Спорт
Шпанија oдвaј го скрши отпорот на Парагвај
Репрезентацијата на Шпанија е последниот патник во четвртфиналето, откако синоќа минимално го совлада Парагвај со голот на Давид Виља
Парагвај беше рамноправен противник и скапо си ја продаде кожата. Шпанците имаа поголема иницијатива, но нивните напади беа јалови, додека одбраната на Парагвај функционираше добро, а имаа и посериозни шансиОтпорот на јужноамериканците беше скршен по голема борба дури во 84 минута. Иниеста по една извонредна соло акција го проигра Педро, кој се најде сам пред голот. Топката ја погоди стативата и се одби од Виља, кој веднаш шутираше кон голот, топката најнапред ја погоди едната статива, па другата и конечно влезе во голот.Двете селекции претходно промашија по еден пенал. Прв во водство можеше да дојде Парагвај во 59 минута, но ударот од 11 метри на Кардозо го одбрани Касиљас. Веднаш потоа беше досуден пенал на Шпанија, откако во контранапад беше соборен Виља, но Виљар го одбрани ударот на Чаби Алонсо.Кон крајот на полувремето беше постигнат регуларен гол на Парагвај. Помошниот судија погрешно сигнализираше дека стрелецот Нелсон Валдез бил во офсајд.Виља досега има постигнато пет гола, од шесте на шпанската репрезентација, со што се издвои на врвот на листата на стрелците. Шпанија во полуфиналето ќе игра против Германија во среда навечер во Дурбан.Шпанскиот селектор Винсент Дел Боске по натпреварот призна дека неговата екипа тешко дојде до победата.„Натпреварот беше тежок како што предвидувавме. Но игравме трпеливо и тоа се покажа пресудно. Сега ни престои меч против Германија, но нема од што да се плашиме.Парагвајскиот селектор Џерардо Мартино смета дека одбранетиот пенал на Касиљас бил клучен за натпреварот.„Имавме своја шанса, но не ја искористивме. Клучот на натпреварот беше одбранетиот пенал. Беше тоа голем шок за нас. На моите момчиња може само да им честитам за она што го прикажаа на целото првенство“, изјави Мартино.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Брејк на Фенер во Монако и на Олимпијакос во Барселона
Кошаркарите на Фенербахче и Олимпијакос славеа како гости бво Монако и Барселона, во првите плеј-оф натпревари во Евролигата.
Фенербахче, во малото кнежевство славеше по дополнителните пет минути со 95:91. Во регуларниот дел натпреварот заврши 81:81. Победата на Фенер ја засени повредата на Скоти Вилбекин, кој веројатно нема да биде подготвен за вториот натпревар.
Во победничкиот тим најефикасен беше Најџел Хејс-Дејвис со 19 поени, Ник Калатес додаде 17, а Нејтан Сестина 16 поени.
Во редовите на Монако Ели Окобо имаше 19, а Џордан Лојд и Мајк Џејмс постигнаа по 16.
Следниот натпревар се игра на истото место во петок на 26 април од 19 часот.
Олимпијакос во „Палау Блауграна“, го контролираше натпреварот од првата до последната секунда и заслужено ја победи Барселона со 77:75. Имаше Олимпијакос 13 поени предност во третиот период, Барселона се врати во мечот со серија 8:0. До крајот на натпреварот играчите на грчкиот тим ги одбија сите напади на Барселона.
Црвено-белите до брејк стигнаа со 15 поени на Најџел Вилијамс-Гос, 14 на Ајзеа Кенан, додека Петрушев имаше 12 со пет скока, а Мустафа Фал 11 поени.
Во тимот на Барселона Вили Ернангомез и Џабари Паркер постигнаа по 13 поени, Алекс Абриаес 11, а Рики Рубио 10 поени.
Вториот меч на програмата е во петок во Барселона.
Спорт
(Видео) Аталанта ќе се бори за трофејот во Купот на Италија
Аталанта вечерва избори пласман во финалето, во Кушот на Италија. Во реваншот, талнат ја победи Фиорентина со 4:1.
Предноста со која Фиорентина допатува во Бергамо ја анулира Копмајнерс во осмата минута.
Фиорентина остана со фудбалер помалку во 53.минута, кога Миленковиќ како последен човек во одбраната направи фаул врс Скамака.
И со играч помалку Фиорентина успеа да изедначи преку Мартинез Кватра во 68.минута. Работите во вкупниот резултат ги врати Скамака со евро-гол во 75.минута.
Драмата кулминираше во самиот финиш Лукман погоди во 95. за 3.1, а три минути подоцна точка на натпреварот стави Пашалиќ.
Фиорентина сигурно ќе има жестоки поплаки за судењето на Ла Пења. Впечаток е дека Фиорентина не доби пенал при водство на Аталанта 1:0, а исто така спорен е почетокот на акцијата при третиот гол, кога Бираги беше фаулиран, а и спорна е позицијата на стрелецот на голот Лукман.
Таму ги чека Јувентус кој претходно го победи Лацио.
Финалето е закажано за 15 мај.
Спорт
(Видео) Евертон ги згасна шампионските сништа на Ливерпул
Шампионските сништа на Ливерпул во „Мерсисајд“ дербито ги згасна Евертон. „Карамелите“, вечерва славеа со 2:0 и прв пат по 14 години славеа како домаќини над градскиот ривал.
Корнерите му пресудија на Ливерпул на „Гудисон парк“. Најпрвин реализираше Брејтвајт во 27., а точка на мечот стави Калверт-Лувин во 58.минута.
Ливерпул остана втор на табелата со три бода помалку од Арсенал, трет е Манчестер сити со четири бода и два натпревари помалку.
Евертон, со сите проблеми што ги има сезонава (одземањето на бодови), се чини дека со овој триумф го обезбеди опстанокот во лигата.
На „Олд Трафорд“, нова мачна партија на Манчестер јунајтед. Тимот на Тен Хаг губеше до 61.минута од најслабиот тим во Премиер лигата. На крајот „црвените ѓавли“ славеа со 4:2.
Шефилд поведе во 35. минута преку Богл, а Мегваер израмни во 42. Гостите го вратија водството во 50. минута, кога Чилеанецот Бреретон-Дијаз го совлада Онана. Бруно Фернандеш од пенал во 61. минута изедначи на 2:2.
Во финишот дојде до израз напаѓачкиот квалитет на Јунајтед, па домашните славеа со головите на Бруно Фернандеш во 81. минута и Хојлунд во 85. минута.
Кристал Палас е во одлична форма под водство на новиот менаџер Оливер Глезнер, а по Ливерпул и Вест Хем неговата сила ја почувствува и Њукасл. Двоен стрелец беше Матета во 55. и 88. минута.
Во Вулверхемптон, Бурнемаут со голот на Семења во 37. минута победи со 1:0.