Фудбалскиот клуб Специја имаше приватна аудиенција кај папата Франциск во Ватикан, каде што првиот човек на католичката црква им честиташе за победата над Рома во Копа Италија.

Клубот останува во Рим неколку дена бидејќи повторно ќе играат со Рома во Серија А овој викенд, и го искористија тоа да му подарат на папата дрес на Специја.

„Прво, честитки бидејќи имавте голема победа вчера. Во Аргентина ние го танцуваме тангото со 4-2 музика. Вие победивте со 4:2! Честитки и храброст до вас. Спортот е прекрасна работа, бидејќи го носи најдоброто од нас. Продолжете така“, изјави папата.

Complimenti e coraggio!
Con queste parole, @Pontifex_it ha accolto lo #SpeziaCalcio al gran completo, ricevuto questa mattina in udienza privata nelle stanze vaticane

➡️ https://t.co/saNErz4HU4 pic.twitter.com/87Rc8jLXWZ

— Spezia Calcio (@acspezia) January 20, 2021

Специја ја елиминираше Рома во драматичен меч со два црвени картони за 30 секунди

Домаќинот на Светското првенство во ракомет, Египет, стигна до импресивна убедлива победа од 28:23 над Русија за да си ги зголеми шансите за пласман во четврт-финалето на Мундијалот, додека „вечниот“ фаворит, Франција, повторно беше неубедлив, но се врати за 29:26 победа над Алжир за четврта победа во четири меча на шампионатот.

Египет и Русија почнаа израмнето во првите десетина минути од мечот, по што Египет полека ја презеде контролата, за со 5:0 серија во финишот на полувремето да направи предност од седум гола (15:8), која Русите не успеаја да ја достигнат во подоброто второ полувреме. Шабиб со осум и Елахмар со седум гола беа лидери на Египет, додека Французите, пак, имаа лош старт против Алжир, пред да се соземат и да направат два гола предност на полувреме (16:14), која ја одржаа до средината на второто полувреме, кога африканската репрезентација повторно израмни. Сепак, искуството го направи своето и „триколорите“ сега се фаворити за пласман во четврт-финалето од својата група. Фабрегас, Мае и Мем имаа по четири гола за Французите.

СП ЕГИПЕТ, ВТОРА РУНДА

ГРУПА 3

Швајцарија – Исланд 20:18 (10:9)

Франција – Алжир 29:26 (16:14)

Португалија – Норвешка 20.30 ч.

Табела: 1.Франција 6, 2.Португалија 4, 3.Исланд 2, 4.Норвешка 2, 5.Швајцарија 2, 6.Алжир 0

ГРУПА 4

Македонија – Словенија 21:31 (9:13)

Русија – Египет 23:28 (8:15)

Шведска – Белорусија 20.30 ч.

Табела: 1.Шведска 4, 2.Словенија 4, 3.Египет 4, 4.Русија 3 5.Белорусија 1, 6.Македонија 0

Умар Нурмагомедов, братучедот на УФЦ шампионот во лесна категорија Хабиб, ја оствари својата прва УФЦ победа на спектакуларен начин, „давејќи“ го поранешниот М-1 Глобал шампион, Сергеј Морозов на „Островот на борбите“ во Абу Даби.

Првата рунда беше конкурентна и иако Нурмагомедов покажа добар микс на удари, соборувања и транзиции, Морозов добро се држеше и самиот упати одлични удари. Во втората, 24-годишниот Нурмагомедов со нога го погоди Морозов во глава, и насоката на мечот се смени и Морозов немаше шанси, на крајот останувајќи во несвест по крајот на мечот.

Со братучедот Хабиб покрај рингот, Нурмагомедов го подобри својот скор во ММА борбите на 13-0, додека Казахстанецот Морозов доживеа пораз по пет победи во низа.

Lo duerme!!!! @UmarNmgdv somete a Sergey Morozov en round 2! #UFCFightIsland8 pic.twitter.com/FS8r6EZ15e

— ufcespanol (@UFCEspanol) January 20, 2021