Спорт
Милан привремено на чело во Серија А
Во првите два меча од шестото коло од италијанското првенство, со победата на гости кај Парма од 1:0, Милан привремено се искачи на врвот од табелата пред Интер и Лацио кои во недела ќе ги одиграат мечевите од ова коло
Миланезите ги освоија трите бода со прекрасниот гол на Андреа Пирло во 25. минута кога биеше страотно од повеќе од дваесет метри. Милан во првото полувреме пропушти многу шанси, но исто така треба да се истакне и голманот на Парма, Антонио Миранте кој успеа да ја сочува својата мрежа. Тренерот на „росонерите“ Масимилијано Алегри првпат сезонава го почна натпреварот со ударната напаѓачка тројка Робињо, Роналдињо и Златан Ибрахимовиќ. Со ваков напад не е изненадување што голманот Миранте имаше многу работа на својот стадион „Тадрини“ Милан го започна мечот како и што посакуваше Алгри, па Ибрахимовиќ веќе во 2. минута имаше можност да го открие резултатот. Но по корнерот шутираше само крај голот. Парма својата единствена шанса за постигнување погодок во првиот дел ја имаше во 12. минута, кога Анџело го најде Хернан Креспо, кој падна при обидот да ја зафати топката со волеј, по што жестоко реагираше кај судијата дека бил соборен од грб од Алесандро Неста.Ибрахимовиќ имаше до крајот на полувремето уште две шанси во постојаните напади на гостите кон голот на Миранте кој и во двата случаи интервенираше одлично.Но голманот на Парма навистина не можеше да стори ништо да го сочува голот во 25 минута, како 35-годишниот ветеран Пирло ја торпедираше топката во горниот лев агол од мрежата. Пирло во својата кариера има постигнато многу спектакуларна голови од слободен удар, но ова беше најверојатно еден од поубавите.И додека Пирло како играч од средниот ред успеа од голема далечина да ја погоди целта, шпицот Ибрахимовиќ тоа не можеше да го стори тоа ниту од непосредна близина. Во неколку наврати Миранти и во продолжението ефектно ги спречи обидите на шведскиот интернационалец, како што тоа го стои и во 63. минута по опасниот удар на Роналдињо од дваесетина метри под пречката. Парма конечно одговори преку расположениот Фернандо Маркес но и тој бараше најстрога казна протестирајќи за некоректно играње на Игнацио Абате. Судијата уште трипати беше опкружуван од домашните играчи кои бараа најстрога казна, но опсадата на голот на Кристиан Абиати не даде резултат. Роналдињо ја пропушти шансата да ја запечати победата по еден контранапад кога шутираше преслабо за да биде совладан вечерва расположениот Миранте.Така до недела Милан ќе го држи врвот на табелата во италијанското фудбалско првенство. „Росонерите“ сега имаат 11 бодови од шест мечеви, еден повеќе од шампионот Интер и од Лацио кои имаат и меч помалку. Во вториот меч од саботната програм во Серија А, Удинезе ја забележа првата годинешна победа, но сепак остана на последното место. Гостинската Чезена беше совладана дури во третата минута од судиското надополнување со голот на Бенати.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Навивачите на Челси бараат клубот да го отпушти Покетино
Лошата сезона на Челзи кулминација доживеа синоќа на „Емирати“. Челси беше прегазен со 5:0 од градскиот ривал Арсенал.
Медиумите, а по нив и навивачите, за дебаклот го обвинија менаџерот Маурисио Покетино.
Револтираните навивачи на „сините“, како што пренесува „Фудбал инсајдер“, бараат аргентинскиот стручњак под итно да добие отказ.
Челси, досега има 13 победи, односно победи во една третина од натпреварите во Премиер лигата, премалку со оглед на вложувањата пред стартот на првенството.
Спорт
Судот одлучува за фантомскиот гол на Јамал? Лапорта ќе поднесе тужба против РФЕФ
Барселона ќе ја тужи Шпанската фудбалска федерација (РФЕФ) поради, како што смета, неправдата на Ел Класико.
Ова значи дека судот треба да пресуди дали топката по ударот на Ламине Јамал ја минала гол-линијата.
Барселона, во неделата, доживеа пораз во Мадрид од Реал (3:2).
Фантомскиот гол на Ламине Јамал се уште е тема на шпанските медиуми, но и ситуација од која не се откажуваат во канцелариите на „Камп Ноу“.
Претседателот на Барселона, Џоан Лапорта фи побара од РЕФЕ снимките од ВАР собата (видео и аудио комуникацијата). п
Федерацијата го одби барањето и соопшти дека нема да направи исклучок за Барселона. Сега Барселона сака да добие дозвола видео-записот да му го предаде судот. Лапорта побара и да се повтори Ел Класико.
Во шпанскиот шампионат нема гол-технологија, а ВАР сметаше дека топката не ја минала линијата со полн волумен.
Спорт
Капитенот реши да си замине од Атлетик Билбао
Икер Муниаин реши да го напушти својот Атлетик Билбао на крајот од сезоната.
Легендарниот офанзивец по освојувањето на Купот на кралот сфати дека тоа е најдобриот момент да се збогува со својот сакан клуб, по цели 20 години.
Муниаин е секако дете на клубот, а во академијата на Атлетико пристигна како 11-годишник и ќе замине втор на листата на одиграни натпревари, досега 557, но нема да го престигне недопирливиот Ќоп Ирибара, кој одигра 614.
Но, Муниан реши да си замине во вистински момент, има 31 година, конечно го освои Копа дел Реј, претходно Суперкупот на Шпанија во 2015 и 2021 година.
Нема намера да остане во Шпанија, голема е веројатноста да ја напушти и Европа, иако се уште нема донесено конечна одлука за тоа.
Својата одлука Муниаин веќе им ја соопштил на соиграчите и раководството на клубот, за до крајот на сезоната достојно да се збогуваат од навивачите и од „Сан Мамеш“.
Инаку, Муниан дебитираше за првиот тим уште на 30 јули 2009 година против Јанг Бојс и постигна 75 гола за Атлетик.
Погледнете го неговото емотивно видео кое го најавува неговото заминување од Атлетик Билбао…