силва-Чави, Виља, Мата. Играа уште и Марчена, Торес, Навас, Серхио Рамос и Фабрегас.
Првиот натпревар Шпанците го играат на 16 јуни против селекцијата на Швајцарија во Групата Х, во која се уште Хондурас и Чиле.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Поранешниот селектор на Кина призна дека примил 10 милиони евра мито
Поранешниот селектор на фудбалска репрезентација на Кина, Ли Те, во случајот со пред судот, во процесот што се води против него, признал дека примил повеќе од 10 милиони евра мито.
Ле, кој ја водеше Кина од јануари 2020 до декември 2021 година е обвинет за давање и примање мито и учество во местење натпревари, се вели во соопштението за медиумите на провинцискиот суд во Хубеи.
Во текот на повеќемесечниот процес, Ле призна дека добил повеќе од 9,8 милиони евра во периодот од 2017 до 2021 година.
„Ли Те ја призна вината и изрази каење“, се вели во соопштението на судот и се додава дека пресудата ќе биде објавена подоцна.
Кинеските медиуми во вторникот објавија дека поранешниот претседател на кинеската фудбалска федерација Чен Џујуан, кој призна дека примал мито, е осуден на доживотен затвор.
Спорт
Хенес: Алонсо нема да дојде во Баерн ова лето
Почесниот претседател на Баерн, Ули Хенес изјави дека минимални се шансите тренерот на Баер Леверкузен, Чаби Алонсо на крајот на сезоната да го преземе клубот од Минхен.
Баерн пред нешто повеќе од еден месец објави дека тренерот Томас Тухел ќе ја заврши својата мисија во Минхен на крајот од сезоната.
„Точно е дека сакаме да потпишеме договор со Алонсо. Сепак, ќе биде многу тешко, да не речам невозможно“, изјави Хенес.
Алонсо го презеде тимот од Леверкузен во октомври 2022 година, а оваа сезона е вистински хит во Бундеслигата.
„Сигурен сум дека Алонсо ќе остане во Баер за да ја продолжи својата работа. Сега е тренер на клуб кој е блиску до освојување на титулата во Бундеслигата. Тој треба да му биде благодарен на клубот, но и клубот има за што да му заблагодари“, додаде Хенес.
Од 2014 до 2017 година, Алонсо играше за Баерн Минхен, каде што разви одлични односи со луѓето од клубот, меѓу кои и тогашниот претседател Ули Хенес, кој сега е доживотен почесен претседател.
Спорт
Димитров го растури Алкараз во Мајами
Григор Димитров го победи Карлос Алкараз со 6:2, 6:4 во четвртфиналето на Мастерсот во Мајами. Ова беше петти меѓусебен дуел на Бугаринот и Шпанецот и втора победа по ред за Димитров.
„Направи да се чувствувам како да имам 13 години“ – го опиша Карлос Алкараз поразот од Бугаринот
„Не се сеќавам некој да ме натерал да се чувствувам вака. Вакво нешто одамна не ми се случило. Не знаев што да правам. Барав решенија, но тој не ми даде. Почувствував неверојатна фрустрација.“
А 32-годишниот Димитров навистина одигра перфектно. Мечот го заврши со 24 винери.
„Генијалноста е често во едноставноста. Знаев дека морам да бидам поагресивен, да ги водам поените. Против него е многу тешко да се направи тоа“ – објасни Бугаринот како го победи шампионот на Индијан Велс.
Можеше и побрзо да победи бидејќи водеше со 4:1 во вториот сет, но потоа Алкараз успеа да врати еден брејк, но не успеа да се врати во мечот.