Спорт
Очекувани настапи на македонските студенти каратисти на СП
На Светското универзитетско првенство во Подгорица на кое според официјалните информации од организаторот учество земаа 56 држави, македонските репрезентативци студенти, досега настапија со променлив успех
На саботните натпревари, во категоријата кати поединечно, Марија Гудеска доживеа пораз во првото коло од Украинката Вјеник Кристина со минимален резултат 2:3. Дејан Милошески исто така беше поразен во прво коло од Чои ја Мои од Јужна Кореја.Мери Радичевска во категоријата борби -50 кг со 0-1 беше поразена во првото коло од Фуџии Рју од Јапонија. Наташа Илиевска во категоријата борби -55 кг. Во првото коло ја победи италијанската преставничка Зега Мишела со резултат 2-1. а во второто коло доживеа пораз на од Јапонката Кобујаши Мики со резултат 0-3. Наташа Стефановска во прво коло ја победи на натпреварувачката од Јапонија, Мијамото Ју со резултат 2-0. Второ коло пораз на Наташа од Маја Јовановиќ со изјаснување на судиите во полза на натпреварувачката од Србија. Томе Тодоровски во категоријата на -67 кг во прво коло пораз од натпреварувачот од Јапонија, Мијамото Даки со резултат 2-0. Останатите наши спортисти Милан Рилак во категоријата борби -60 кг. беше поразен во првото коло од натпреварувачот од Србија со 2-0. Вања Груевски во категоријата борби -75 кг пораз во прво коло од натпреварувач од Русија со резултат 4-3. Жарко Арсовски во првото коло го совлада можеби најсилниот конкурент во оваа категорија, освојувачот на златниот медал на турнирот во Париз опен,Французот Ибрахим Гари. Во второто коло тој се сретна со Светскиот првак Иранецот Модами Вискаеи и загуби со висок резултат од 0-6. Иранецот влезе во финале и Жарко доби шанса во репасажните борби да дојде до бронзениот медал. Во третото коло се сретна со Турскиот стандарден репрезентативец Јашар Саминдекин и го победи со резултат од 2-0. Во последното коло Жарко за бронзата загуби од Англискиот натпреварувач со резултат 0-2 и мораше да се задоволи со остварениот пласман на петтото место.Моника Стефановска категорија на + 68 кг. во првото коло беше слободна, во второто коло победа над каратистката на Кореја Парк Џина со резултат 4-0, Третото коло, односно во четвртфиналето го загуби од Амила Фазлиќ од БиХ по регуларен дел на натпреварот од 0-0, продолжение исто така 0-0 и судиско изгласување за натпреварувачката од Босна.Огнен Груевски загуби од натпреварувачот од Украина со резултат 3-0 во првото коло. Елизабета Илиевска во категоријата борби -67 кг пораз во првото коло со резултат 1-0 од репрезентативката на БиХ, Тања УмичевичќСветското Универзитетско првенство завршува денска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Нема повеќе повторување на натпревари во ФА Купот
Фудбалската асоцијација на Англија (ФА), објави дека од следната сезона, во ФА купот нема да се преигруваат натпреварите кои ќе завршат без победник. Правилото, старо колку и самото натпреварување, од следната сезона ќе важи само во квалификациите. за повторување ќе важи само во квалификациите.
Укинувањето на повторувањата е само еден од неколкуте чекори договорени од ФА и Премиер лигата во следните шест години.
Во иднина сите натпревари од ФА Купот ќе се играат за викенди, со исклучок на четвртото коло, во кое натпреварите ќе се играат од петок до среда. Во четвртото и петтото коло од ФА Купот нема да се играат натпревари од Премиер лигата.
Финалето на ФА Купот ќе се одигра во претпоследниот викенд од сезоната во Премиер лигата. Тој ден нема да се играат натпревари од Премиер лигата. Во петок, на ден пред финалето на ФА Купот, нема да има натпревари од Премиер лигата.
Промените во ФА Купот ќе донесат поинаков вид посветеност на Премиер лигата. Прво, Премиер лигата ќе обезбеди дополнителни 33 милиони фунти за фудбалот, покрај 100-те милиони фунти што досега ги плаќаше на крајот од секоја сезона.
Покрај тоа, Премиер лигата ги задржува сите претходни обврски – на секои три години Премиер лигата исплаќа 1,6 милијарди фунти за сите нивоа во машка и женска конкуренција за да помогне во развојот на фудбалот.
Одлучено е и Комјунити Шилд натпреварот за сезоната 2024/25 да се одигра во сабота на 10 август. Една недела подоцна ќе започне сезоната во Премиер лигата.
Спорт
Лирој Сане има чудна повреда поради која не може да седи
Лирој Сане, во средата, беше еден од најдобрите играчи во тимот на Баерн, кој преку Арсенал избори пласман во полуфиналето, во Лигата на шампионите. Германските медиуми пишуваат дека 28-годишниот фудбалер повреден го одиграл тој натпревар и дека планира да игра до крајот на сезоната.
Сане има чудба повреда поради која не може нормално да седи.
Како резултат на тоа, тој не поминува време со соиграчите пред и по тренинзите, а тешко му е и да патува.
Но, и покрај тоа, му порачал на тренерот Томас Тухел дека не размислува да прави пауза за да ја лечи повредата, особено не сега кога Баерн Минхен го очекува двомеч со Реал Мадрид.
Сане има повреда на срамната коска, односно на препоните, една од трите главни коски на карлицата. Германските медиуми пренесуваат дека Сане под блокада го одиграл реваншот од четвртфиналето со Арсенал, но дека по натпреварот имал сериозни болки.
Напуштајќи го стадионот, тој наводно им рекол на тренерот и соиграчите дека ќе продолжи да тренира и да игра како ништо да не се случило, особено што поради повреди мечот го пропуштија Серж Гнарби и Кингсли Коман.
Сезонава Сане има девет гола и 13 асистенции на 39 настапи во дресот на Баерн.
Спорт
Невозможно е да се добие пенал серија против Емилијано Матинез
Аргентинскиот голман Емилијано Мартинез можеби не е најдобар пример за новата генерација, но неговите голмански квалитети не можат да се оспорат.
Мартинез е „доктор за пенали“, а тоа уште еднаш го докажа во Лил, каде беше најзаслужен што неговата Астон Вила се пласираше во полуфиналето на Конференциската лига.
Мартинез беше пречекан од непријателска публика во Франција по се што се случи на Мундијалот во Катар, кога Аргентина во финалето на пенали ја победи Франција.
Натпреварот Лил-Астон Вила заврши со резултат 2:1, идентична понеда англискиот тим забележа на домапен терен, па откако и по дополнителните 30 минути немаше промена во резултатот, победникот го решија пеналите.
Мартинез тука повторно блескаше, ги одбрани пеналите на Бенталеб и Андре и го однесе својот тим понатаму во борбата за европскиот трофеј.
Тоа беше негова петта последовна пенал серија од која излезе како победник.
Мартинез во пенал рулетот:
Комјунити Шилд 2020 против Ливерпул ✅
Полуфинале на Копа Америка 2021 против Колумбија ✅
Четвртфинале на СП 2022 против Холандија ✅
Финале на Светското првенство 2022 против Франција ✅
Четвртфинале на Конференциската лига 2024 против Лил ✅