Кошаркарите на Црвена звезда стигна до импресивна 79:77 победа на гости кај Реал Мадрид, во одложениот меч од 19. коло од Евролигата, прекинувајќи ја низата од два порази.

Звезда ја загуби контролата на мечот во последната четвртина, но успеа да изддржи за голема победа. Кори Волден го предводеше српскиот тим во првото полувреме (45:40) со 16 поени, но клучните 10:0 за Звезда се случија на крајот на третата четвртина, кога од 60:58 поведоа со 70:68 предводени од Огњен Добриќ.

Шпанскиот клуб се обиде да се врати со неколку тројки, а по неспортската лична грешка на Бранко Лазиќ се повреди Руди Фернандез, но Реал го намали водството на 76:73. Тогаш одбраната на гостите успеа да го изддржи притисокот, а Џејси Керол не успеа да примора продолжение.

Волден заврши со 18 поени, Добриќ со 13, додека Фернандез со 11 беше најдобар за Реал. Звезда сега има 7-13 скор, а Реал Мадрид 13-7, откако беа поразени само вторпат во последните девет меча.

Правилата на Шпанската фудбалска федерација (РФЕФ) велат дека Лионел Меси може да добие драстична казна од 12 меча суспензија откако го доби првиот црвен картон во дресот на Барселона по бруталниот напад на напаѓачот на Атлетик Билбао, Асиер Вилјалибре.

Меси, исфрустриран откако неговиот тим прими гол во 90-тата минута, и потоа во продолжението од финалето на Шпанскиот Суперкуп, го удри Вилјалибре без топка, и според РФЕФ ако тој е обвинет за „агресивно однесување“, тогаш може добие казна од 4 до 12 меча. Со 12 меча казна, капитенот би бил отсутен од голем дел од домашниот шампионат. Доколку биде проценето дека инцидентот не е „агресивен“, тогаш казната е од еден до 3 меча.

Самиот Вилјалибре не сакаше многу да зборува за фаулот.

„Мислам дека нема потреба да правиме контроверзи, сите тимови прават фаули, клучот е да не се предадеш потоа. Зошто се налути? Го ставив телото напред, а тој реагираше бесно“, вели Вилјалибре.

Messi sees red for an off-the-ball swing. pic.twitter.com/PAW8cm95OR

— ESPN FC (@ESPNFC) January 17, 2021

Репрезентациите на Франција, Португалија и Шведска ќе пренесат максимални 4 поени во следната фаза на Светското првенство во ракомет во Египет, откако денеска ги забележаа третите победи во третото коло од првата рунда.

Словенија, пак, во интересна битка беше подобра од Белорусија за да го освои второто место во групата Х, од каде тие две репрезентации, заедно со Русија одат во нашата група во втората фаза.

Французите, пак, беа неубедливи, овој пат против упорните Швајцарци, но на крајот предводени со осумте гола на Кентин Мае стигнаа до тешка 25:24 победа за максимални 4 поени во втората рунда. Португалците лесно со 26:19 ги совладаа Алжир за да се најпријатното изненадување на турнирот, додека Египет во нашата група, пропушти големо водство за на крајот да загуби со 24:23 од Шведска.

Словенија, предводена од Блаж Јанц (8 гола) и Јуре Доленец (7 гола) во второто полувреме го скршија отпорот на Белорусија за второ место во групата зад Русија.

СП РАКОМЕТ ЕГИПЕТ 2021

ГРУПА Е

Франција – Швајцарија 25:24 (14:14)

Норвешка – Австрија 20.30 ч.

Табела: 1.Франција 6, 2.Норвешка 2, 3.Швајцарија 2, 4.Австрија 0

ГРУПА Ф

Португалија – Алжир 26:19 (14:9)

Исланд – Мароко 20.30 ч.

Табела: 1.Португалија 6, 2.Исланд 2, 3.Алжир 2, 4.Мароко 0

ГРУПА Г

Македонија – Чиле 32:29 (16:17)

Шведска – Египет 24:23 (9:12)

Табела: 1.Шведска 6, 2.Египет 4, 3.Македонија 2, 4.Чиле 0

ГРУПА Х

Русија – Јужна Кореја 30:26 (15:15)

Белорусија – Словенија 25:29 (15:15)

Табела: 1.Русија 5, 2.Словенија 4, 3.Белорусија 3,  4.Ј.Кореја 0

Фото: СП Египет 2021