Спорт
Пријателско реми на Албанија и Македонија

Дури во шестиот пријателски натпревар фудбалските репрезентации на Албанија и Македонија за прв пат одиграа без победник, предходно на контото на „црвено-жолтите“ имаше четири победи и еден пораз.Во пријателски натпревар во Корча, Албанија и Македонија одиграа без победник 0:0. Албанската репрезентација која настапи во речиси комплетен состав беше поконкретен противник против комираниот состав на Македонија, но на крајот ремито ги задоволи апетитите на две страни. Во не многу содржаен натпревар Македонија од пораз ја спасија голманите Нурединовски во првото, и Богатинов во второто полувреме. Во „црвено-жолтиот“ состав, единствен кој покрај голманите беше расположен за настап беше Кристијан Кировски но неговите удари во 19 и 35 минута не ја погодија целта. Натпреварот во Корча беше последен за сениорската репрезентација во оваа година, следната 2011 Македонија ќе ја стартува во Даблин, против Република Ирска во рамките на квалификациите за пласман на Еуро 2012.крај/макфакс/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Јунајтед од Шефилд му приреди „кошмар“ на Јунајтед од Манчестер

Манчестер јунајтед доживеа шокантен 1:2 пораз на „Олд Трафорд“ од тимот на Шефилд јунајтед, убедливо последнопласираниот клуб во Премиер лигата и клуб кој цела сезона има остварено само уште една!
Со овој резултат, Јунајтед не успеа да се врати на првото место на табелата и сега заостанува еден поен зад Манчестер сити, кои дополнително имаат и уште еден натпревар помалку.
Кин Бурк во 23. минута успеа да го совлада Давид де Хеа за шокантно водство на „блејдс“, по што следуваше иницијатива на Јунајтед, која дури во 64. минута резултираше со израмнување преку капитенот Хери Мегвајр. Само десет минути подоцна, повторно „студен туш“ за „ѓаволите“, Оливер Бурк упати удар, кој од ногата на Туанзебе заврши зад грбот на Де Хеа.
На „Гудисон парк“ пак, Хамес Родригез постигна прекрасен гол, но тој не беше доволен за победа на Евертон над Лестер, откако Јан Тилеманс во второто полувреме израмни и спречи „карамелите“ да избијат пред Ливерпул на табелата.
ПРЕМИЕР ЛИГА, 20.КОЛО
Брајтон – Фулам 0:0
Евертон – Лестер 1:1
Манчестер јунајтед – Шефилд јунајтед 1:2
Спорт
Барса му даде два гола на Димитриевски за камбек победа во Купот

Барселона се пласираше во четврт-финалето на Кралскиот шпански куп, откако со головите на Лео Меси и Френки де Јонг успеа да се врати од раната негатива против второтолигашот Рајо Валјекано во Мадрид.
По првото полувреме без голови, Фран Гарсија во 63. минута ги донесе домаќините во неочекувано водство. Меѓутоа, кога беше најпотребно тука беше Лео Меси и во 70-тата минута тој израмни на 1:1, пред десет минути подоцна Френки де Јонг со својот четврти гол во последните седум меча да донесе победа за каталонскиот клуб.
Спорт
Кулушевски за рутинска победа на Јуве над СПАЛ и дуел во полуфиналето со Интер

Јувентус и без Кристијано Роналдо во составот, имаше доволно сили да го совлада со 4:0 второлигашот СПАЛ и да се пласира во полуфиналето на Копа Италија, каде што ќе има шанса за одмазда против Интер на Антонио Конте, кој вчера во драма ги победи Милан.
Тинејџерите Раду Драгусин и Николо Фаџоли (дебитант) добија шанса, заедно со Дејан Кулушевски и Алваро Мората во ново партнерство во нападот, а во тимот се врати и Матијс де Лихт првпат по оболувањето од КОВИД-19, додека Џиџи Буфон доби шанса да биде стартер еден ден пред неговиот 43. роденден.
Јуве дојде во водство уште во 16. минута, кога Франческо Викари го фаулираше Адриен Рабио, а Алваро Мората беше сигурен од белата точка. Кулушевски го пронајде Џанлука Фработа во 33. минута за фантастичен гол, пред во 78. минута, самиот Кулушевски да зголеми на 3:0, пред Федерико Киеза во 94. минута да стави точка на мечот.
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Црна хроника2 месеци
Млада девојка од Штип пронајдена мртва во нејзиниот дом
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија2 месеци
(Видео) Отстранети два нелегално изградени објекта во општина Центар
- Спорт3 месеци
Гетџи: По мечот со Хабиб, мојата мајка конечно ќе може да се пензионира
- Македонија1 месец
Возачот на „бентлито“ што „влета“ на плоштад казнет со 45 евра, објавена фотографија од записникот