Спорт
Несреќен пораз во Братислава
Фудбалската репрезентација на Македонија со пораз го започна квалификацискиот циклус за пласман на ЕП во 2012 година
На стадионот „Пасиенски“ во Братислава, Словачка со голот на Холошко ја совлада Македонија со 1:0.Поразот е незаслужен затоа што „црвено-жолтите“ беа рамноправен противник во текот на целиот натпревар. Одиграа македонските фудбалери тактички зрел натпревар, стриктно ги испочитуваа задачите кои ги добија од селекторот Мирсад Јонуз, во првото полувреме не им дозволија на словаците ниту еднаш да го загрозат голот на Нурединовски.Словаците притиснаа во вториот дел, но одбраната предводена од Новевски и Митрески успешно ги одбиваше сите закани кон нашиот гол. Македонија беше и многу поконкретна во нападот, чисти шанси за водство не реализираа Пандев и Георгиевски. Македонија имаше игра и резултат се до 85 минута, кога Шиков го заработи вториот жолт картон, по судиската одлука настана мешаница на теренот, патот во соблекувалната му беше покажан и на селекторот Јонуз.Словачка предноста од играч повеќе ја искористи во 90 минута, кога нафрлувањето на Хамшик, Холошко ја спроведе топката во мрежата на Нурединовски.Следниот натпревар Македонија ќе го одигра во вторник на 7 септември, кога во Скопје ќе гостува Ерменија.Пред дуелот Словачка-Македонија, вечерва се одиграа уште две средби од нашата квалификациска група, фаворитите забележаа победи, Ирска во Ереван ја совлада Ерменија со 1:0, Русија со 2:0 победи во Андора.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гигантите од Евролигата се против влезот на Дубаи
Според сознанијата на шпанскиот кошаркарски портал „Енцестандо“, неколку гиганти од Евролигата се против идејата Дубаи да се приклучи во елитното натпреварување.
Иако пред неколку месеци беше претставено дека Дубаи дефинитивно ќе биде дел од европското натпреварување, може да дојде до пресврт.
Парите кои тимот би ги донел во Евролигата засега не се доволна причина.
„Енцестандо“ пренесува дека Реал е предводник на клубовите кои се противат на влезот на Дубаи цели седум години.
Наводно на страната на Реал застанале и Фенербахче и Баерн кои не сметаат дека парите треба да бидат пресуден фактор.
Еден од проблемите што би можел да го донесе Дубаи е нарушувањето на пазарот на играчи, бидејќи може да понуди многу повисоки плати од оние што моментално се во Европа.
Таму не се плаќаат даноци, па би било многу полесно да се ангажираат играчи отколку во другите европски земји.
„Енцестандо“ пренесува дека Дубаи наводно веќе им понудил договори на некои од играчите на најдобрите европски тимови со избраниот тренер Светислав Пешиќ.
Шпанците пишуваат и дека датумот кога ќе се гласа за влез на Дубаи се уште не е ни блиску.
Првобитното гласање требаше да се одржи во средината на март, а потоа беше одложено.
Во меѓувреме Дубаи е примен во АБА-лигата и примарната идеја е следната година прво да игра во Еврокупот, па дури потоа да дојде за прием во Евролигата.
Спорт
(Видео) Братот на Никола Јокиќ удрил навивач
Братот на Никола Јокиќ, Страхиња влегол во конфликт со навивач по мечот меѓу Денвер и ЛА Лејкерс.
Нагетс поведоа со 2-0 во серијата, благодарение на кошот, кој со звукот насирената го постигна Џамал Мареј (101:99), но едено видео кое се појави по натпреварот ја шокираше јавноста.
На снимката се гледа како братот на Никола, Страхиња слегува и удира навивач.
На трибините беа и вториот брат на кошаркарот на Денвер, Немања и неговата сопругата Наталија и ќерката Огњена.
Следниот натпревар помеѓу Лејкерс и Нагетс е закажан во Лос Анџелес во петок од 4 часот.
The Jokic bros fighting fans last night 😳
(Via cgallegos67 / h/t @ClutchPoints )
— NBACentral (@TheDunkCentral) April 23, 2024
Спорт
Тројцата исклучени во дербито ги дознаа казните
Дисциплинскиот судија во Серија А експресно ги одреди казните за играчите кои синоќа беа исклучени на натпреварот помеѓу Милан и Интер во 33. коло од Серија А. Интер славеше со 2.1 и ја обезбеди титулата на пет кола до крајот на сезоната.
Капитенот на Милан, Давиде Калабрија, доби црвен картон во 97.минута, откако го удри без топка Давиде Фратези. Тој е суспендиран на два натпревари.
Во петтата минута од судиското надополнување дојде до тепачка помеѓу играчот на Милан, Тео Ернандез и играчот на Интер, Дензел Дамфрис, по што и двајцата добија црвени картони. Тие ќе пропуштат еден натпревар.
Дисциплинскиот судија им изрече и парични казни од по 10.000 евра.