Тотенхем со 4:1 славеше на гостувањето кај Вајкомб во четвртото коло од ФА купот, иако губеше од 25. минута, а до 86. минута беше израмнето 1:1!

Фред Оњедимна ги донесе второлигашот во водство во 25. минута, пред Герет Бејл, кој имаше редок старт за Спарси оваа сезона во 45. минута да израмни на 1:1. Кога домаќините се понадеваа дека е можно да одат на продолженија и пенали, Тотенхем врати со три гола за само четири минути.

Хери Винкс во 86. минута и Танги Ндомбеле во 88. минута и 93. минута обезбедија тимот на Жозе Мурињо да добие пресметка со Евертон во 1/16 финалето на најстарото клупско натпреварување на светот.

Хрватска го доживеа еден од најголемите порази во својата славна ракометна историја, откако во меч кој мораа да го добијат за четврт-финале, загубија со 12 гола разлика (38:26) од Данска, но селекторот во заминување, Лино Червар вели дека не се работи за некаков неуспех, туку за реална состојба во репрезентацијата.

„Во првото полувреме игравме добро, одбраната не беше толку силна, но изддржавме. Потоа ни недостасуваше сила и не одеше. Честитки за момците, се трудеа и тие кои играа помалку, но Данска беше едноставно подобра. Ова не е неуспех, туку е реална состојба. Ја само би кажал нешто. Кога сакам некого кој не сака, тоа не е некој успех. Треба да ги сакаме луѓето кои не не сакаат, кои сакаат да не понижат и минимизираат, но тоа не е добро. Не може да ни биде подобро без милосрдие, тоа е важно за нашата иднина“, заврши филозофски Червар.

Сега во Хрватска секако ќе следуваат бесконечни расправии и дискусии околу иднината на нивната репрезентација, почнувајќи од тоа кој треба да го замени Червар.

Историски „распад“ на Хрватска против Данска, Катар во четврт-финале

Иако одамна беше јасно дека работите не функционираат како што треба во хрватската репрезентација, по неубедливите победи во првите мечеви и шокантниот пораз од Аргентина, никој не очекуваше во меч кој требаше да биде одлучувачки, „коцкестите“ на Лино Червар да доживеат вистински дебакл и „распад на системот“ со 38:26 поразот од Данска.

Откако Катар им направи „услуга“ и ги победи Аргентинците, на Хрватска и беше потребна победа над Данска, репрезентација ослабена од стомачниот вирус кој „хара“ во Египет и репрезентација без многу мотиви – обезбедно прво место во својата група.

Ако во првото полувреме, Данците беа во предност, но водеа само со два гола, второто полувреме ја покажа слабоста на „каубојците“ и стариот ривал стигна до можеби најлесната победа во меѓусебните дуели, доминирајќи во нападот и одбраната и веќе во 41-та минута стигнаа до 10 гола разлика.

Јакобсен постигна осум гола за Данска, Холм имаше шест, додека за Хрватите, Мариќ заврши со шест гола, а Карачиќ имаше пет.

ЧЕТВРТ-ФИНАЛЕ

Данска – Египет

Шведска – Катар

Шпанија – Норвешка

Франција – Унгарија

СП РАКОМЕТ 2021, ВТОРА РУНДА

ГРУПА 1

Бразил – Уругвај 37:17 (18:7)

Шпанија – Унгарија 36:28 (21:14)

Полска – Германија 23:23 (12:11)

Табела: 1.Шпанија 9, 2.Унгарија 7, 3.Германија 5, 4.Полска 5, 5.Бразил 3, 6.Уругвај 0

ГРУПА 2

Бахреин – Јапонија 25:29 (12:19)

Аргентина – Катар 25:26 (13:12)

Данска – Хрватска 38:26 (17:15)

Табела: 1.Данска 10, 2.Катар 6, 3.Аргентина 6, 4.Хрватска 5, 5.Јапонија, 6.Бахреин 0