Спорт
Aдриано во Барса, Леон во Реал
Двата најголеми ривала во најсилната лига на новиот светски фудбалски шампион, во петок ги објавија своите нови засилувања од домашното првенство
Актуелниот шпански првак Барселона го подготвила преминувањето на 25-годишниот Бразилец Адриано Кореиа од Севиља. Адриано за Севиља настапуваше шест сезони, игра и во одбранта и во средниот ред а ја чини Барса 10 милиони евра, пишува спортскиот дневен весник AS. По доведувањето на извонредниот голгетер Давид Виља за кого на Валенсија и платија 40 милиони евра, ова е второто засилување за Каталонците оваа сезона.Меѓутоа, денеска Барселона објави дека има на располагање 50 милиони евра за нови засилувања. Раководството на клубот пред извесно време зема кредит од 155 милиони евра кои најмногу ќе ги троши на плати, така што една третина останува за засилувањата. Инаку, купувањето на Виља, Барса „го покри“ со продажбата на Јаја Туре и Дмитриј Чигрински кои беа продадени за вкупно 40 милиони евра. Шпанскиот спортски печат претпоставува дека сите 50 милиони евра ќе бидат вложени за доведување на Сес Фабрегас, бидејќи претходната понуда од 35 милиони, неговиот сегашен клуб Арсенал ја одби. Исто така, се шпекулира дека заради недостиг од пари, Барселона може да се реши на продажба на шведскиот итнернационалец кој најави враќање во репрезентацијата Златан Ибрахимовиќ кој беше понуден во неколку трампи, како и на Рафаел Маркез.Конкурентот од Мадрид, пак, чие најголемо засилување се смета стратегот Жозе Мурињо кој минатата сезона со европскиот клубски шампион Интер освои три титули а ја елиминираше во полуфиналето токму Барселона, објави дека со 23-годишниот офанзивец Педро Леон потпишал шест-годишен договор. Финансиските детали од трансферот не се објавени, но медиумите шпекулираат дека станува збор за сума од десет милиони евра, кои му се платени на неговиот досегашен клуб Хетафе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.
Спорт
„Заминувам ако Алегри остане тренер“
Федерико Киеза (26) е подготвен да го напушти Јувентус. „Газета дело Спорт“, дури тврди дека италијанскиот репрезентативец им поставил ултиматум на клупските челници.
Енрико Киеза, сезонава не игра на вообичаеното ниво откако се опорави од тешката повреда.
Иако италијанскиот репрезентативец постигна скромни осум гола и две асистенции за неговите стандарди, Јувентус би сакал да го задржи, но се уште нема никаков напредок во преговорите.
Неговиот актуелен договор е до 2025 година, што значително го намалува просторот за маневрирање на клубот.
Киеза на лето би можел да влезе во последната година од договорот и тоа ќе биде последна шанса да клубот заработи од неговиот трансфер.
„Газета дело Спорт“, пишува дека Киеза својот потенцијален останок во клубот го условува со ултиматум. Италијанскиот весник пишува дека Киеза на затворен состанок јасно им кажал на клупските челници дека сигурно ќе го напушти клубот доколку Масимилијано Алегри остане тренер и во следната сезона.
Сериозен интерес за Киеза покажа Рома, односно нејзниот тренер Даниеле Де Роси, кој ќе ја доби довербата да го предводи тимот и наредната сезона.