Од зборовите на Конор Мекгрегор се гледа дека непријателските чувства кон Хабиб Нурмагомедов се намалени по бурната 2018 година, но посочува дека тој мора да се согласи на римеч или да ја загуби УФЦ титулата во лесна категорија.

Од предавањето во четвртата рунда од бурниот меч во Лас Вегас пред повеќе од две години, Мекгрегор постојано тврди дека е подготвен за одмазда, но Нурмагомедов не беше заинтересиран за меч и останува на своето дека е во пензија по победата над Џастин Гетџи минатата година. Пред УФЦ 257 и дуелот со Дастин Поаире во Абу Даби, Ирецот бара одлука.

„Ќе го фатиме! Би кажал дека овој човек продолжува намерно да го избегнува ова, да избегнува да се врати на борбите. Тогаш, титулата треба да му биде одземена. Ќе биде интересно да се чуе неговиот изговор по овој меч, но очекувам одземање на појасот“, вели Мекгрегор.

По општата тепачка по нивната пва пресметка, УФЦ обезбеди двајцата да не се сретнат во Абу Даби оваа недела, но Мекгрегор вели дека нема да има проблеми надвор од кафезот.

„Тоа беше во 2018, сега е 2021. Ќе кажам, дека ако се бориме повторно, нема да има проблем. Тоа е тоа. Ако продолжи да бега, не сум сигурен. Ќе видиме“, објаснува Ирецот.

Хрватската ракометна репрезентација, конечно, одигра убедлив натпревар, победувајќи го Бахреин со 28:18 за да дојдат чекор поблиску до пласман во четврт-финалето на Светското првенство во ракомет.

Откако им дозволија само два гола во првите 20 минути на противниците, по што рутински стигнаа до целта. Златко Хорват со осум гола беше најефикасен за „коцкестите“, по четири имаа Иван Мартиновиќ и Марино Мариќ, додека за Бахреин, Алсајад Хусаин имаше шест гола. Следен противник на Хрватите е Аргентина.

Одлична партија имаа и Унгарците, кои со 29:23 го совладаа Бразил за да се зацврстат на првото место во групата 1. Бенце Банхиди беше најдобар со пет гола, по четири додадоа Сунајке, Мате и Бодо, додека кај Бразил, Ланжаро имаше осум гола.

СП ЕГИПЕТ, ВТОРА РУНДА

ГРУПА 1

Уругвај – Полска 16:30 (9:14)

Унгарија – Бразил 29:23 (16:11)

Шпанија – Германија 20.30 ч.

Табела: 1.Унгарија 6, 2.Полска 4, 3.Шпанија 3, 4.Германија 2, 5.Бразил 1, 6.Уругвај 0

ГРУПА 2

Јапонија – Аргентина 24:28 (13:17)

Хрватска – Бахреин 28:18 (13:8)

Данска – Катар 20.30 ч.

Табела: 1.Хрватска 5, 2.Данска 4, 3.Аргентина 4, 4.Катар 2, 5.Јапонија 1, 6.Бахреин 0

Новак Ѓоковиќ последните денови беше под критики од австралиската јавност за наводните „претерани и разгалени барања“ за тенисерите кои го „отслужуваат“ 14-дневниот карантин во хотел, но очигледно не го загубил расположението како што покажува последното видео од Австралија.

На Ѓоковиќ овојпат пред хотелот му се собраа српски навивачи со музика, кои успеаја да го раздрмаат и разиграат на терасата. Како подготовка за тенискиот турнир, нели?

View this post on Instagram

A post shared by 9News (@9news)