Спорт
Сити на врвот, Челзи пак меѓу првите четири
Фудбалерите на Манчестер сити дојдоа до тешка но вредна победа над Вулверхемптон од 4:3 со што по 23. коло од англиската Премиер лига привремено се на првата позиција
Островската и европската фудбалска јавност во саботата со внимание го следеше мечот на Манчестер сити со Вулверхемптон најмногу затоа што тоа беше деби настап за босанскиот интернационалец Един Џеко. Неговиот трансфер од 35 милиони евра од германскиот бундеслигаш Волфсбург е еден од поскапите годинава. Џеко го одигра целиот натпревар а беше асистент на еден погодок што го постигна Јаја Туре во 54. минута за водство од 3:1.Манчестерските „граѓани“ беа изненадени со отворената игра и напаѓачката формација на Вулверхемптон, што го потврдува и статистичкиот податок од 50 отсто поседување на топката. Гостите и поведоа во 11. минута преку Милијаш кој погодокот го постигна со удар од близина. На сличен начин во 39. минута изедначи Коло Туре. Во второто полувреме, по неколку потпросечни игри, се разбуди аргентинскиот ас и капитен на Манчестер сити, Карлос Тевез кој домашните ги доведе во водство во 49. минута со одличен соло пробив. По пет минути следеше погодокот на Јаја Туре, а Тевез уште еднаш, овојпат со глава, беше прецизен во 66. минута. Со денешните два Тевез има вкупно постигнато 14 голови во досегашниот тек од Премиершип со што на чело на листата на стрелците се изедначи со Бугаринот Димитар Бербатов од Манчестер јунајтед. По водството од 4:1 на речиси половина час до крајот, се очекуваше демолирање на противникот, но очигледно ака не мислеа и фудбалерите на Вулверхемптон кои и во периодот на постигнување на головите на Сити не отстапуваа од обидите да го загрозат противничкиот гол. Тие во 68 минута успеаја преку пеналот кој непотебно го направи Лескот а за гостите го реализираше Дојл да намалат на 2:4, а во 86 минута Зубар од мешаница успеа да намали на 4:3 и со голем притисок до крајот на мечот да одат на изедначување. Сепак одбраната на Сити издржа и со овие нови три бода моментално со 45. бодови е на првата позиција, со еден бод повеќе од второпласираниот Манчестер јунајтед, но кој има дури три меча помалку. Челзи на својот „Стемфорд бриџ“ го совлада Блекбурн со 2:0. Ова е само втора победа на лондонските „сини“ во последните 10 натпревари. Српскиот бек Ивановиќ од близина по голема мешаница во 57.минута го донесе водството за Челзи, а Николас Анелка во 76. минута ја обезбеди победата.Нигериецот Питер Одемвинги беше двоен стрелец за Вест бромвич албион во домашната победа на Блекпул од 3:2. Одемвинги беше стрелец за водство на домашните во 37. минута и во 87. го постигна и решавачкиот гол, додека во меѓувреме новото водство од 2:1 за ВБА го донесе во 52. минута Морисон. Гостите поведоа од 11. минута преку Воган а на 2:2 изедначија во 80. минута со голот на Тејлор–Флечер. Виган и Фулам ги поделија бодовите со головите на Родејлеџ во 57. и на Џонсон во 86. минута.Сток сити без поголеми напори го совлада со 2:0 Болтон. Стрелци беа Хиџинботам во 37. и Итерингтон во 63. минута од пенал.Во тек е мечот на Арсенал кој со 2:0 на полувремето водеше на гости против Вест хем.Во недела се играат мечевите Бирмингем – Астон вила; Сандерленд – Њукасл, градското дерби Ливерпул – Евертон и дербито во Лондон меѓу Тотенхем и Манестер јунајтед.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Цолакис одбрани три пенали – Олимпијакос го елиминира Фенербахче
Познати се сите полуфиналисти во Конференциската лига. На Фиорентина, Астон Вила и Клуб Бриж им се приклучи Олимпијакос. Грците, по голема драма, успеаја да го минат Фенербахче по избедувањето пенали и за прв пат во својата историја да се пласираа во полуфинале во натпреварување одрганизирано од УЕФА.
Олимпијакос допатува на ревашот во Истанбул, против Фенербахче со предност од 3:2. Таа предност Фенер ја анулираше по само 11 минути игра, кога Кавечи погоди за 1:0.
Сепак до крајот на натпреварот немаше голови.
На крајот пенал серијата донсе невидена драма, од која како херој излезе голманот на Олимпијакос Цолакиз.
Цолакис ги одбрани ударите на Тадиќ, Ченгиз Ундер и Бонучи. Ел Араби не реализираше за Олимпијакос, исто како и Родинеи во последната серија, неговата топка по одбраната на Ливаковиќ удри во гредата и падна на гол линијата.
Олимпијакос во полуфиналето ќе игра против Астон Вила.
Спорт
(Видео) Милан и со играч плус немоќен во Рим, Баер ја продолжи серијата без пораз, Ливерпул елиминиран
Италија има два клуба во полуфиналето на Лига Европа. Пласманите на Рома и Аталанта меѓу најдобрите четири екипи во ова натпреварување и донесоа на Италија уште едно место во Лигата на шампионите наредната сезона.
Рома и во реваншот го победи Милан (2:1) и покрај тоа што повеќе од 60 минути играше со фудбалер помалку. Вкупниот резултата во овој двомеч е 3:1 за „волчицата“.
Аталанта загуби на домашен терен од Ливерпул (0:1), но победникот во двомечот го реши триумфот на Аталната во Ливерпул, пред една недела (3:0).
Во полуфиналето е и германскиот шампион Баер Леверкузен. „Фармацевтите“, во 89.минута избегнаа пораз во Лондон од Вест Хем (1:1). Баер ја продолжи неверојатната серија, тимот на Чаби Алонсо нема пораз оваа сезона.
Милан практично беше нокаутиран во Рим по 20-ина минути. Рома поведе со 2:0 со головите на Манчини во 12. минута и Дибала во 22. минута и дојде до вкупни 3:0. Малку надеж Милан доби во 31.минута кога Зеки Челик доби црвен картон.
Сепак и со играч плус на теренот, Милан не успеа сериозно да се закани. Во вториот дел Рома имаше две големи шанси преку Спенацола и Ејбрахам. Се што направи Милан на овој меч е голот на Габија во 85.минута.
Ливерпул и покрај сериозната негатива од првиот меч, се обиде да направи чудо во Бергамо. на крајот не успеа и покрај тоа што со голот на Салах во 10.минута од пенали дојде до предност.
Египќанецот имаше уште една одлична шанса во првото полувреме, но неговиот обид за лоб помина покрај голот. Во продолжение Ливерпул не успеа да постигне уште еден гол, а не создаде ниту голема шанса. На крајот, сепак, Аталанта немаше многу проблеми да ја одбрани големата предност од првиот меч.
Баер во Лондон дојде во одлично расположение. Обезбедена првата титула во клупската историја, без претрпен пораз во сите натпреварувања во сезоната и предност од 2:0 од првиот натпревар.
Но во 14. минута Вест Хем ја преполови таа предност преку Антонио. Но, за жал, на Вест Хем, тоа беше се што успеа да направи премиерлигашот. „Чеканите“ не успеаја да му го нанесат првиот пораз на Баер во сезоната, бидејќи Фримпонг постигна гол за 1:1 во 89. минута.
Спорт
(Видео) Мартинез ја однесе Вила во полуфиналето, Фиорентина во продолженијата ја „скрши“ Викторија
Астон Вила и Фиорентина изборија пласман во полуфиналето на Конференциската лига. Фиорентина во продолженијата ја елиминира Викторија Плзен, а Астон Вила го доби пенал-рулетот, во Франција против Лил, благодарение на голманот Емилијано Мартинез.
Фиорентина заслужено влезе во полуфиналето. Чудо е како „виолетовите“ не успеаја да го решат прашањето околу кончениот победник во регуларните 90 минути.
Неколку пати фудбалерите на Фиорентина ја погодија стативата, а од 66.минута имаа и фудбалер повеќе на теренот.
Нико Гонзалес (92) и капитенот Кристијано Бираги (108) ги постигнаа головите, во победата 2:0, во продолженијата.
Фиорентина во полуфиналето ќе игра против подобриот од натпреварот Фенербахче – Олимпијакос.
Астон Вила „спаси“ глава во Лил. Најпрвин со голот на Кеш во 87.минута тимот на Унаи Емери се избори за дополнителни 30 минути фудбал, а потоа го искористи своето најсилно оружје во пенал-драмата, голманот Мартинез.
За Лил стрелци во регуларниот дел од натпреварот беа Јазичи во 15. и Андре во 67.минута.
Мартинез го одбрани пеналот на Бенталеб во првата серија, а во четвртата неговиот колега Шевалие го запре обидот на Бејли. Реши последниот пенал, Мартинез го прочита капитенот на Лил Андер и ја однесе Вила во полуфиналето.
Emi Martinez saves the pen then dances. He is so unserious man.. 😭😭
— Conn (@ConnCFC) April 18, 2024