Филаделфија ги победи ЛА Лејекрс во дербито на вечерта во НБА лигата. Изминатата ноќ, во НБА, се одиграа 12 натпревари, кои ибндивидуално ги обележеаа Руди Гобер, Бредли Бил, Домантас Сабонис и големата тројка на Бруклин Нетс.

Актуелните шампиони, ЛА Лејекрс, во Филадлефија, го забележаа првиот гостински пораз оваа сезона. Севентисиксерс, во последните четири минути испуштија предност од 14 поени, за на крајот да победат со 107:106, со поените на Тобајас Херис постигнати на две секунди до крајот.

Меч-винерот Херис натпреварот го заврши со 24 поени и седум скока, Џоел Имбид постигна 28 поени, а Бен Симонс запиша трипл-дабл (17 поени, 11 скокови, 10 асистенции).

На спротивната страна се истакнаа Леброн Џејмс со 34 поени и по шест скока и асистенции, односно Ентони Дејвис со 23 поени и осум скока.

Game.@tobias31 | #HereTheyCome pic.twitter.com/y5jOWgMmoJ

— Philadelphia 76ers (@sixers) January 28, 2021

Joel Embiid was visibly in pain and went down hard on his back after being fouled.

LeBron was called for a flagrant 1 and Embiid stayed in the game. pic.twitter.com/LSOVsgVy5f

— ESPN (@espn) January 28, 2021

Лејкерси имаа скор 14 победи и четири порази и заедно со Јута Џез ја предводат Западната конференција. Јута го победи Далас со 116:104, благодарение на Руди Гобер, кој доминираше со 29 поени и 20 скокови. Далас го предводеше Лука Дончиќ со 30 поени.

Првиот стрелец во лигата, Бредли Бил, постигна 47 поени, но неговиот тим повторно не успеа да победи. Вашингтон го загубија мечот од Њу Орлеанс 106:124.

Домантас Сабонис ја предводеше Индијана до победата во Шарлот 116:106. Синот на славниот Арвидас, забележа трипл-дабл (22 поени, 11 скокови, 10 асистенции).

Бруклин Нетс играа продолжение во Атланта, забележаа победа 132:128. Големата тројка на Нетс комбинираше 89 поени. Кевин Дурент постигна 32 поени, Џејмс Харден 31 на кои придодаде 15 асистенции и осум скока, а Кајри Ирвинг уфрли 26 поени. На спротивната страна се истакна Тре Јанг со 28 поени и 14 скока.

Резултати:

Кливленд-Детроит 122:107
Орландо-Сакраменто 107:121
Мајами-Денвер 92:109
Торонто-Милвоки 108:115
Сан Антонио-Бостон 110:106
Финикс-Оклахома 97:102
Голден стејт-Минесота 123:111

Меѓународниот институт за фудбалска историја и статистика (ИФФХС) го избра тимот на деценијата.

Според одиграните натпревари, постигнатите голови, освоените трофеи…во тимот на Меѓународниот институт за фудбалска историја и статистика нема никакви изненадувања.

Во формација 4-3-3 голман е Мануел Ноер, во одбраната се Филип Лам, Серхио Рамос, Вирџил ван Дајк и Марсело, во редот за врска покрај Тони Крос и Лука Модриќ е и Андрес Иниеста.

Нападот го предводат Кристијано Роналдо, Лионел Меси и Роберт Левандовски.

Овој тим од клупата би го предводел Диего Симеоне кого Меѓународниот институт за фудбалска историја и статистика пред две недели го избра за тренер на деценијата.

Петар Мијовиќ повеќе не е тренер на кошаркарскиот клуб „Будуќност“ од Подгорица. Младиот стратег поднесе оставка, по поразот од Виртус во Болоња, во рамките на Еврокупот. Поразот од Виртус беше трет во низа за Будуќност, по двата порази, од Цедевита Олимпија во АБА лигата и Еврокупот.

Мијовиќ сметал дека неговата оставка е најдобро решение за клубот да се врати на победничкиот колосек.

Будуќност во АБА-лигата има скор од 11 победи и три порази, додека во Топ 8 фазата во Еврокупот има победа и два порази.

Оставката на тренерот ја потврди и клубот на официјалната страница.

Мијовиќ во „Будуќност“ беше тренер од 2017 година, најпрвин како предводник на младинскиот тим, а потоа и како тренер на првата екипа. Евролигата го прогласи за еден од десетте најдобри млади тренери во Европа.