Спорт
Рондо со цепелин до Кеј Џи за триумф на Бостон
Во Велс Фарго Центарот во Филаделфија Андре Игуадала со хорог на 6 секунди пред крајот ја доведе Филаделфија во водство од 102:101. Но на 1,4 секунди пред сирената да означи крај, Ражон Рондо со цепелин го проигра Кевин Гарнет кој во скок од идеална позиција ја положи топката за победа на Селтик над 76-ките од 102:101. Реј Ален беше најефикасен кај Бостон со 23 поени, а Ражон Рондо оствари 19 поени, 14 скокови и само една асистенција, но онаа најважната со која Бостон ја оствари својата девета победа во серија, а вкупно 18-та оваа сезона.Џоди Микс постигна 19 поени за Филаделфија, Андре Игуадала 14 поени и 11 асистенции, а Елтон Бренд 13 поени и 14 скокови.Во Америкен Еирлајнс Центарот Далас го победи Њу Џерси со 102:89. Победата речиси беше обезбедена на полувремето на кое домаќините отидоа на одмор со резултат 55:40. Новицки имаше 21 поен и 10 скокови, а Шон Мерион 18 поени и 6 скокови за Далас. Брук Лопез со 24 поени и 8 скокови беше најдобар во тимот на Њу Џерси, а Крис Хемфри оствари 16 поени и 13 скокови.Во Роуз Гарден Арената во Портланд Блејзерси го победија Орландо со 97:83. Магичните направија позитива од седум поени во првата четвртина и тоа беше се што покажаа на овој меч. Домаќините израмнија до полувремето и влегоа со сигурна предност во финишот. Андре Милер имаше 22 поени, 7 скокови и 8 асистенции, а Весли Метјус 20 поени за Портланд кој со оваа победа дојде на 50 проценти учинок (11-11).Во тимот на Орландо кој што сега има скор од 15 победи и само 7 порази, Двајт Хауард беше најефикасен играч на натпреварот со 39 поени и 15 скокови, но останатите негови соиграчи немаа свој ден.крај/макфакс/м.н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.