Спорт
Фаворитите во Серија А низ „иглени уши“
Неделата донесе неочекувано тешки мечеви за фаворитите во 20-то коло од италијанското фудбалско првенство. Јуве одвај со 2:1 го совлада последнито Бари а Рома успеа да победи со автоголот на Чезена
По двата воведни пораза во 2011 г., Јувентус успеа да ја оствари и втората победа во Серија А во новата година, Творец на победата за торинезите беше играчот од средниот ред Алберто Аквилани во 79. минута, кој постигна ефектен погодок со остар полуволеј од работ на казнетиот простор на противникот. Инаку „старата дама“ поведе на ист начин, по прекин со својствено за Алеснадро Далпиеро перфектно изведен удар во 43. минута. Ова е само четврти гол за ветеранот во Серија А кој е меѓу десеттемина фудбалери со најголем број првенствени мечеви во историјата на. Во 57. минута, гостите изедначија преку Рудолфо.Минимални победи забележија и двата римски клуба, Лацио и Рома во настојувањата покрај Наполи да го одржат чекорот со водечкиот Милан. „Бјанкочелестоите“ во Рим на „Олимпико“ дури во 84-та минута со голот на 21-годишниот чешки напаѓач Либор Козак кој во 77. минута го замени Броки, успеаја да го скршат отпорот на Сампдорија.Со истиот резултат „римската волчица“ победи на гостувањето кај Чезена, но благодарејќи на несреќниот потег на домашниот одбранбен играч Пелегрино во 89. минута. Акцијата започна од Бориело, топката преку Антониоли дојде до Адриано, а потоа стигна до Сомплицио и се одби од Пелегрино.Фудбалерите на Удинезе продолжија со ефикасната игра. На 4-те мечеви во 2011 г. имаат постигнато 12 погодоци, а во претходните 16 првенствени настапи 15 пати ја затресоа противничката мрежа. По минатонеделното реми кај Милан од 4:4, во неделата извојуваа гостинска победа над Џенова од 4:2. Домашните успеаја само двапати да го израмнат водството на гостите, преку Милането во првата минута од судиското продолжение на првото полувреме и во 57. минута преку Дестро. За Удинезе прецизни беа Амеро во 27, Динатале во 56. што е негов 14 ти погодок и е водечки на листата на стрелците во Серија А, Санчез во 69. и Денис во 90. минута.Бреша со 2:0 ја совлада Парма, со головите на Берга во 4. минута од продолжувањето на првото полувреме и Диаманти во 88. минута.Катанија ремизираше со Киево со погодоците на Лопез од пенал во 29. и Пелисиер во 65. минута. Каљари според традицијата лесно излезе на крај пред својата публика со Палермо совладувајќи го со 3:1. Во првиот дел надмоќта на домаќините ја круниса во 23. минута Матри, а во второто полувреме по првите десет минути кога беа постигнати преостанаите три гола на натпреварот се чинеше дека ќе следиме возбудлив меч. Но возбудувањата престанаа во 55. минута откако Биондини повторно го зголеми водството на Каљари на два гола разлика. Претходно во 48. минута Ночерино постигна автогол за водство на домашните од 2:0, но на 2:1 Веднаш во 50. минута намали Пасторе.Вечерва останува да се одигра мечот меѓу Лече и водечкиот Милан, кој има три бода предност пред вториот и третиот Наполи и Лацио а пет пред четвртата Рома.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Нема повеќе повторување на натпревари во ФА Купот
Фудбалската асоцијација на Англија (ФА), објави дека од следната сезона, во ФА купот нема да се преигруваат натпреварите кои ќе завршат без победник. Правилото, старо колку и самото натпреварување, од следната сезона ќе важи само во квалификациите. за повторување ќе важи само во квалификациите.
Укинувањето на повторувањата е само еден од неколкуте чекори договорени од ФА и Премиер лигата во следните шест години.
Во иднина сите натпревари од ФА Купот ќе се играат за викенди, со исклучок на четвртото коло, во кое натпреварите ќе се играат од петок до среда. Во четвртото и петтото коло од ФА Купот нема да се играат натпревари од Премиер лигата.
Финалето на ФА Купот ќе се одигра во претпоследниот викенд од сезоната во Премиер лигата. Тој ден нема да се играат натпревари од Премиер лигата. Во петок, на ден пред финалето на ФА Купот, нема да има натпревари од Премиер лигата.
Промените во ФА Купот ќе донесат поинаков вид посветеност на Премиер лигата. Прво, Премиер лигата ќе обезбеди дополнителни 33 милиони фунти за фудбалот, покрај 100-те милиони фунти што досега ги плаќаше на крајот од секоја сезона.
Покрај тоа, Премиер лигата ги задржува сите претходни обврски – на секои три години Премиер лигата исплаќа 1,6 милијарди фунти за сите нивоа во машка и женска конкуренција за да помогне во развојот на фудбалот.
Одлучено е и Комјунити Шилд натпреварот за сезоната 2024/25 да се одигра во сабота на 10 август. Една недела подоцна ќе започне сезоната во Премиер лигата.
Спорт
Лирој Сане има чудна повреда поради која не може да седи
Лирој Сане, во средата, беше еден од најдобрите играчи во тимот на Баерн, кој преку Арсенал избори пласман во полуфиналето, во Лигата на шампионите. Германските медиуми пишуваат дека 28-годишниот фудбалер повреден го одиграл тој натпревар и дека планира да игра до крајот на сезоната.
Сане има чудба повреда поради која не може нормално да седи.
Како резултат на тоа, тој не поминува време со соиграчите пред и по тренинзите, а тешко му е и да патува.
Но, и покрај тоа, му порачал на тренерот Томас Тухел дека не размислува да прави пауза за да ја лечи повредата, особено не сега кога Баерн Минхен го очекува двомеч со Реал Мадрид.
Сане има повреда на срамната коска, односно на препоните, една од трите главни коски на карлицата. Германските медиуми пренесуваат дека Сане под блокада го одиграл реваншот од четвртфиналето со Арсенал, но дека по натпреварот имал сериозни болки.
Напуштајќи го стадионот, тој наводно им рекол на тренерот и соиграчите дека ќе продолжи да тренира и да игра како ништо да не се случило, особено што поради повреди мечот го пропуштија Серж Гнарби и Кингсли Коман.
Сезонава Сане има девет гола и 13 асистенции на 39 настапи во дресот на Баерн.
Спорт
Невозможно е да се добие пенал серија против Емилијано Матинез
Аргентинскиот голман Емилијано Мартинез можеби не е најдобар пример за новата генерација, но неговите голмански квалитети не можат да се оспорат.
Мартинез е „доктор за пенали“, а тоа уште еднаш го докажа во Лил, каде беше најзаслужен што неговата Астон Вила се пласираше во полуфиналето на Конференциската лига.
Мартинез беше пречекан од непријателска публика во Франција по се што се случи на Мундијалот во Катар, кога Аргентина во финалето на пенали ја победи Франција.
Натпреварот Лил-Астон Вила заврши со резултат 2:1, идентична понеда англискиот тим забележа на домапен терен, па откако и по дополнителните 30 минути немаше промена во резултатот, победникот го решија пеналите.
Мартинез тука повторно блескаше, ги одбрани пеналите на Бенталеб и Андре и го однесе својот тим понатаму во борбата за европскиот трофеј.
Тоа беше негова петта последовна пенал серија од која излезе како победник.
Мартинез во пенал рулетот:
Комјунити Шилд 2020 против Ливерпул ✅
Полуфинале на Копа Америка 2021 против Колумбија ✅
Четвртфинале на СП 2022 против Холандија ✅
Финале на Светското првенство 2022 против Франција ✅
Четвртфинале на Конференциската лига 2024 против Лил ✅