Спорт
Осум секунди за инфаркт во Пепси Центарот
Последните секунди во Денвер на мечот меѓу Нагетс и Сан Антонио Спарс не беа за луѓе со слабо срце. Сан Антонио на осум секунди до крајот водеше со 108:111, кога Кармело Ентони беше проигран за забивање и резултат од 110:111. Но додавањето од под кошот на Сан Антонио беше пресечено, па Ентони во истата секунда постигна уште еден поен за 112:111. Ману Џинобили за три секунди го претрча цел терен и постигна кош иако беше покриен за ново водство на Сан Антонио од 112:113. Остануваа 4,2 секунди за напад на Денвер. Ентони беше проигран во просторот под кошот и постигна поен но притоа го сруши Џинобили и судијата Хејвуд Воркмен досуди офанзивен фаул што значеше дека кошот не важи, а победата му припадна на Сан Антонио. Кармело Ентони беше најефикасен во тимот на Денвер со 31 поен и 9 скокови, а Арон Афало имаше 20 поени 5 скокови и 4 асистенции. Во екипата од Сан Антонио Тим Данкан со 28 поени и 16 скокови беше најефикасен, Тони Паркер постигна 24 поени и 9 скокови, но играч кој што го одлучи мечот беше Ману Џинобили (16 п.) бидејки го постигна решавачкиот кош, а врз него беше направен офанзивниот фаул во последната секунда кога беше поништен кошот на Кармело Ентони. За Сан Антонио ова е 22 победа во 25 мечеви, додека Денвер сепак е во позитива со 15 победи и 10 порази.Њу Џерси Нетс во Пруденшл Центарот го победи Вашингтон Визардс со 97:89. Решавачка беше предноста од 17 поени на полувремето која беше недостижна за Вашингтон. Девин Херис постигна 29 поени и 9 асистенции за мрежичките, а играчот од клупа бекот Ник јанг беше најпрецизен во тимот од Вашингтон со 22 кошеви. Џилберт Аренас постигна само 19 поени, но имаше 9 асистенции. И двете екипи имаат лош скор на победи и порази, Њу Џерси со 6-19, а Вашингтон со 6-18.Во Гарден Арената во Бостон домаќините ја победија Атланта со 102:90. Глен Дејвис имаше дабл-дабл со 18 поени и 10 скокови, Реј Ален постигна 18 поени и 6 асистенции, а кевин Гарнет 17 поени и 14 скокови за Бостон, кој со оваа победа има импресивен скор од 21-4. Марвин Вилијамс со 26 поени и 5 скокови беше најефикасен во тимот на Атланта која сега има скор 16-11. Крај/Макфакс/м.н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Поради Белингем ќе заврне дожд од милиони евра во Дортмунд“
Шпанските медиуми најавуваат огромен паричен бонус за Борусија Дортмунд поради настапите на Џуд Белингам оваа сезона.
Белингем блесна во својата прва сезона во Реал Мадрид, како најдобра стрелец го предводи тимот до титулата во Ла Лига и полуфиналето на Лигата на шампионите.
20-годишниот Англичанец минатото лето пристигна на „Сантијаго Бернабеу“ за 103 милиони евра, но трансферот може да се зголеми поради одредени бонуси.
„Ќе заврне дожд од милиони евра во Дортмунд“, пренесува весникот „АС“.
Наводно, преку дополнителни бонуси за постигнати голови, индивидуални и клупски трофеи, Борусија би можела да заработи уште 30 милиони евра.
Белингем постигна 17 гола со четири асистенции на 25 натпревари во Ла Лига. Во сите натпреварувања, Англичанецот постигна 21 гол на 36 натпревари со десет асистенции.
„АС“, наведува дека ова ја зголемува вкупната сума на трансферот, која може да се зголеми во зависност од минутите што ќе ги одигра Белингем до крајот на сезоната и можниот избор во идеалните тимови во Ла Лига и ЛШ.
Белингем, во понеделникот стана лауреат на Лауреус, добивајќи ја наградата за „Пробив на годината“.
„АС“, во својот текст посочува дека германскиот клуб исто како и мадриѓаните го слави секој негов настап, гол, асистенција…
Спорт
(Видео) Минесота го одбрани домашниот терен, брејк направија Далас и Индијана
Кошаркарите на Минесота повоедоа со 2-0 во серијата против Феникс, додека Далас и Индијана изедначија на 1-1 во сериите против ЛА Клиперс, односно Милвоки.
Минесота го одбрани домашниот терен против Феникс. По убедливата победа во првиот натпревар (120:95), во вториот Волците славеа со 105:93
Најефикасен во победничкиот тим беше Џејден МекДаниелс со 25 поени и осум скока, а го следеа Руди Гобер и Мајк Конли со по 18 и Ентони Едвардс со 15 поени.
Најефикасни кај Феникс беа Девин Букер со 20 и Кевин Дурент со 18 поени.
Лука Дончиќ го предводеше Далас до победата 96:93 во Лос Анџелес, над Клиперси.
Словенечкиот репрезентативец забележа 32 поени, шест скока и девет асистенции.
Двоцифрен учинок имаа Кајри Ирвинг со 23 поени и шест скока, Пи Џеј Вашингтон со 18 поени и шест скока, како и Дерик Џонс Јуниор со 10 поени и седум скока.
Кај Клиперси се истакна Џејмс Харден со 22 поени, шест скока и осум асистенции. Исто број на поени постигна Пол Џорџ.
Брејк направија и кошаркарите на Индијана, тие убедливо победија во Милвоки 125:108.
Пејсерси ги предводеше Паскал Сијакам со 37 поени (16/23 шут од поле, 3/4 за три), 11 скока и шест асистенции.
Во чекот го следеа Мајлс Тарнер со 22 поени, седум скока и шест асистенции, додека Тајрис Халибартон додаде 12 со исто толку асистенции.
Одличен беше и Ендрју Нембард со 20 поени, а Арон Несмит додаде 11 со седум асистенции и пет скока.
Во отсуство на Јанис Адетокумбо, Милвоки имаше само двајца расположени играчи, Демијан Лилард постигна 34, а Брук Лопез 22 поени.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.