Спорт
НБА:Девета победа во серија за Далас
Далас Маверикс со извонреден финиш во последните пет минути во Арко Арената во Сакраменто, направија скор од 15:4 и по 99:90 за Кралевите успеаја да направат пресврт за победа на гости.
Во последните секунди при 103:105 најнапред Џос Береа од Далас промаши две слободни фрлања со што овозможи на Сакраменто на 11 секунди до крајот, да стигне до израмнување или победа, но Џејсон Тери успеа да го пресече пасот на Карл Лендри и ја обезбеди победата. Новицки повторно беше најефикасен со 25 поени и по пет скокови и асистенции, Џејсон Тери веднаш до него со 23 поени.
За Сакраменто Тајрек Еванс имаше 28 поени 8 скокови и 5 асистенции, а Демаркус Кусинс 17 поении и 11 скокови.
Во Јунајтед Центарот во Чикаго Биковите во продолжение по 109:109 успеаја да го совладаат Хјустон со 119:116. Дерик Роуз беше најдобар играч на натпреварот со 30 поени, 11 асистенции и 7 скокови за Чикаго, Карлос Бузер постигна 25 поени и 9 скокови, а Жоаким Ноа оствари дабл-дабл со 13 поени и 12 скокови.
Во тимот на Хјустон Луис Скола беше најдобар со 27 поени и 8 скокови.
Останати резултати:
Мајами – Атланта 89:77 (Крис Бош 27 п. 10 ск., Двејн Вејд 26 п. 10 ск., Леброн Џејмс 22 п. 7 ск. / Ал Хорфорд 22 п. 9 ск.)
Филаделфија – Шарлот 109:91 (Џоди Микс 26 п., Тадеус Јанг 20 п. / Борис Дија 19 п. 6 ас., Стифен Џексон 18 п.).
Минесота – Кливленд 129:95 (Кевин Лов 28 п. 19 ск. Весли Џонсон 20 п. 6 ск. / Рамон Сешнс 18 п. 6 ас.)
Милвоки – Орландо 96:85 (Ендрју Богут 31 п. 18 ск., Брендон Џенингс 27 п. 7 ск. 6 ас./ Винс Картер 20 п. 7 ск. 6 ас.).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.