Спорт
Контардо од Чиле најбрз на свое буниште
Чилеанецот Франциско Лопез Контардо на Априлиа ја искористи предноста на познавањето на теренот па успеа да ја заврши како прв седмата етапа на релито Дакар од Арика до Антофагаста. Етапата беше скратена на само 252 километри, а Контардо ја мина за 3:29,45 часа, а по него пристигнаа двајцата главни конкуренти Сирил Деспре (+ 2,21 мин.) и Марк Кома (+ 3:45 мин.). Во конкуренција на автомобили победи Насер Ал Атија (Фолксваген) кој што делницата ја помина за 2:40,57 часа, Саинц задоцни 1,22 минута, а Жиниел Де Вилие 2,56 минути. Петерхансел со БМВ овој пат задоцни 7,40 минути со што ги намали шансите да се вмеша во борбата за првото место бидејки сега заостанува повеќе од 20 минути.Во конкуренција на популарните квадови победи Себастијан Халперн (Јамаха) со време од 4:01,26 часа, Лукаш Лашкавиец (Јамаха) пристигна втор (+2,10 мин), а Хорхе Сантамарина (Хонда) беше трет (+6.16 мин.).Кај камионите Алеш Лопре од Чешка со Татра победи со време 2:23,43 часа, истовремено надомести 5,03 минути во однос на водечкиот Фирдаус Кабиров (Камаз). Владимир Чагин (Камаз) задоцни 14,05 минути, но кај камионите еден дефект на гума значи губење на 15 минути така што овие три екипажи и понатаму се главни фаворити, иако не треба да се отпише и Ехтер со МАН.Генерален пласман:Мотоцикли: Марк Кома 26:13,50 часа, Сирил Деспре (+7,24 мин), Франциско Контардо (+18,27 мин.)…Автомобили: Карлос Саинц (23:21,58 часа), Насер Ал Атија (+1.22 мин.), Стефан Петерхансел (+21,11 мин.), Жиниел Де Вилие (+32,45 мин.)…Квадови: Томас Мафеи (7:44,45 часа), Алехандро Патронели (+3,03 мин.), Себастијан Халперн (+26,45 мин.). крај/макфакс/м.н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.