Спорт
Мундобаскет Турција 2010
На претстојното 16-то по ред светско првенство кое започнува во сабота во Турција покрај Шпанија и Грција, на првото место ќе атакуваат Србија, Русија и Хрватска
Кошарката е родена во 1891 година во Спрингфилд, Масачусетс, како „дете из епрувете“ бидејки мајка нема, а за нејзин татко се смета Др. Џејмс Нејсмит. Тој ги воспостави основните правила на оваа игра по кои се одржа и првиот меч во локалното училиште со фудбалска топка и со мрежички без дупка на дното, па топката мораше да се вади од неа по секој постигнат кош. Оттогаш па до денес оваа игра претрпе големи измени, и ако некој оспорува дека стана спорт број 1, сигурно не може да оспори дека стана најатрактивен спорт на планетата земја.Кошарката ги направи првите чекори на американскиот континент, па можеби затоа и на воведните светски првенства доминираа екипи од овој дел на светот. На првото СП во 1950 година во Аргентина, победија домаќините пред САД и Чиле. Четири години подоцна во Бразил, САД дојдоа до првиот наслов, сребрени беа Бразилците, а бронзени кошаркарите на Филипини. Во Чиле во 1959 година Бразил во финалето се реваншира на САД за поразот на претходното првенство, а домаќинот го освои третото место. Во1963 година Бразил втор и последен пат се закити со круната на домашен терен, а оваа година за прв пат до медали дојдоа екипи од европскиот континент. Југославија го освои сребрениот а СССР бронзениот медал. Токму Југославија и Советскиот Сојуз ќе обележат една ера на доминација на две екипи од Европа менувајки се на тронот на сите светски првенства се до 1986 година. СССР за прв пат стана светски првак во 1967 година во Уругвај, победувајки ја Југославија во финалето, а вкупно има три наслови, исто како САД и Југославија. Последен пат прваци беа во 1982 година со генерацијата во која играа Ткаченко, Валтерс, Сабонис, Еремин, Јовајша, Хомичиус, Белостењи, а предводени на клупата од славниот полковник Александар Гомељски.Југославија првата од трите титули ги освои во Љубљана 1970 година со екипа во која играа Тврдиќ, Плеќаш, Сканси, Јеловац, Данеу, Чосиќ, Шолман, Симоновиќ, Капичиќ, Чермак, Жорга и Рајковиќ. По ова првенство во сите градови во тогашна Југославија на бандерите беа закачувани табли со кошеви, а децата наместо фудбал по сокаците, започнаа да играат кошарка. Оваа експанзија на кошарката придонесе да дојдат генерации кои обележаа доминација на југо-баскетот со играчи од калибар на Драган Кичановиќ, Зоран Славниќ Мока, Дражен Далипагиќ, Мирза Делибашиќ, Жељко Јерков, Жарко Вараиќ, Ратко Радовановиќ, вечниот Крешимир Чосиќ. Така беше се до последната круна пред распадот на Југославија кога за последен пат заедно играа Дражен Петровиќ, Владе Дивац, Тони Кукоч, Жарко Паспаљ, Аријан Комазец, Јуриј Здовц, Велимир Перасовиќ, Зоран Савиќ, Зоран Чутура и Зоран Јовановиќ, тим што во финалето во 1990 година им одржа лекција на САД кои ги потценија противниците и настапија само со три НБА играчи, Алонзо Морнинг, Кени Андерсон и Били Овенс. Гледачите имаа можност во финишот на финалниот натпревар да видат атракции и „шишање“ на американските кошаркари, понижени од легендарниот Дражен и компанијата.САД има три титули. Во 1986 година им досади 32-годишен пост и решија на светското првенство наместо колеџ кошаркари од НЦАА, да пратат екипа на соништата од НБА ѕвезди. Дрим тимот кој неодамна влезе во куќата на славните беше составен од играчи чии имиња и ден денес се сон и недопирливи за новите генерации. Мајкл Џордан, Меџик Џонсон, Лери Брд, Патрик Јуинг, Џон Стоктон, Карл Мелоун, Чарлс Баркли, Дејвид Робинсон, Скоти Пипен, Клајд Дрекслер и Кристијан Лајтнер ја донесоа втората титула за САД на шампионатот во Шпанија. Во финалето го совладаа СССР, тим што во полуфиналето во трилер меч, за само 49 секунди до крајот со три тројки успеа да надомести негатива од девет поени против Југославија, на чија клупа Сканси прерано почна да прославува победа.СССР и Југославија се распаднаа како држави, а од овие две мега репрезентации никнаа како пипци од октопод нови силни тимови, Па СР Југославија, односно Србија и Црна Гора, освоија уште две првенства, а Русија два пати, и Хрватска еднаш, беа закитувани со сребрени медали.Последни победници од СП 2006 година во Јапонија, предводени од вонсерискиот По Гасол се Шпанците на кои ова им е единствен медал и тие ќе ја бранат титулата во Турција но без својата ведета. Грција беше втора на минатото првенство, а САД трет. Самиот пласман најавува дека од 2006 година можеби започнува ера во која поранешните великани на кошарката ќе мора полека приматот да го предаваат на „новите клинци“. На претстојното 16-то по ред светско првенство кое започнува во сабота во Турција покрај Шпанија и Грција, на првото место ќе атакуваат Србија, Русија и Хрватска. Словенците посакуваат изненадување, а тимови за респект имаат Германија, Литванија, Турција, па и Кина земји кои дале во НБА лигата играчи од екстра класа. Порторико се обидува да се врати на старите патеки од седумдесетите години, а не треба да се заборават Канада, па и Австралија. Сите овие несомнено ќе се обидат да станат дел од историјата и за прв пат да изборат статус на светски првак. На шампионатот на планетата, Кајсери, Истанбул, Анкара и Измир ќе бидат домаќини на вкупно 24 репрезентации, поделени во четири групи во првата фаза на првенството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Цолакис одбрани три пенали – Олимпијакос го елиминира Фенербахче
Познати се сите полуфиналисти во Конференциската лига. На Фиорентина, Астон Вила и Клуб Бриж им се приклучи Олимпијакос. Грците, по голема драма, успеаја да го минат Фенербахче по избедувањето пенали и за прв пат во својата историја да се пласираа во полуфинале во натпреварување одрганизирано од УЕФА.
Олимпијакос допатува на ревашот во Истанбул, против Фенербахче со предност од 3:2. Таа предност Фенер ја анулираше по само 11 минути игра, кога Кавечи погоди за 1:0.
Сепак до крајот на натпреварот немаше голови.
На крајот пенал серијата донсе невидена драма, од која како херој излезе голманот на Олимпијакос Цолакиз.
Цолакис ги одбрани ударите на Тадиќ, Ченгиз Ундер и Бонучи. Ел Араби не реализираше за Олимпијакос, исто како и Родинеи во последната серија, неговата топка по одбраната на Ливаковиќ удри во гредата и падна на гол линијата.
Олимпијакос во полуфиналето ќе игра против Астон Вила.
Спорт
(Видео) Милан и со играч плус немоќен во Рим, Баер ја продолжи серијата без пораз, Ливерпул елиминиран
Италија има два клуба во полуфиналето на Лига Европа. Пласманите на Рома и Аталанта меѓу најдобрите четири екипи во ова натпреварување и донесоа на Италија уште едно место во Лигата на шампионите наредната сезона.
Рома и во реваншот го победи Милан (2:1) и покрај тоа што повеќе од 60 минути играше со фудбалер помалку. Вкупниот резултата во овој двомеч е 3:1 за „волчицата“.
Аталанта загуби на домашен терен од Ливерпул (0:1), но победникот во двомечот го реши триумфот на Аталната во Ливерпул, пред една недела (3:0).
Во полуфиналето е и германскиот шампион Баер Леверкузен. „Фармацевтите“, во 89.минута избегнаа пораз во Лондон од Вест Хем (1:1). Баер ја продолжи неверојатната серија, тимот на Чаби Алонсо нема пораз оваа сезона.
Милан практично беше нокаутиран во Рим по 20-ина минути. Рома поведе со 2:0 со головите на Манчини во 12. минута и Дибала во 22. минута и дојде до вкупни 3:0. Малку надеж Милан доби во 31.минута кога Зеки Челик доби црвен картон.
Сепак и со играч плус на теренот, Милан не успеа сериозно да се закани. Во вториот дел Рома имаше две големи шанси преку Спенацола и Ејбрахам. Се што направи Милан на овој меч е голот на Габија во 85.минута.
Ливерпул и покрај сериозната негатива од првиот меч, се обиде да направи чудо во Бергамо. на крајот не успеа и покрај тоа што со голот на Салах во 10.минута од пенали дојде до предност.
Египќанецот имаше уште една одлична шанса во првото полувреме, но неговиот обид за лоб помина покрај голот. Во продолжение Ливерпул не успеа да постигне уште еден гол, а не создаде ниту голема шанса. На крајот, сепак, Аталанта немаше многу проблеми да ја одбрани големата предност од првиот меч.
Баер во Лондон дојде во одлично расположение. Обезбедена првата титула во клупската историја, без претрпен пораз во сите натпреварувања во сезоната и предност од 2:0 од првиот натпревар.
Но во 14. минута Вест Хем ја преполови таа предност преку Антонио. Но, за жал, на Вест Хем, тоа беше се што успеа да направи премиерлигашот. „Чеканите“ не успеаја да му го нанесат првиот пораз на Баер во сезоната, бидејќи Фримпонг постигна гол за 1:1 во 89. минута.
Спорт
(Видео) Мартинез ја однесе Вила во полуфиналето, Фиорентина во продолженијата ја „скрши“ Викторија
Астон Вила и Фиорентина изборија пласман во полуфиналето на Конференциската лига. Фиорентина во продолженијата ја елиминира Викторија Плзен, а Астон Вила го доби пенал-рулетот, во Франција против Лил, благодарение на голманот Емилијано Мартинез.
Фиорентина заслужено влезе во полуфиналето. Чудо е како „виолетовите“ не успеаја да го решат прашањето околу кончениот победник во регуларните 90 минути.
Неколку пати фудбалерите на Фиорентина ја погодија стативата, а од 66.минута имаа и фудбалер повеќе на теренот.
Нико Гонзалес (92) и капитенот Кристијано Бираги (108) ги постигнаа головите, во победата 2:0, во продолженијата.
Фиорентина во полуфиналето ќе игра против подобриот од натпреварот Фенербахче – Олимпијакос.
Астон Вила „спаси“ глава во Лил. Најпрвин со голот на Кеш во 87.минута тимот на Унаи Емери се избори за дополнителни 30 минути фудбал, а потоа го искористи своето најсилно оружје во пенал-драмата, голманот Мартинез.
За Лил стрелци во регуларниот дел од натпреварот беа Јазичи во 15. и Андре во 67.минута.
Мартинез го одбрани пеналот на Бенталеб во првата серија, а во четвртата неговиот колега Шевалие го запре обидот на Бејли. Реши последниот пенал, Мартинез го прочита капитенот на Лил Андер и ја однесе Вила во полуфиналето.
Emi Martinez saves the pen then dances. He is so unserious man.. 😭😭
— Conn (@ConnCFC) April 18, 2024