Спорт
Светското фудбалско првенство во бројки

На СП ќе играат 32 селекции со по 23 фудбалери, или вкупно 736 играчи од 298 клуба од 52 национални фудбалски лиги
Убедлив лидер е Англија со 118 играчи, пред Бундеслигата со 84, па Серија А – 80, Ла Лига – 59, Лига 1 во Франција – 45. Од земјите што не се учесници на СП, а клупски се претставени, Русија води со 14, Турција има 13, Шкотска 10, Белгија 7, Израел 6. Во сево ова, три селекции се чисто домашни, Англија, Германија и Италија. А, само Србија има 23 фудбалери од 23 различни тимови.
Клупски, најмногу претставници имаат Барселона и Челси и тоа еден цел тим со две замени (по 13), следат Ливерпул со 12, Баерн Минхен со 11, а двоцифрени се и Арсенал, Интер, Панатинаикос, и Реал Мадрид. По девет имаат Милан, Евертон, Манчестер јунајтед. Челси ќе имаше најмногу, буквално цел тим за протокол, но повредите на Михаел Балак, Микаел Есиен, Џон Оби Микел, како и неизвесноста за настапот на Дидие Дрогба ги сведоа „сините“ на еднаква бројка со Барселона.
Најстар тим на Мундијалот е Бразил и тоа со 29 години и 165 дена, а следат Англичаните со 29 години и 153 дена. Од друга страна, најмлад тим е тој на Гана со 24 години и 72 дена.
Србија е највисока во просек со 186 сантиметри, а Никола Жигиќ е највисок фудбалер со 202 сантиметри. Најнизок, пак, е Арон Ленон со 165 сантиметри, а најниска селекција е Чиле со просек од 176,5 сантиметри. Најтешки се Словенците со 80 килограми, а втори се Србите за 300 грама полесни.
Најстар фудбалер е голманот на Англија, Дејвид Џејмс со 39 години и 86 дена, додека најмлад е Кристијан Ериксен од Данска со 18 години и 315 дена. Ова значи дека рекордот на Роже Мила за најстар стрелец ќе остане до Бразил 2014, затоа што прво Џемјс е голман, а второ недостижни се 43 години со кои Мила даде гол во САД.
Како по обичај битката за титулата ќе се води меѓу двата најфудбалски континенти Европа и Јужна Америка. Досега, меѓусебе двата континенти одиграле 187 меча, а Јужноамериканците се подобри со 81 победа додека Европа победила 71 меч, а 45 пати ремизирале. Во титули, Јужна Америка – Европа е 9-9.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ѓоковиќ го заврши учеството во Доха, а Вердаско стави крај на кариерата

Новак Ѓоковиќ и Фернандо Вердаско го завршија учеството во двојки на турнирот во Доха. Овој меч беше последен во кариерата на Вердсако.
Подобри од српско-шпанската комбинација беа Хари Хеливар и Хенри Патен, инаку втори носители и актуелни шампиони на Австралија опен. Ѓоковиќ и Вердаско загубија со 2:0 (7:5, 6:4).
Вообичаено Ѓоковиќ е во центарот на вниманието на тениските мечеви, но овојпат не беше така. Ова беше збогување на Вердаско со професионалниот тенис.
Во првиот сет Ѓоковиќ и Вердаско немаа многу шанси, ниту една брејк топка. Хелиовара и Патен одиграа многу искусно и во 11. гем ја искористија четвртата брејк топка за водство од 1:0.
Тие веднаш направија брејк во вториот сет, а Ѓоковиќ и Вердаско не успеаја да ги искористат единствените брејк топки кои ги имаа во шестиот и осмиот гем.
На крајот по 81 минута турнирот заврши за Ѓоковиќ и во двојки, а кариерата заврши за Фернандо Вердаско.
По седум титули, вкупно 23 финалиња и преку 500 победи на АТП, Вердаско се прости од тенисот. Со Шпанија освои и три титули во Девис купот“ (2008, 2009, 2011), а неговиот форхенд и понатаму беше на завидно ниво, дури и во последниот меч во кариерата.
Најдобриот пласман на АТП листата му беше седмото место.
Спорт
Ракометарите и претседателот Мукаетов на гости кај американската амбасадорка, Агелер

Машката ракометна репрезентација на Македонија предводена од селекторот, Кире Лазаров, и од претседателот на Ракометната Федерација на Македонија, Живко Мукаетов, беше свечено примена во Амбасадата на САД, на посета на aмбасадорката, Ангела Агелер.
„Денес на покана на Амбасадорот на Соединетите Американски Држави, нејзината екселенција г-ѓа Ангела Агелер , беше одржан прием за машкиот сениорски национален ракометен тим. Во рамки на посетата претседателот на РФМ г-дин Живко Мукаетов и Селекторот г-дин Кирил Лазаров и подарија македонски дрес и топка своерачно потпишана од сите ракометари кои учествуваа на Светското Првенство 2025 . РФМ упатува голема благодарност за приемот и подршката која ја добива до Амбасадата на Соединетите Американски Држави“, објави Ракометната Федерација на Македонија на својата официјална фејсбук-страница.
Агелер беше забележана со Мукаетов на трибините на светското првенство во Вараждин додека ги бодреше македонските ракометари.
Спорт
Расел: Со Ферстапен сигурно нема да бидеме најдобри пријатели

Новата сезона во Формула 1 започнува на 16 март, а атмосферата веќе ја подигнаа Макс Ферстапен и Џорџ Расел. Возачите на Ред Бул и Мерцедес ја продолжија вербалната војна која започна минатата сезона на Големата награда на Катар..
Ферстапен доби казна на стратот, а трката во Катар ја стартуваше од пол-позицијата Расел. Британецот се жалеше дека Холанѓанеџот го попречувал додека бил во брз круг. Судиите ја уважија жалбата на расел.
Потоа Макс рече дека „ја изгубил секоја почит“ кон Британецот.
Во пресрет на новата сезона, Расел за Ферстапен изјави:
„Немам намера да разговарам со него, да бидам искрен. Не ми е гајле, сакам да се фокусирам на себе. Работите излегоа од контрола минатата година. Тоа беше тогаш. Нема да бидеме најдобри пријатели, тоа е сигурно“.
Макс возврати.
„Немам намера да продолжам каков било конфликт. Немам што да кажам на таа тема. Не сум загрижен за него или неговото возење. Јас нема да го сменам мојот пристап и начин на возење кога ќе се борам со него или со другите возачи“.