Спорт
Италијанецот Пањоли најдобар параглајдерист првиот ден во Крушево
Италијанецот Лучијано Пањоли, оствари најдобар резултат на првиот натпреварувачки ден на „PRE PWC“ претстветскиот куп во параглајдерство во Крушево
Со првиот од петте предвидени прелети започна Предсветскиот куп во чии рамки се и Украина Опен 2010 и Македонија Опен 2010 во дисциплината прелети.Од стартот во близина на Мечкин Камен полетаа сите пријавени 96 параглајдеристи од 14 земји. На првата трка параглајдеристите летаа на небото над Пелагонија кон Могила и Меџитлија со крајна цел битолското село Породин – маршута на летање во вкупна должина од 67,1 километар.На оваа делница најдобар резултат оствари италијанецот Лучијано Пањоли (2 часа и 44 минути), пред Јуриј Мишанин и Андреј Витченко (Украина), додека најдобар од македонските параглајдеристи беше Горан Димишковски на 4-тото место.Меѓу овие четворица, нашите репрезентативци Владимир Неделковски, Игор Тодевски и Мартин Јованоски како и украинецот Никола Струк ќе се бара и победникот на овој Предсветски куп. Првиот натпреварувачки ден параглајдеристите имаа идеални услови кои по којзнае кој пат го потврдија фактот дека Крушево има одлична термика неопходна за овој извонредно атрактивен спорт.Бројните гости во Крушево, кои во текот на денот доаѓаа на стартот, одушевени од несекојдневната глетка – 100-тина параглајдеристи на небото, се заджуваа и повеќе од планираното за да уживаат во Шаренилото од параглајдери на небото. Предсветскиот куп продолжува и денес со втората трка и полетувања од Мечкин Камен околу 12 часот.Организатори на „PRE PWC„ се ПК „Делта“ од Прилеп и украинскиот клуб „Hear Birds“од Киев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.
Спорт
„Мундо депортиво“: Зидан се договорил со Баерн Минхен
Зинедин Зидан ќе биде новиот тренер на Баерн Минхен, пренесува каталонскиот „Мундо Депортиво“. Зидан е без работа откако го напушти Реал Мадрид пред три години.
„Дознаваме дека преговорите се при крај, дури и двете страни сметаат дека се е готово и практично завршено. Зидан само побарал да му се доведат засилувања, особено во одбраната“, тврдат овој извор.
Зидан планираше да стане селектор на Франција, но Дидие Дешамп и понатаму останува на таа позиција. Од друга страна, Баерн, кој по 11 години остана без титулата германски шампион, сакаше да го доведе германскиот селектор Јулијан Нагелсман, но тој го продолжи договорот до 2026 година.
Претходно ПСЖ и Манчестер јунајтед се обидоа да го доведат Зидан, но тој ги одби нивните понуди.
Зидан, 51-годишникот од Марсеј, освои три ЛШ со Реал Мадрид, две шампионски титули на Шпанија, по два УЕФА и шпански Суперкупа, две титули на Светското клупско првенство…
Спорт
Рома преговара за трансферот на Киеза
Тренерот на Рома, Даниеле Де Роси, кој го продолжи договорот со клубот, е голем фан на фудбалерот на Јувентус, Федерико Киеза. Де Роси не кри дека би сакал да го има во својот тим крилниот напаѓач.
Де Роси работеше со него додека му беше асистент на Роберто Манчини во италијанската репрезентација.
Договорот на Киеза со Јувентус истекува во јуни 2025 година, што значи дека ова лето влегува во последната година од истиот.
Тоа значи дека ова лето е веројатно последна шанса клубот да заработи нешто од неговата продажба.
Свесни за ова, челниците на Рома веќе закажале состанок со неговиот менаџер Фали Рамадани.
Покрај Рома, интерес за Киеза покажува и Њукасл.