Спорт
„Фуријата“ вечерва тргнува кон двојна круна
Амбициозниот план на Шпанците на европската титула да ја додадат светската започнува да се остварува во среда вечер во Дурбан, каде ќе се одигра првиот натпревар против швајцарската репрезентација
Се работи за средба од првиото коло во гурпата Х, на Светското фудбалско првенство, чиј домаќин е Јужна Африка. За Шпанците многумина мислат дека ќе бидат и шампиони на овој мундијал. Се работи за млада. Талентирана репрезентација, а воедно и докажна. Но, „фуријата“, знае да се сопне на светските првенства. До сега, за најголем успех им се смета четвртото место на СП Бразил 1950 година. Во Германија 2006 година испаднаа во осминафиналето, додека четири години пред тоа во јапонија и Јужна Кореа, застанаа меѓу последните осум. „Важно е да се дојде до победа во првиот натпревар. Таков почеток го поткрева моралот и самопочитта, ве опушта пред следните натпревари. Поразот носи стрес, што не е добро за тимот“, вели Цеск Фабрегас, еден од истакнатите фудбалери во репрезентацијата. „Зад Шпанија е одличен период, многумина овде им предвидуваат успех. И токму поради тој факт мораме да ја бараме својата шанса. Швајцарија е способна да изненади и тоа ќе се обидеме да го направиме“, вели Отмар Хицфелд, селекторот на Швајцарија. ЗанимливостиКолку тешка ќе биде задачата на Хицфелд се гледа од претходните средби на овие две екипи. До сега одиграле 21 заеднички натпревари, а Швајцарија може да се пофали само со три нерешени. Вкупната гол разлика е 45:15, за Шпанците кои ги предводи Висенте дел Боске. Шпанија зад себе има 20 појавувања на светските фудбалски мундијали. Швајцарија осум. До минатогодишниот пораз на Конфедерацискиот куп од САД (2:0) Шпанија оставри петнаесет победи без прекин и го изедначи рекордот со Бразилците со 35 меча без пораз. Тоа беше прв пораз на Шпанија од 2006 година. Швајцарецот Филипе Сендерос и Шпанецот, Цеск Фабрегас речиси три години делеа ист покрив во заедничките денови во Арсенал. Веројатни составиШанија (4-1-3-2): Касиљас – Серхио Рамос, Пујол, Пике, Капдевила-Бускетс – Чави, Чаби Алонсо, Давид Силва – Торес, Давис ВиљаШвајцарија (4-4-2): Бенаљо – Лихтстајнер, Сендерос, Грихтинг, Мањин – Бехрами/Барнета, Јакин, Инлер, Гелсон Фернандес -Нкуфо, Дердијок
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Богдановиќ и Мареј ги срушија Бостон Селтикс
Атланта Хокс по едно продолжение ги победија Бостон Селтикс со 123:122. Богдан Богдановиќ и Дежонте Мареј му пресудија на лидерот во НБА лигата. Првиот погоди два пати во финишот на регуларниот дел, а вториот ги постигна сите поени за Атланта во продолжението.
Атланта Хокс ја забележаа четвртата последователна победа во НБА лигата, а капитенот на српската репрезентација, со две последователни тројки им овозможи на домаќините продолженијата.
Богдановиќ за 43 минути игра имаше 24 поени (9/19 од поле, 2/8 за три, 4/4 од поле), седум скока и пет асистенции.
Атланта до победата ја предводеше Дежонте Мареј со рекорд во кариерата од 44 поени, за што му беа потребни дури 44 шута кон кошот на Бостон.
Тој ги постигна поените за победа на 0,1 секунда пред крајот на продолжението. Мареј беше единствениот играч на Хокс кој постигна поени во продолжението.
Тој имаше и седум скока, седум асистенции и две украдени топки. Коби Брајант и Расел Вестбрук се единствените играчи кои имаат повеќе шутеви од игра од Мареј во последните 20 сезони.
Брајант имаше шест натпревари со најмалку 44 шута. Толку такви настапи имаше Рик Бери, а четири Елгин Бејлор. Апсолутен рекордер е Вилт Чембрлен со дури 58 натпревари. За илустрација Мајкл Џордан само еднаш во кариерата на еден натпревар 44 пати шутирал кон кошот на противникот.
Инаку, Мареј имаше повеќе шутеви на овој натпревар отколку првите ѕвезди на Селтикс Џејсон Тејтум (22) и Џејлен Браун (17) заедно.
Кај Хокс уште се истакнаа и Деандре Хантер со 21 поен и 13 скока и Клинт Капела, кој додаде 12 поени и 13 скока.
Во тимот на Бостон Џејсон Тејтум постигна 31 поен со 13 скока и пет асистенции, Дерик Вајт додаде 22 поени, седум скока и пет асистенции, а Кристапс Порзингис имаше 20 поени и седум скока.
Бостон е најдобриот тим во НБА со 57 победи и 16 порази и го обезбеди првото место пред плеј-офот во Источната конференција.
Со 34 победи и 39 порази, Атланта е на 10. место кое води во плеј-ин.
Спорт
Поранешниот селектор на Кина призна дека примил 10 милиони евра мито
Поранешниот селектор на фудбалска репрезентација на Кина, Ли Те, во случајот со пред судот, во процесот што се води против него, признал дека примил повеќе од 10 милиони евра мито.
Ле, кој ја водеше Кина од јануари 2020 до декември 2021 година е обвинет за давање и примање мито и учество во местење натпревари, се вели во соопштението за медиумите на провинцискиот суд во Хубеи.
Во текот на повеќемесечниот процес, Ле призна дека добил повеќе од 9,8 милиони евра во периодот од 2017 до 2021 година.
„Ли Те ја призна вината и изрази каење“, се вели во соопштението на судот и се додава дека пресудата ќе биде објавена подоцна.
Кинеските медиуми во вторникот објавија дека поранешниот претседател на кинеската фудбалска федерација Чен Џујуан, кој призна дека примал мито, е осуден на доживотен затвор.
Спорт
Хенес: Алонсо нема да дојде во Баерн ова лето
Почесниот претседател на Баерн, Ули Хенес изјави дека минимални се шансите тренерот на Баер Леверкузен, Чаби Алонсо на крајот на сезоната да го преземе клубот од Минхен.
Баерн пред нешто повеќе од еден месец објави дека тренерот Томас Тухел ќе ја заврши својата мисија во Минхен на крајот од сезоната.
„Точно е дека сакаме да потпишеме договор со Алонсо. Сепак, ќе биде многу тешко, да не речам невозможно“, изјави Хенес.
Алонсо го презеде тимот од Леверкузен во октомври 2022 година, а оваа сезона е вистински хит во Бундеслигата.
„Сигурен сум дека Алонсо ќе остане во Баер за да ја продолжи својата работа. Сега е тренер на клуб кој е блиску до освојување на титулата во Бундеслигата. Тој треба да му биде благодарен на клубот, но и клубот има за што да му заблагодари“, додаде Хенес.
Од 2014 до 2017 година, Алонсо играше за Баерн Минхен, каде што разви одлични односи со луѓето од клубот, меѓу кои и тогашниот претседател Ули Хенес, кој сега е доживотен почесен претседател.