Спорт
Германија не се совладува со 10 минути добра игра
Ниту недосудениот гол на Ламапрд не може да ги оправда Англичаните кои и во осминафиналето против големиот противник покажаа дека не се во форма која е потребна за врвните натпреварувања
Ако се каже дека Вејн Руни, најдобриот стрелец на англиската фудбалска репрезентација, не постигна ниеден гол во четирите меча во Јужна Африка, јасно е дека „Гордиот Албион“ не заслужи да мине во четвртфиналето. Рака на срце, дискутабилно е колку со играта го заслужија и ова осминафинале. За Германија прецизни беа Мирослав Клозе во 20., Лукас Подолски во 32 и Томас Милер во 67 и 70 . минута, а за Англија Метју Апсон во 37. минута го намали резултатот. Англичаните бездруго со право ќе протестираат заради поништувањето на голот на Лампард, но во 1966 г. во Лондон токму со ист удар и токму против Германија, ја освоија светската титула, единствена за нив досега. Оваа ситуација е речиси идентична од финалето во 1966 г. кога Англичаните славеа со 4:2 а спорниот погодок на ист наин за водство до 3:2 го постигна Геф Харст. Топката и тогаш падна од пречката во близина на гол линијата, а советскиот судија покажа дека е гол но Англичаните до ден денс спроведуваат амркетинг дека не е со сигурност утврдено каде паднал топката.Англија, доколку се суди според имињата кои истрчаа на теренот, беше фаворит, а, пак, според титулите Германија со трите освоени мундијала беше во предност. Уште повеќе „елфовите“ беа во предност имајќи ги предвид покажаните игри во натпреварите по групи. Тимот без ѕвезди демонстрираше зрела игра водена од стратегот кој со два „блиц крига“ го ничкоса грогираниот противник кој само во последните 15-ина минути од првото полувреме кога изедначи и недосудениот погодок.Да се навратиме уште еднаш на контроверзниот момент во 38 минута, веднаш откако Апсон го намали водството на Германија на 1:2, Лампард силно шутираше од работ на шеснаесетникот, а топката од пречката се одби зад гол линијата, но уругвајската судиска тројка предводена од Ларионда не го виде тоа. Може да се претпостави дека можеби меќот навистина ќе имаше поинаков тек. Меѓутоа англиските фудбалери со својот однос до крајот на мечот не стори ништо овој момент да биде предмет на вистински полемики, туку ќе биде забележан во дуелите во ФИФА кај поборниците на идејата спорните моменти веднаш да бидат прегледувани на забавени снимки.Нестрпливо очекуваниот двобој меѓу Англија и Германија за кој и британската и светската фудбалска јавност очекуваа конечно англиските фудбалери да се тргнат од безидејната игра и да заиграат како знаат, почна со шанса на Германците уште во 4. минута кога Месут Озил одлично прифати долга топка во шеснаесетникот, но неговиот удар од работ на казнениот простор откосо Џејмс го одбрани.Германија и по оваа шанса продолжи со доминацијата при што младите „панцири“ демонстрираа нов квалитет во кој покрај германската упорност се промовира и игра со луцидни потези. Така во 20. минута по грешка на централната англиска одбрана, топката го прескокна Тери а Апсон не успеа да го стигне Клозе кој буквално заби за водство. Со овој гол Мирослав Клосе има постигнато вкупно 12 голови на светските првенства за Германија и пред него само со 14 голови е легендарниот Гер Милер. Во 30. минута Клосе имаше уште една добра можност да го совлада Џејмс, новториот успеа да одбрани.Но само по две минути Клосе ја потегнува акцијата од која Подолски сигурно и лесно поентираше за 2:0.Дотогаш англиските фудбалери беа сосема надиграни, не можеа да врзат неколку додавања а од опасност по германскиот гол немаше ниту најава. Сепак, Англија има големи фудбалери а во нејзиниот состав сега се двајцата најскапо проценети играчи. За жал, за да не’ потсети на тоа им беа потребни цели 37 минути само од денешниот меч, доколку ги апстрахираме претходните три мундијалски бледи изданија. Се чини и овој гол падна по грешка на голманот, бидејќи на нафрлувањето на Џерард од десната страна Неуер отиде во празно а зад него топката ја смести Апсон. Критичниот момент се случи веќе во следната минута која Лампард од врвот на шеснаесетникот одлично стрелаше но топката од пречката се одби зад грбот на Неуер и зад гол линијата што не беше регистрирано од судиите. И то абеше се’ до крајот на првиот делВо второто полувреме Англичаните се обидоа да продолжат со нападите и во 52. минута повторно Лапмард од 30 метри од слободен удар ја зачешува пречката но од нејзината горна страна. Петнаесет минути подоцна Лампард повторно има можност да го загрози германскиот гол од слободен удар, овојпат поблиску, но откако живиот ѕид го блокираше неговиот удар, Швалнштајгер повлече контра во која Томас Милер непогрешливо реализираше за 3:1. А веќе по три минути уште еден контранапад а овојпат Озил по претрчувањето на Нери го послужи Милер на спротивната страна кој уште еднаш сигурно реализираше. По ова немаше вистински шанси и на двете страни, а младите германски репрезентативци докажаа дека покрај традиционалното трчање по целиот терен умат и да му ја „сокријат“ топката на противникот, па до крајот Англичаните и речиси не се состанаа со неа освен кога ја исфрлуваа во полето.Германија во четвртфиналето ќе се состане со победникот од мечот Аргентина – Мексико.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА ќе го разгледа предлогот секој тим да има по 26 фудбалери на ЕП
Европската фудбалска унија (УЕФА) ќе разговара за можноста за проширување на бројот на играчи за претстојното ЕП 2024 во Германија на состанок следниот месец.
Според актуелните правила, секоја репрезентација може да има по 23 пријавени фудбалери на ЕП. Српскиот селектор, Драган Стојковиќ Пикси, предложи, секоја селектор да може да пријави 26 играчи. Овој предлог доби поддршка од селекторите на 24 репрезентации кои ќе учествуваат на континеталниот шампионат.
„Добивме неколку пораки од селекторите на репрезентациите во врска со бројот на играчи ЕП 2024. Работната група на УЕФА и претставниците на репрезентациите учесници ќе ги разгледаат предлозите на селекторите на 8 април и ќе ги проучиме сите можни решенија и идеи“, најавија од УЕФА.
На последното ЕП во 2021 година, поради епидемијата на коронавирус, секоја репрезентација имаше 26 фудбалери.
Спорт
Колку заработи Иванишевиќ од соработката со Ѓоковиќ?
Прекинот на соработката меѓу Новак Ѓоковиќ и Горан Иванишевиќ е топ тема кај регионалната спортска јавност.
Ниту една страна не ги откри точните причини за разделбата, освен што Ѓоковиќ изјави дека „достигнале точка на заситеност“.
Ѓоковиќ најверојатно пукна по лошиот почеток на сезоната во која се уште нема освоено трофеј, пред најважните турнири во годината, додека Хрватите пишуваат дека, без разлика на се, Иванишевиќ добро заработил од оваа соработка.
Соработката на ова дуо траеше речиси шест години, во кои Ѓоковиќ освои 12 грен слем титули.
Наводно, Ѓоковиќ му плаќал на Иванишевиќ од 6.000 до 10.000 евра неделно, односно легендарниот Хрват добивал 10 отсто премија од заработката на српскиот тенисер на турнирите.
Иванишевиќ заработил повеќе од 300.000 евра само од плата минатата година.
Ако ја земеме таа бројка како просечна заработка на Иванишевиќ за време на соработката со Ѓоковиќ и процентот од освоените турнири, Иванишевиќ во последните шест години како тренер на најдобриот тенисер во светот заработил помеѓу два и четири милиони евра.
Инаку, Иванишевиќ во кариерата како активен играч заработи околу 16 милиони евра. Кариерата во која освои еден грен слем (Вимблдон), Иванишевиќ ја заврши во 2011 година.
Спорт
Калафиори: Татко ми го презира Јувентус, а јас го почитувам татко ми
Јувентус бара нови играчи во одбраната, откако е извесно дека Бремер ќе се пресели во Манчестер јунајтед.
Еден од можните наследници на Бразилецот е фудбалерот на Болоња, 21-годишниот Рикардо Калафиори. Барем така сметаат во клубот, бидејќи фудбалерот не е ни најмалку импресиониран од интересот што за него го покажа славниот италијански клуб.
Играчот чија вредност според „Трансфермаркт“, скокна од пет милиони евра на 25 милиони евра од октомври минатата година е под договор со Болоња до летото 2027 година.
Калафиори вели дека сака да го испочитува договорот што го има со актуелниот клуб отколку да се пресели во Јувентус.
„За мене Јувентус би бил чекор назад во споредба со Болоња, клуб кој работи на вистински начин. Попрво би останал овде отколку да го облечам дресот на Јувентус. Татко ми го презира Јувентус, а јас го почитувам татко ми. Нема пари за кои јас би отишол таму“, изјави Калафиори.